< ត្រឡប់ទៅធនធានទាំងអស់
សត្វត្រឡោកដូង
-
ចិត្តចលភាព -
វិទ្យាសាស្រ្ត -
សិក្សាសង្គម
សកម្មភាព ៖ សត្វត្រឡោកដូង
ចិត្តចលភាព
បំណិនចលកតូច (ការហ្វឹកហាត់បង្កើនកម្លាំង សម្របសម្រួលសាច់ដុំដៃ
និងភ្នែកសាច់ដុំភ្នែក)។
វិទ្យាសាស្រ្ត
ការរស់នៅប្រចាំថ្ងៃ (ការស្វែងយល់ដោយការសង្កេត)
សិក្សាសង្គម
គំនូរ និងសកម្មភាពកសាង (ការយល់ដឹង ការពេញចិត្តចំពោះសិល្បៈតាមរយៈការបង្កើតរូប
ភាព)
គោលបំណង ៖
(ចិត្តចលភាព) ប្រាប់ពីររបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយ ឬ លេងល្បែង។
(វិទ្យាសាស្រ្ត) ប្រាប់បានពីឈ្មោះសត្វចិញ្ចឹម សត្វព្រៃ សត្វស្លាបឬលើសពីនេះ។
(សិក្សាសង្កម) ប្រាប់បានពីរបៀបធ្វើសកម្មភាពបង្កើតបានជារូបភាពផ្សេងៗ។
កម្រិត ៖ មធ្យម ទាប ខ្ពស់
រយៈពេល ៖ ៣០នាទី
ឧបករណ៍ ៖ ត្រឡោកដូងលើសពីពីរចំហៀង មួយចំហៀងសម្រាប់កុមារម្នាក់ៗ និងមួយចំហៀងទៀត
សម្រាប់អ្នក។ ម្សៅពណ៌ កាវ ប្រអប់ ឬចាន និងសម្ភារសម្រាប់ផាត់ពណ៌។
ការរៀបចំ ៖ ការរៀបចំសម្ភារមួយចំនួនដូចជា
-បោះពុម្ភរូបភាព ឬគូរលើត្រឡោកដូងដោយខ្លួនអ្នក ដើម្បីផ្ដល់គំនិត និងវិធីសាស្ត្រខ្លះៗដល់
ក្មេងៗ។
-ធ្វើម្សៅពណ៌(បី ឬបួនពណ៌សម្រាប់ក្រុមនីមួយៗ) និងកាវ។
-បែងចែកម្សៅពណ៌ដាក់ក្នុងប្រអប់តូចៗដោយមានប្រដាប់ប្រដាសម្រាប់គូរ និងផាត់ពណ៌ឱ្យ
បានគ្រប់គ្រាន់សម្រាប់ក្មេងម្នាក់ៗ។
សេចក្ដីណែនាំ៖
- ថ្ងៃនេះអ្នកគ្រូនឹងនាំកូនៗច្នៃធ្វើសត្វត្រឡោកដូងជាមួយកូនៗទាំងអស់គ្នា។
- សួរក្មេងៗ៖ តើសត្វស្លាបមានអ្វីខ្លះ? បាទ/ចាស សត្វ ឃ្មុំ ចាប
តើសត្វចិញ្ចឹមមានអ្វីខ្លះ? បាទ/ចាស សត្វ ឆ្មា ឆ្កែ
តើសត្វព្រៃមានអ្វីខ្លះ? បាទ/ចាស ខ្លា តោ ដំរី
- បង្ហាញរូបភាពគំរូសត្វត្រឡោកដូងដែលបានធ្វើរួចទៅកាន់ក្មេងៗទាំងអស់។
- ចែកត្រឡោកដូងមួយចំហៀងដល់ក្មេងម្នាក់មួយ។
- សួរក្មេងៗ៖ តើកូនៗចង់ច្នៃធ្វើសត្វត្រលោកដូងរូបអ្វីដែរ? សត្វឃ្មុំ អណ្តើក សត្វកំពីងដូង…។
- ឱ្យក្មេងៗផាត់ពណ៌លើត្រឡោកដូងដោយបែងចែកជាក្រុម តាមពណ៌ដែលពួកគេត្រូវការផាត់។
- បន្ទាប់មកចាប់ផ្តើមគូរភ្នែក ច្រមុះ ត្រចៀក ជើង អវយវៈដ៏ទៃទៀត។
- យើងអាចកាត់ក្រដាសជារង្វង់បិទធ្វើជាភ្នែក ឬច្រមុះ ត្រចៀក ជើង អវយវៈដ៏ទៃទៀតក៏បានដែរ។
- រួចផាត់ពណ៌ច្នៃឱ្យចេញជាប្រភេទសត្វដែលកូនៗចង់បាន។
- នៅពេលរង់ចាំថ្នាំពណ៌ស្ងួតល្អ អ្នកគ្រូអាចនិយាយអំពីសត្វផ្សេងៗដែលកុមារតាមក្រុមបានគូរ និងផាត់ពណ៌។ ឧទាហរណ៍៖ កូនៗនៅក្នុងក្រុមទី ១បានបង្កើតគឺជាសត្វ ឃ្មុំពណ៌លឿង ។
- សរសេរឈ្មោះសត្វត្រលោកដូងដែលក្មេងៗធ្វើរួចនៅលើក្ដារខៀន។
បម្រែបម្រួល៖
ពួកគេអាចគូររូបសត្វផ្សេងៗគ្នា ឬរូបផ្សេងក្រៅពីរូបសត្វក៏បានដែរ។ សម្រាប់ក្រុមនីមួយៗយើងត្រូវបែង
ចែកប្រភេទសត្វផ្សេងៗគ្នា (ឧទាហរណ៍៖ សត្វត្រី សត្វចាប សត្វគោ…) ។