< ត្រឡប់ទៅធនធានទាំងអស់
ពណ៌ភាសាអង់គ្លេស
-
សិក្សាសង្គម -
បុរេគណិត -
ភាសាខ្មែរ
សកម្មភាព ៖ ពណ៌ភាសាអង់គ្លេស
សិក្សាសង្គម
ចម្រៀង និងតន្រ្តី(ចំណេះដឹងបច្ចេកទេស ការច្នៃប្រឌិត និងបទពិសោធន៍តន្រ្តី)
បុរេគណិត
ទំហំ និងពណ៌ (ចំណាត់ក្រុម និងលំដាប់លំដោយ) ។
គោលបំណង ៖
(សិក្សាសង្គម) ច្រៀងចំរៀង និងធ្វើកាយវិការតាមបទចម្រៀងបាន។
(បុរេគណិត) ប្រាប់បានពីការរៀបវត្ថុតាមលំដាប់ក្រុម ទំហំ និងពណ៌។
កម្រិតសិក្សា ៖ ទាប មធ្យម ខ្ពស់
សៀវភៅ ៖ ដកស្រង់ចេញពីរឿង “តើនរណាជាអ្នកលាបពណ៌មេឃ?”
រយៈពេល ៖ ៣០ នាទី
ឧបករណ៍ ៖ កាត និងវត្ថុដែលមានពណ៌ដូចនៅក្នុងបទចម្រៀង និងរូបភាពរបស់ឥន្ទធនូ។
ការរៀបចំ ៖ អនុវត្ត និងរៀនច្រៀងបទចម្រៀងឱ្យចេះច្បាស់ជាមុនសិន ។
សេចក្ដីណែនាំ ៖
- ថ្ងៃនេះអ្នកគ្រូនឹងបង្រៀនកូនៗច្រៀងបទចម្រៀងតាមពណ៌ទាំងប្រាំពីរជាភាសាអង់គ្លេសទាំងអស់គ្នា។
- ច្រៀងបទចម្រៀងឱ្យក្មេងៗស្ដាប់។
- ក្រោយពេលច្រៀងចប់
តើមានកូនណាដឹងថាបទចម្រៀងនេះជាភាសាអ្វី? ចាស/បាទ ភាសាអង់គ្លេស - អញ្ចឹងចុះយ៉េក និងខេទីនិយាយភាសាអង់គ្លេស៖ តើពួកគាត់មកពីប្រទេសណាដែរ?
ចាស/បាទ អូស្រ្តាលី។ - បង្ហាញពីកាតរូបភាពដែលមានពណ៌ផ្សេងៗពីគ្នាចំនួនប្រាំពីរ។
- ឱ្យក្មេងៗថាតាមពណ៌ទាំងប្រាំពីរជាភាសាអង់គ្លេសតាមល,ដាប់លំដោយនៃបទចម្រៀង។
- បង្ហាញរូបឥន្ទធនូ ហើយសួក្មេងៗថា៖ តើកូនៗដឹងថារូបនេះជាអ្វី? តើភាសាអង់គ្លេសគេហោះថាអ្វី?
ក្មេងឆ្លើយថា ៖ រូបឥន្ទធនូ
អង់គ្លេសគេហៅថា ៖(rainbow)ឱ្យក្មេងថាតាមឱ្យបានច្រើនដង។
- ឱ្យក្មេងៗច្រៀងបទចម្រៀងនៅឃ្លាទី ១បណ្តើរចង្អុលពណ៌នៅលើរូបឥន្ទធនូបណ្តើរ។
- អនុវត្តបទចម្រៀងឱ្យបានច្រើនដង បន្ទាប់មក ច្រៀងបទចម្រៀងពីដើមរហូតដល់ចប់តែម្ដង។
- ថាតាមឈ្មោះនៃពណ៌ទាំងប្រាំពីរម្ដងទៀត និងឱ្យក្មេងៗទាំងអស់ថាតាមអ្នកជាកាស្រេច។
ការប្រែប្រួល៖ លោកអ្នកអាចជ្រើរើសបទចំរៀងជាភាសាខ្មែរតែរៀបរាប់អំពីពណ៌ក៏បាន។
បទចម្រៀង ខ្ញុំអាចច្រៀងបទឥន្ទធនូបាន_I-Can-Sing-A-Rainbow
Red and yellow and pink and green
(ពណ៌ក្រហម ពណ៌លឿង ពណ៌ផ្កាឈូក បែតង)
Purple and orange and blue
(ស្វាយ ទឹកក្រូច និងពណ៌ខៀវស្វាយ)
I can sing a rainbow
(ខ្ញុំអាចច្រៀងបទឥន្ទធនូបាន)
Sing a rainbow
(ច្រៀងបទឥន្ទធនូ)
Sing a rainbow for you
(ច្រៀងបទឥន្ទធនូ សម្រាប់អ្នក)