< ត្រឡប់ទៅធនធានទាំងអស់
ល្បែងពិសោធន៍ការលូតលាស់
-
វិទ្យាសាស្រ្ត
សកម្មភាព ៖ ល្បែងពិសោធន៍ការលូតលាស់
ចិត្តចលភាព
បំណិនចលកតូច (ការហ្វឹកហាត់បង្កើនកម្លាំង សម្របសម្រួលសាច់ដុំដៃ និងភ្នែកសាច់ដុំភ្នែក)។
វិទ្យាសាស្ត្រ
ការរស់នៅប្រចាំងថ្ងៃ (ការស្វែងយល់ដោយសង្កេត)
បំណិនពិចារណា (ការយល់ដឹងអំពីហេតុ និងផល)
គោលបំណង ៖
(ចិត្តចលភាព) ប្រាប់ពីររបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយ ឬ លេងល្បែង។
(វិទ្យាសាស្រ្ត) ប្រាប់បានពីរបៀបនៃការពិសោធន៍។
លក្ខណៈរបស់អាកាសធាតុ ស្ថានភាពវត្ថុអ្វីមួយ។
កម្រិតសិក្សា ៖ ទាប មធ្យម ខ្ពស់។
សៀវភៅ ៖ ដកស្រង់ចេញពីរឿង “តើនរណាជាអ្នកលាបពណ៌មេឃ?”
រយៈពេល ៖ ៣០ នាទី
(ត្រូវការច្រើនថ្ងៃរហូតដល់គ្រាប់ពូជចាប់ផ្ដើមចេញពន្លក និងច្រើនថ្ងៃដើម្បីលូតលាស់)
ឧបករណ៍ ៖ ឧបករណ៍ពិសោធន៍មានដូចជា
- ធុង ឬដបប្លាសស្ទីក សម្រាប់ដាក់ដីទុកដាំ
- ដី
- គ្រាប់ពូជ (វាពិតជាល្អខ្លាំងណាស់សម្រាប់ការដាំគ្រាប់ពូជមួយនេះ)
- ទឹក
- របស់ដែលអាចគ្របបានមិនឱ្យត្រូវថ្ងៃ
ការរៀបចំ ៖ ប្រមូលសម្ភារ និងត្រូវរៀបចំរបស់របរឱ្យបានរួចរាល់ដើម្បីចែកទៅក្មេងៗ និងសួរសំណួរខ្លះ។
សេចក្ដីណែនាំ៖
- តើកូនៗស្គាល់ឥន្ធធនូដែរឬទេ? បាទ/ចាស ស្គាល់។
- តើកូនៗស្គាល់ព្រះអាទិត្យដែរឬទេ? បាទ/ចាស ស្គាល់។
- និយាយថា ឥន្ទធនូកើតឡើងមកពីព្រះអាទិត្យ និងទឹក។
- សួរក្មេងៗ៖ តើមានអ្វីផ្សេងទៀតដែលត្រូវការព្រះអាទិត្យ និងទឹកដើម្បីលូតលាស់?
ក្មេងៗឆ្លើយ៖ រុក្ខជាតិ
- ថ្ងៃនេះអ្នកគ្រូនឹងលេងល្បែងពិសោធន៍ការលូតលាស់ ជាមួយកូនៗទាំងអស់គ្នា។
- បង្ហាញអំពីឧបករណ៍ដាំមានដូចជាធុង ឬ ដបប្លាស្ទីកសម្រាប់ដាក់ដី គ្រាប់ពូជ ទឹក របស់ដែលអាច
គ្របបានមិនឱ្យត្រូវថ្ងៃ ឱ្យក្មេងៗបានស្គាល់។ - អ្នកគ្រូពន្យល់ពីសារៈសំខាន់នៃការរៀបចំដី និងការដាំដុះគ្រាប់ពូជ។
- បែងចែកក្មេងៗអាចធ្វើការតែម្នាក់ឯង ឬ ជាក្រុមតូចៗក៏បាន។
- រៀបចំធុងដាំគ្រាប់ពូជទៅជា ៤ក្រុមដាក់រុក្ខជាតិនៅតាមតំបន់ដែលប៉ះនឹងព្រះអាទិត្យ ឬ ឆ្ងាយពី
ព្រះអាទិត្យដោយអាស្រ័យលើក្រុមដែលបានរៀបចំ។ - ឱ្យក្មេងៗដាក់ដីចូលទៅក្នុងធុង និងដាំគ្រាប់ពូជក្នុងដីតែម្តង។
- និយាយប្រាប់ក្មេងៗថា៖ អ្នកគ្រូនឹងចែកគ្រាប់ពូជដែលដាំរួចជា ៤ក្រុម
- ក្រុមទី ១មានពន្លឺព្រះអាទិត្យ និងទឹក
- ក្រុមទី ២មានពន្លឺព្រះអាទិត្យ តែគ្មានទឹក
- ក្រុមទី ៣មានទឹក តែគ្មានព្រះអាទិត្យ
- ក្រុមទី ៤គ្មានទាំងព្រះអាទិត្យ និងទឹកដែរ។
- សួរក្មេងៗ៖ តើក្រុមមួយណាដែលមានការលូតលាស់បានល្អជាងគេ?
ឱ្យក្មេងៗឆ្លើយអាស្រ័យស្ថានភាពជាក់ស្តែង។
តើក្រុមណាដែលមិនលូតលាស់សោះ? ឱ្យក្មេងៗឆ្លើយអាស្រ័យស្ថានភាពជាក់ស្តែង។
តាមដានការដាំដុះរបស់គ្រាប់ពូជ៖
- ធ្វើឱ្យប្រាកដថាក្មេងៗបានស្រោចទឹកទៅលើគ្រាប់ពូជក្នុងក្រុមដែលទទួលបានទឹក។
គ្រាប់ពូជនៃក្រុមទី ១ ទី២ និងទី៣គួរតែមានសំណើម។
- ធ្វើឱ្យប្រាកដថាក្មេងៗបានស្រោចទឹកទៅលើគ្រាប់ពូជក្នុងក្រុមដែលទទួលបានទឹក។
គ្រាប់ពូជនៃក្រុមទី ១ ទី២ និងទី៣គួរតែមានសំណើម។
- ក្មេងៗគួរតែពិនិត្រមើលរៀងរាល់ថ្ងៃថា៖ តើគ្រាប់ពូជមានការលូតលាស់ដែរឬទេ?
- ពន្យល់ក្មេងៗពីវិទ្យាសាស្រ្តនៅពីក្រោយក្រុមនីមួយៗនៃការដាំដុះគ្រាប់ពូជ។ ចុងក្រោយនៃការពិសោធន៍ក្មេងៗគួរតែដឹងថា រុក្ខជាតិត្រូវការពន្លឺព្រះអាទិត្យ និងទឹកជាចាំបាច់។ ហើយរុក្ខជាតិដែលមិនទទួលទឹក និងពន្លឺព្រះអាទិត្យគឺងាយនឹងងាប់។