< ត្រឡប់ទៅធនធានទាំងអស់
ល្បែងសម្ដែងជាដើរផ្សារ
-
បុរេគណិត -
ភាសាខ្មែរ
សកម្មភាព ៖ ល្បែង សម្ដែងជាដើរផ្សារ
បុរេគណិត
បំណិនពិចារណាក្នុងសង្កម(ភាពខុសគ្នារវាងព្រឹត្តិការណ៍ដែលកើតឡើងក្នុងអតីតកាល បច្ចុប្បន្នកាល និងអនាគតកាល ដោយផ្អែកលើពេលវេលា)។
ភាសាខ្មែរ
ការសន្ទា (សន្ទាដោយប្រើពាក្យ ឬឃ្លាសមស្របតាមវ័យ(ភាសាបង្ហាញអារម្មណ៍ និងមនោសញ្ចេតនា)
គោលបំណង ៖
(បុរេកណិត) ៖ ប្រាប់ពីពេលដែលកន្លងហួស កំពុង និងមិនទាន់មកដល់។
ប្រាប់ពីឈ្មោះថ្ងៃក្នុងសប្តាហ៍តាមលំដាប់ដូចជាថ្ងៃ អាទិត្យ ចន្ទ។
(ភាសាខ្មេរ) ៖ ប្រាប់ពីសកម្មភាពការងារនានា ដែលខ្លួនបានធ្វើកន្លងមកទៅកាន់មិត្តភក្តិ ឬមនុស្សធំ។
កម្រិតសិក្សា ៖ ទាប មធ្យម ខ្ពស់
សៀវភៅ ៖ ដកស្រង់ចេញពីរឿង ៉សួស្តីឆ្នាំថ្មី ៉
រយៈពេល ៖ ៣០ នាទី
ឧបករណ៍ ៖ គ្មាន
ការរៀបចំ ៖ សៀវភៅ (សំរាប់អាន និងនែនាំទៅក្មេងៗ)
សេចក្ដីណែនាំ ៖
- អានសៀវភៅរឿងឱ្យក្មេងៗស្ដាប់
- សួរក្មេងៗថាមានអ្វីកើតឡើងនៅក្នុងថ្ងៃនីមួយៗនៃថ្ងៃចូលឆ្នាំ? អ្នកណាខ្លះបានចូលរួម? ហើយពួកគេធ្វើអ្វីខ្លះ?
- បែងចែកក្មេងៗទៅជាក្រុម និងប្រាប់ពួកគេថា ថ្ងៃនេះពួកគេនឹងលេងល្បែងមួយដែលពួកគេនឹងដើរតួជាអ្នកដើរផ្សារពីសៀវភៅ
- ប្រាប់ក្មេងថា តើថ្ងៃណាខ្លះដែលយើងបានជ្រើសរើសមកលេងក្នុងល្បែងនេះ និងប្រាប់ពួកគេពីច្បាប់
- ថ្ងៃចន្ទ= រតនា មករា ម្ដាយ និង ម្ចាស់ហាង
- ឧ. ថ្ងៃចន្ទ
ក្មេងទី១សម្ដែងធ្វើជា ម្ដាយ ហើយនិយាយថា៖ ថ្ងៃនេះ ពួកយើងនឹងទៅផ្សារទិញសម្ភារ និងសម្លៀកបំពាក់ខ្លះៗ
- ក្មេងទី២ និងទី៣សម្ដែងធ្វើជា មករា និងរតនា ស្រែកសប្បាយរីករាយ៖ យ៉េ…
ពួកគេដើរទៅផ្សារដើម្បីស្វែងរកមើលសម្លៀកបំពាក់ខ្លះៗ
- ក្មេងទី៤ សម្ដែងធ្វើជា ម្ចាស់ហាង ហើយនិយាយថា៖ អរុណសួស្ដី! តើអ្នកមានអ្វីឱ្យខ្ញុំជួយដែរឬទេ?
ក្មេងទី១និយាយថា៖ បាទ ខ្ញុំកំពុងរកមើលរ៉ូបខ្លះៗសម្រាប់រតនាហ្នឹងណា៎!…
- មើលម្ដងទៀតពីសាច់រឿងថាមានរឿងអ្វីកើតឡើងនៅក្នុងថ្ងៃនីមួយៗ
- ឱ្យក្មេងៗសម្ដែងរឿងខ្លីមួយដែលធ្វើជាការដើរផ្សារតាមថ្ងៃនីមួយៗ
- ទុកពេលវេលាខ្លះដែរឱ្យក្មេងៗដើរជុំវិញដើម្បីសាកល្បងលេងល្បែងហ្នឹងសិន ជួយពួកគេប្រសិនបើពួកគេត្រូវការ
- នៅពេលដែលពួកគេបានសមរួចរាល់ហើយនោះ សុំឱ្យពួកគេចាប់លេងនៅខាងមុខបន្ទាប់ទាំងអស់គ្នាតែម្ដង ទៅតាមថ្ងៃនីមួយៗ
ការប្រែប្រួល៖
ក្មេងៗដែលមានអាយុច្រើនជាងនេះ អាចធ្វើការសម្រេចចិត្តបង្កើតច្បាប់ដោយខ្លួនឯងបាន។