< ត្រឡប់ទៅធនធានទាំងអស់
ពួកយើងទាំងអស់ខុសគ្នា
-
ចិត្តចលភាព -
វិទ្យាសាស្រ្ត -
សិក្សាសង្គម
សកម្មភាព ៖ ពួកយើងទាំងអស់ខុសគ្នា
ចិត្តចលភាព
បំណិនចលកតូច (ការហ្វឹកហាត់បង្កើនកម្លាំង សម្របសម្រួលសាច់ដុំដៃ និងភ្នែកសាច់ដុំភ្នែក)។
បំណិនចលកធំ (ការហ្វឹកហាត់បង្កើនកម្លាំង សម្របសម្រួលសាច់ដុំតូច និងសាច់ដុំធំ)។
វិទ្យាសាស្រ្ត
ការរស់នៅប្រចាំថ្ងៃ (អំពីរាងកាយផ្ទាល់ខ្លួន)
សិក្សាសង្គម
បំណិនទំនាក់ទំនង (ការពេញចិត្តចំពោះលក្ខណៈផ្សេងគ្នារបស់បុគ្គល)
គោលបំណង
(ចិត្តចលភាព) ប្រាប់ពីររបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយ ឬលេងល្បែង។
បង្ហាញពីរបៀបធ្វើសកម្មភាពទៅតាមទម្រង់ផ្សេងៗនៃសកម្មភាពរួមមួយ។
(វិទ្យាសាស្រ្ត) ប្រាប់ឈ្មោះអំពីរាងកាយរបស់មនុស្សឱ្យបាន ៦ផ្នែក។
(សិក្សាសង្គម) លេងជាមួយកុមារដទែទៀតដោយមិនប្រកាន់ពូជសាសន៍ ពណ៌សម្បុរ រូបរាង ពិការ
អ្នកមាន អ្នកក្រ…
សៀវភៅ ៖ ដកស្រង់ចេញពីរឿង ៉តើអ្នកពូកែអី? ៉
កម្រិត ៖ មធ្យម ទាប ខ្ពស់
រយៈពេល ៖ ៣០ នាទី
ឧបករណ៍ ៖ ក្រដាសគូររួប (ប្រើសន្លឹកកិច្ចការនេះក៍បាន), ខ្មៅដៃពណ៌
ការរៀបចំ ៖ ការរៀបចំកុមារជាក្រុមខាងក្រៅ និងក្រុមខាងក្នុង។
សេចក្ដីណែនាំ៖
- សួរក្មេងៗថា៖តើមានក្មេងណាមានរូបរាងដូចគ្នាដែរឬទេ?
ពួកគេអាចកត់សម្គាល់ថាគ្រប់គ្នាមើលទៅខុសគ្នា ទោះបីជាក្មេងៗខ្លះស្រដៀងគ្នាក៏ដោយ។ - បង្កើតសំណួរទាក់ទងនឹងរាងកាយមនុស្ស៖
តើកូនៗណាខ្លះដែលមានភ្នែកមួយគូរ ឬពីរសូមលើកដៃ?
(មាត់ ច្រមុះ សក់ ត្រចៀក ក្បាល ដៃមួយពីរ ជើងពីរ)
ឱ្យក្មេងៗលើកដៃទាំងអស់គ្នា ប្រសិនបើពួកគេមានភ្នែកមួយគូរ។ - និយាយថា៖ កូនៗទាំងអស់គ្នានិយាយថាគ្មាននរណាម្នាក់មានរូបរាងដូចគ្នានោះទេ។
ចុះហេតុអ្វីបានជាមនុស្សគ្រប់គ្នាមានភ្នែកពីរ ត្រចៀកពីរដូចគ្នា?
