< ត្រឡប់ទៅធនធានទាំងអស់

ល្បែងហ៊ុចរាងទុយោរបន្តគ្នា

15-30 នាទី

មិនកំណត់ចំនួន

៣ឆ្នាំ លើស

ទុយោ

អង្គការរុឺម៉កកង់បីសម្រាប់កុមារ

• ចិត្តចលភាព
• បុរេគណិត

ល្បែងប្រណាំងហ៊ុចទុយោរបន្តគ្នា

ចិត្តចលភាព (ចលនាតូច)៖ កាហ្វឹកហាត់ចង្កើនកម្លាំង និងសម្របសម្រួលរវាងចលនាសាច់ដុំដៃ និងសាច់ដុំភ្នែក។ 
(ការរីកចម្រើនរាងកាយ នងចលនា)៖ បង្កើតកម្លាំង និងការប្រឈមទប់ទល់នឹងឧបសគ្គក្នុងពេលធ្វើសកម្មភាព។ 
បុរេគណិត (រូបរាង និងលំហ)៖ បញ្ញតិ្តនៃរូបរាង និងលំហ។ 

គោលបំណង ៖

ចិត្តចលភាព ៖ កំណត់ចំនុចគោលដៅ នៃចលនាដៃដោយទប់លំនឹង និងសម្របសម្រួលទៅនឹងភ្នែក ក្នុងពេលធ្វើអ្វីមួយ ឬ លេងល្បែងបានរឹងមាំល្អ។ អនុវត្តសកម្មភាពមួយបានទន់ភ្លន់ រហ័សរហូន និងរឹងមាំដោយផ្ដើមចេញពីចលនាមូលដ្ខានងាយៗទៅលំបាកចំនួនពីរឡើងទៅ ក្នុងនោះមានការដើរ រត់ លោត ឬលើសពីនេះតាមរយៈចលនាចរន្ត។ មា តស៊ូព្យាយាម និងសប្បាយរីករាយក្នុពេលធ្វើអ្វីមួយ ឬលេងល្បែងបានរឹងមាំល្អ និងជោគជ័យ។ 

បុរេគណិត ៖ ប្រាប់ពីរូបរាងធរណីមាត្រ រង្វង់ ត្រីកោណ ចតុកោណកែងជាដើម។ 

រយៈពេល ៖ ៣០ នាទី 

ឧបករណ៍ ៖ ទុយោរសម្រាប់ក្មេងម្នាក់ៗ និងទុយោដែលធ្វើជារាងផ្សេងៗមួយចំនួន

កម្រិតសិក្សា ៖ ទាប មធ្យម និងខ្ពស់ 

ការរៀបចំ ៖ បែងចែក្មេងៗទៅជាក្រុមៗតាមចំនួនដែលអ្នកបានកំណត់រួច ដោយឱ្យក្មេងៗតាមក្រុមនីមួយអង្គុយជារង្វង់ ត្រៀមទុយោរ ឬកាត់ក្រដាសមានរុន្ធរាងជា ត្រីកោណ ការេ រង្វង់ ឆកោណ ចតុកោណកែង…. ឱ្យបានគ្រប់គ្រាន់ និងត្រៀមទុយោរម្នាក់មួយដើមឱ្យបានគ្រប់គ្នា។  

សេក្ដីណែនាំ៖ 

1. ប្រាប់ក្មេងៗថាថ្ងៃនេះពួកគេនឹងលេងល្បែងសកម្មភាពមួយដែលគេហៅថា ល្បែង ហ៊ុចរាងទុយោរបន្តគ្នា។
2. ប្រាប់ពួកគេពីរបៀបនៃការលេងល្បែងសកម្មភាពឱ្យបានច្បាស់ជាមុនសិន។

• ឱ្យក្មេងជាក្រុម ជាជួរ ពីរ ឬបីក្រុម ដោយមានការប្រកួតប្រជែង។
• ដាក់ទុយោរជារាង ត្រីកោណ ការេ រង្វង់ ត្រីកោណ ចតុកោណកែង….ដែលបានធ្វើរួចនោះនៅក្នុងប្រអប់មួយដាក់នៅចំកណ្ដាលវង់។
• ចែកទុយោរម្នាក់មួយដើមផ្សេងទៀតទៅកាន់ក្មេងម្នាក់មួយៗ។
• ដាក់ទុយោរមួយចំនួននៅខាងមុខក្រុមនីមួយៗ និង ប្រអប់សម្រាប់ទុកដាក់ទុយោរចុងក្រោយមួយក្រុមមួយ។ 
• ក្មេងដែលចាប់ផ្ដើមដំបូងអាចយកដៃចាប់ទុយោរ នៅក្នុងប្រអប់
  នោះ ស៊កចូលទុយោរបន្ទាប់មកហ៊ុចបន្តទៅកាន់ក្មេងបន្ទាប់ក្នុងក្រុម រហូតដល់ក្មេងខាងក្រោយគេ។
• ក្មេងដំបូងចាប់ផ្ដើមដាក់ទុយោរមកម្ដងទៀត រហូតអស់នាទីកំណត់របស់គ្រូ (នាទីត្រូវកំណត់១ ឬ២នាទី តាមការកំណត់របស់គ្រូ)។
• ក្មេងទាំងនោះត្រូវបន្តហ៊ុចទុយោររហូតដល់អស់នាទីកំណត់។  
• ចាប់ផ្ដើមរាប់ចំនួន ថាក្រុមណាបានច្រើនជាងក្រុមណា។
• ល្បែងនេះអាចលេងជាក្រុម ២ ៣ ឬ៤ ក៏បានដែរ តាមចំនួនសិស្សជាក់ស្ដែងក្នុងថ្នាក់ជាការស្រេច។ 

3. មុននឹងចាប់ផ្ដើមលេង អ្នកត្រូវធ្វើឧទាហរណ៍ខ្លះៗ ដើម្បីបង្ហាញក្មេងជាមុនសិនដែរដូចជាហៅក្មេងណាម្នាក់មកលើ ហើយប្រើមាត់ពាំទុយោរ ឬក្រដាសរាងចាប់ដាក់ក្នុងទុយោរបស់ខ្លួន ហើយហ៊ុចតទៅក្មេងម្នាក់ទៀតដោយដាក់ដៃទៅក្រោយទាំងពីរ។