< ត្រឡប់ទៅធនធានទាំងអស់

ល្បែងធ្វើប័ណ្ណប្រៃសណីយ៍

20-30 នាទី

មិនកំណត់ចំនួន

៣ឆ្នាំ លើស

ខ្មៅដៃ, ខ្មៅដៃពណ៌, បោះពុម្ភ សន្លឹកកិច្ចការ

អង្គការរ៉ឺម៉កកង់បីសម្រាប់កុមារ

• សិក្សាសង្គម

សកម្មភព ៖ ល្បែងធ្វើប័ណ្ណ​​ប្រៃសណីយ៍
សិក្សាសង្គម​
បំណិនទំនាក់ទំនង (អត្តសញ្ញាណរបស់ខ្លួន)

គំនូរ និងសកម្មភាពកសាង (ការយល់ដឹង និងការពេញចិត្តចំពោះសិល្បៈតាមរយះការបង្កើតរូបភាព)

គោលបំណង ៖
(សិក្សាសង្គម​) ប្រាប់ពីនាមត្រកូល នាមខ្លួន អាស័យដ្ឋាន ចំនួនសមាជិកគ្រួសារ។
ប្រាប់ពីរបៀបបត់សន្លឹកកិច្ចការ បិទ បត់ គូរ រចនា បង្កើតជារូបភាពផ្សេងៗ និងបង្ហាញពីអ្វីដែលបង្កើតឡើងបាន។
កុមារអាចប្រាប់បានពីនាមត្រកូល នាមខ្លួន

កម្រិតសិក្សា ៖ ទាប មធ្យម ខ្ពស់
រយៈពេល ៖ ៣០ នាទី 

ឧបករណ៍ ៖ សន្លឹកកិច្ចការ និងខ្មៅដៃពណ៌

ការរៀបចំ ៖  បោះពុម្ពសន្លឹកកិច្ចការ

សេក្ដីណែនាំ៖

1. សួរក្មេងៗថា៖ តើកូនៗធ្លាប់មានអ្នកផ្ញើសំបុត្រ ឬ កញ្ចប់ឥវ៉ាន់ពីមុនមកដែរឬទេ? 
2. ពិភាក្សាពីសេវាកម្មនៅការិយាល័យ​ប្រៃសណីយ៍។​ 
   ឧទាហរណ៍៖ តើកូនៗស្គាល់ អ្នកធ្វើការនៅក្នុងការិយាល័យប្រៃសណីយដែរឬទេ?
   តើការិយាល័យ​ប្រៃសណីយ៍គេធ្វើអ្វីដែរ?
   តើការិយាល័យ​ប្រៃសណីយ៍ត្រូវការអ្វីខ្លះទើបអាចផ្ញើសំបុត្រ ឬ កញ្ចប់ឥវ៉ាន់បាន?
   តើគេធ្វើយ៉ាងណាទើបដឹងថាសំបុត្រទាំងនោះសម្រាប់អ្នកណា? 
3. សួរពួកគេប្រសិនបើពួកគេស្គាល់នាមប្រកូល និងអាស័យដ្ឋានរបស់ពួកគេ ។
   តើកូនៗឈ្មោះអ្វី? តើកូនៗរស់នៅកន្លែងណា? អាស័យដ្ឋានឈ្មោះអ្វី?
4. ចែកក្រដាសសន្លឹកកិច្ចការ និងខ្មៅដៃពណ៌។ នឹងពន្យល់ប័ណ្ណប្រៃសណីយ៍។
5. បង្ហាញពួកគេពីការបត់ក្រដាសសន្លឹកកិច្ចការ
6. បង្ហាញពួកគេ ពីខ្នងរបស់ប័ណ្ណ​​ប្រៃសណីយ៍ និងអ្វីដែលត្រូវសរសេរនៅលើបន្ទាត់ 
   នាមប្រកូល និងអាសយដ្ឋានរស់នៅបច្ចុប្បន្នរឺ(ផាត់ព៌ណ គូររូបភាពផ្សេងៗដើម្បីសម្គាល់ថាជារបស់ខ្លួន។
7. សួរពួកគេឱ្យគូររូបនៅផ្ទៃក្រដាសដែលនៅម្ខាងទៀត និងរចនាត្រាដោយខ្លួនឯង។
8. ប្រសិនបើពួកគេបានដឹង អាចសរសេរឈ្មោះរបស់ពួកគេ និងអាសយដ្ឋាន(សួរក្មេងៗ)
9. សម្រាប់ក្មេងៗដែលមិនបានសរសេរឈ្មោះ និងអាសយដ្ឋានរបស់ពួកគាត់ទេ អ្នកអាចសរសេរឈ្មោះ
   របស់អ្នក និងអាសយដ្ឋានសាលារៀន នៅលើក្ដារខៀន ដើម្បីឱ្យក្មេងៗអាចកត់សម្លងបាន។