< ត្រឡប់ទៅធនធានទាំងអស់
និទានរឿងម្ដងទៀត
-
សិក្សាសង្គម -
ភាសាខ្មែរ
សកម្មភាព ៖ និទានរឿងម្ដងទៀត
សិក្សាសង្កម
គំនូរនិងសកម្មភាពកសាង (ការយល់ដឹង និងការពេញចិត្តចំពោះសិល្បៈតាមរយៈការបង្កើតរូបភាព)
ភាសាខ្មែរ
ការស្តាប់ (ស្តាប់គេនិយាយ និងមានសម្ថភាពស្តាប់ដោយធ្វើតាមការណែនាំងាយៗ)។
ប្រើពាក្យសម្តីកាយវិការ និងនិមិត្តសញ្ញាដើម្បីទំនាក់ទំនង (ទំនាក់ទំនងដោយប្រើពាក្យសម្តី)
គោលបំណង
(ភាសាខ្មែរ) ប្រាប់បានខ្លះៗពីដំណើរឿងតាមរយះរូបភាពដែលបានបង្ហាញ។
ប្រាប់ឡើងវិញពីសកម្មភាពតាមដំណាក់កាល ដោយអនុវត្តតាមដំណាក់កាលណែនាំ។
ប្រាប់ចំណងជើងរឿង និងអត្ថន័យតាមរូបភាព។ និទានរឿងតាមរូបភាពស្តាប់។
(សិក្សាសង្គម) ប្រាប់ពីរបៀបផាត់ពណ៌ដើម្បីបង្កើតជារូបភាពផ្សេងៗ។
សៀវភៅ ៖ ដកស្រង់ចេញពីរឿង ៉តើអ្នកពូកែអី? ៉
កម្រិត ៖ មធ្យម ទាប ខ្ពស់
រយៈពេល ៖ ៣០ នាទី
ឧបករណ៍ ៖ រូបភាពសខ្មៅក្នុងសៀវភៅមួយ (មួយសន្លឹកម្នាក់)
ការរៀបចំ ៖ បោះពុម្ភក្រដាសរូបភាពឱ្យក្មេងម្នាក់មួយសន្លឹកៗ។ តែប្រសិនបើមានក្មេងៗច្រើន
ពេកនោះ អ្នកត្រូវឱ្យក្មេង២នាក់មានក្រដាសរូបភាពដូចគ្នា។ ប៉ុន្តែឱ្យក្រដាសរូបភាពម្នាក់មួយសន្លឹកៗ។
សេចក្ដីណែនាំ៖
ចំណាំ៖ សកម្មភាពនេះអាចលេងបានទាល់តែមានការអានសៀវភៅបានច្រើនដងតែ
ប៉ុណ្ណោះ ប៉ុន្តែបើអត់ទេ! ត្រូវមើលសេចក្ដីណែនាំមួយចំនួនដូចខាងក្រោម៖
- ថ្ងៃនេះអ្នកគ្រូនឹងអានសៀវភៅរឿង ៉តើអ្នកពូកែអី? ៉ជាមួយកូនៗទាំងអស់គ្នា។
- ចែកក្រដាសរូបភាពឱ្យទៅក្មេងៗម្នាក់ ១សន្លឹក ។
- បង្ហាញរូបភាពសៀវភៅឱ្យក្មេងៗមើលទាំងអស់គ្នា។
- សុំឱ្យក្មេងៗនិយាយប្រាប់អ្នកពីអ្វីដែលបានកើតឡើងនៅដើមសៀវភៅ។ បន្ទាប់មកទៀតអ្នកត្រូវអាន
ទំព័រដំបូងនៃសៀវភៅរឿង។ - នៅពេលដែលអ្នកឈប់ត្រឹមណា ក្មេងដែលមានទំព័របន្ទាប់ពីអ្នកអាននោះ ឱ្យក្មេងម្នាក់នោះឡើង