អញ្ចឹងមានតែអ្នកទាំងអស់គ្នាមើលទៅដូចគ្នាឬ?។
ចាស/បាទ មិនដូចគ្នាទេ។ - និយាយថា “អ្នកមានភ្នែកពីរគឺដូចជាអ្នកគ្រូដែរ (ដាក់ឈ្មោះក្មេងណាម្នាក់ទៀតក៏បាន)។ ដូច្នេះហេតុអ្វីបានជាអ្នកខុសគ្នាពីអ្នកគ្រូ?“ ធ្វើបែបនេះម្តងទៀតសម្រាប់កុមារនិងផ្នែករាងកាយពីរបីផ្សេងទៀត។
- សួរក្មេងៗ៖ តើកូនណាជាក្មេងស្រីសូមលើកដៃ? ឱ្យក្មេងលើកដៃ ប្រសិនបើជាក្មេងស្រី។
ឬក្មេងប្រុស មានសក់វែងពាក់វ៉ែនតា និងលក្ខណៈផ្សេងទៀតដែលពួកគេទាំងអស់មិនមានដូចគ្នា។ - សួរក្មេងៗ៖ តើកូនៗជ្រើសរើសលេងជាមួយនរណាម្នាក់ដោយសារតែពួកគេមានសក់វែង ឬសក់ខ្លី?
បាទ/ចាស មិនមែនដោយសារបែបហ្នឹងទេ។
តើកូនៗគិតបែបហ្នឹងត្រឹមត្រូវដែរឬទេ? បាទ/ចាស មិនត្រឹមត្រូវទេ។
- សួរក្មេងៗ៖ តើកូនៗគួរជ្រើសរើសលេងជាមួយនរណាម្នាក់ដោយសារតែពួកគេមកពីប្រទេសផ្សេង
មែនដែរឬទេ? បាទ/ចាស មិនមែនទេ។
តើយុត្តិធម៌ដែរឬទេ? បាទ/ចាស មិនយុត្តិធម៌ទេ។
- ឱ្យក្មេងៗឈរជាពីរង្វង់ ក្រុមក្នុង និងក្រុមក្រៅ។
- ក្រុមខាងក្នុងគួរតែបែរមុខទៅខាងក្រៅ ក្រុមខាងក្រៅគួរតែបែរមុនមកខាងក្នុងវិញ។ ដូច្នេះក្មេងទាំងអស់នឹងអាចឈរទល់មុខគ្នា។
- ប្រាប់ពីសេចក្ដីណែនាំទាំងនេះ និងការណែនាំស្របទៅតាមសកម្មភាពនេះ៖
- ត្រូវឱ្យក្មេងៗដែលចាប់គូរគ្នា ហើយកាន់ដៃគ្នាដែរ។
- កុមារនៅក្នុងរង្វង់ខាងក្នុងគួរតែនិយាយថា៖
“ខ្ញុំគឺដូចគ្នានឹងអ្នកដែរពីព្រោះខ្ញុំមានភ្នែកពីរដូចគ្នា…។
“ខ្ញុំខុសពីអ្នកព្រោះខ្ញុំមានសក់ខ្លីជាងអ្នក…។ និយាយម្នាក់ម្តង
- បន្ទាប់មកក្មេងៗនៅខាងក្រៅគួរតែរំកិលបន្តិចទៅខាងស្តាំ ដូច្នេះពួកគេកំពុងនៅទល់មុខនឹងដៃគូថ្មីរបស់ពួកគេ។
- ក្មេងៗគួរធ្វើសកម្មភាពម្តងទៀតជាមួយដៃគូថ្មីដោយព្យាយាមប្រើឧទាហរណ៍ផ្សេងៗ។
- បន្តសកម្មភាពរង្វង់ឱ្យយូរដូចដែលអ្នកចង់បាន តាមឧត្ដមគតិឱ្យកុមារនិយាយជាមួយកុមារយ៉ាង
ហោចណាស់បីនាក់ផ្សេងទៀត។ - បន្ទាប់មកឱ្យក្រដាសគូររួប (ឬឱ្យសន្លឹកកិច្ចការក៏បាន) និងខ្មៅដៃពណ៌ផាត់។
- សុំឱ្យពួកគេគូរមនុស្សពីរនាក់ដែលមានលក្ខណៈពិសេសបីដូចគ្នា និងលក្ខណៈពិសេសបីផ្សេងទៀតដែលខុសពីគ្នា។