ទៅមុខនឹងឱ្យក្មេងម្នាក់នោះបង្ហាញរូបភាពនៅទំព័រដែលក្មេងៗកំពុងតែកាន់បន្ទាប់មកឱ្យគេនិយាយ
ប្រាប់ពីសាច់រឿងនៅក្នុងទំព័រនោះតែម្ដង។ - សួរក្មេងៗតើមានរឿងអ្វីកើតឡើងបន្ទប់មកទៀត និងឱ្យក្មេងម្នាក់នោះ ឡើងមកលើដដែលឱ្យធ្វើដូច
គ្នានឹងក្មេងទី១ តែអ្នកអាចផ្តល់ការណែនាំ ទៅកាន់ពយកគេបាន ក្នុងករណីប្រសិនបើក្មេងៗមិនចាំ
រឿងនោះ។ - នៅពេលអ្នកឆ្លងកាត់រឿងរ៉ាវម្នាក់ម្ដងៗ សូមសួរកុមារដែលមានរូបភាពត្រូវគ្នាឱ្យឈរក្បែរអ្នកផ្សេង នៅកន្លែងផ្សេង ទៅតាមលំដាប់លំដោយ។
- បន្តតាមវិធីនេះរហូតដល់ក្មេងៗទាំងអស់កំពុងឈរនៅខាងមុខថ្នាក់រៀនដោយបង្ហាញសៀវភៅឱ្យត្រូវ
តាមលំដាប់លំដោយ។ - អានសៀវភៅម្ដងទៀត។ នៅពេលដែលអ្នកបានទៅដល់រូបភាពរបស់ក្មេងណាម្នាក់ ក្មេងនោះគួរតែ
អង្គុយចុះម្ដងទៀត។ - នៅពេលដែលក្មេងៗទាំងអស់កំពុងអង្គុយ ឱ្យពួកគេផាត់ពណ៌រូបភាពនោះ ។
ការប្រែប្រួល៖
ប្រសិនបើអ្នកមិនបានអានសៀវភៅច្រើនដងទេនោះ គឺត្រូវធ្វើតាមការណែនាំខាងក្រោមនេះ ប្រសើ
ជាងធ្វើតាមការណែនាំខាងលើ។
- ត្រឹមតែបោះពុម្ភសន្លឹករូបភាព ៤ ឬ៥សន្លឹក ដោយមានរូបភាពច្បាស់ដូចនៅក្នុងរឿង ។
- ឱ្យសន្លឹករូបភាពទៅតាមក្រុមនីមួយៗទៅតាមលំដាប់លំដោយ។
(ឧទាហរណ៍៖ ក្មេងទី ១ក្នុងក្មេងទាំង ៦នោះទទួលបានក្រដាសលេខរាងទី១ និងក្មេងបន្ទាប់
ទៀតទទួលបានក្រដាសបន្ទាប់ទៀតដូចគ្នា) ។ - ពិភាក្សាពីរូបភាព នឹងពីអ្វីដែលពួកគេបានបង្ហាញ ។
- អានរឿងនៅពេលអ្នកទៅដល់ផ្នែកមួយនៃសាច់រឿងជាមួយនឹងរូបភាពដែលក្មេងៗកំពុងកាន់
សូមឱ្យកុមារទាំងនោះក្រោកឈរ ហើយកាន់រូបភាពនៅពីមុខក្មេងៗ ដើម្បីអោយអ្នករាល់គ្នា
បានឃើញ។ - ប្រសិនបើក្មេងៗចង់ស្ដាប់រឿងម្ដងទៀតនោះ អ្នកអាចអានវាម្ដងទៀតបាន និងឱ្យពួកគេទាំងអស់អង្គុយចុះនៅពេលដែលអ្នកកំពុងនិយាយពីរូបភាពរបស់ពួកគេ។
- ប្រសិនបើក្មេងៗមិនចង់ស្ដាប់រឿងម្ដងទៀតទេនោះ ឱ្យក្មេងៗអង្គុយផាត់ពណ៌រូបភាពបាន
យ៉ាងសប្បាយ ។