< ត្រឡប់ទៅធនធានទាំងអស់

ល្បែងតម្បាញ


10-30 នាទី
មិនកំណត់ចំនួន
៥ឆ្នាំ លើស
ក្រដាសកេះ,  ខ្សែអំបោះ, ម្ជុលជ័រ, ដង្គៀបខ្មៅ
អង្គការរុឺម៉កកង់បីសម្រាប់កុមារ
  • ចិត្តចលភាព ចិត្តចលភាព
  • សិក្សាសង្គម សិក្សាសង្គម

សកម្មភាព ៖  ល្បែងតម្បាញ


ចិត្តចលភាព

បំណិនចលកតូច (ការហ្វឹកហាត់បង្កើនកម្លាំង សម្របសម្រួលសាច់ដុំដៃ និងភ្នែកសាច់ដុំភ្នែក)។
សិក្សាសង្គម
ការលើកតម្កើនវប្បធម៌សង្គម (ការលើកតម្កើនវប្បធម៌របស់ខ្លួន)

គំនូរ និងសកម្មភាពកសាង (ការយល់ដឹងអំពីការឆ្លាស់វត្ថុ តាមចង្វាក់ និងការគូរគំនូរ)

គោលបំណង
(ចិត្តចលភាព) ប្រាប់ពីររបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយ ឬ លេងល្បែង។
អំណត់ ព្យាយាម ស្វាហាប់ រហ័សរហួន និងសប្បាយរីករាយ។
ធ្វើចលនាម្រាមដៃដោយទប់ លំនឹងតាមទម្រង់ផ្សេងៗនៃ សកម្មភាពណាមួយ។

(សិក្សាសង្កម)​ ប្រាប់បានពីឈ្មោះបុណ្យប្រពៃណីជាតិខ្មែរ  ដូចជាភ្ជុំបិណ្ឌ បុណ្បចូលឆ្នាំប្រពៃណីខ្មែរប្រាប់
បានពីសម្លៀកបំពាក់ប្រពៃណីជាតិខ្មែរ ដូចជាក្រមា ហូល  ផាមួង អាវប៉ាក់ជាដើម។

ប្រាប់បានពីរបៀបដោតអង្កាំ ឬ វត្ថុផ្សេងៗដែលមានប្រហោងសម្រាប់ដោតឆ្លាសពណ៌តាមរូបគំរូ និងគូសគំនូសផ្សេងៗជាដើម។  សប្បាយរីករាយ  និងចូលចិត្តធ្វើសកម្មភាពដោយងាយៗខ្លួនឯង។
កម្រិតសិក្សា ៖ ខ្ពស់
រយៈពេល ៖ ៣០ នាទី 

ឧបករណ៍ ៖ អំបោះ ក្រដាសកេះ ម្ជុលជ័រ ឬ ដង្គៀបខ្មៅ និងខ្សែលីឡុងសម្រាប់ធ្វើជាកីតម្បាញ។ 

ការរៀបចំ ត្រូវរៀបចំជាកីតម្បាញជាមុនសិនទុកបង្ហាញក្មេងៗ។

សេក្ដីណែនាំ៖ 

  1. ប្រាប់ក្មេងៗថា ថ្ងៃនេះអ្នកគ្រូនឹងលេងល្បែង តម្បាញ ជាមួយកូនៗទាំងអស់គ្នា។
  2. បង្ហាញ‹ក្រមា› ហើយសួរថា កូនៗតើនេះជាអ្វី?
  3. សរសេរពាក្យថា ‹ក្រមា› នៅលើក្ដារខៀន។  
  4. អ្នកសួរក្មេងៗថា​ តើគេប្រើក្រមានៅពេលណា?
    – នៅពេលបុណ្យប្រពៃណីជាតិខ្មែរ ចូលឆ្នាំខ្មែរ ភ្ជុំបិណ្ឌ។
  5. សួរសំណួរមួយទៀតថា តើក្រមាមានសារៈសំខាន់អ្វីខ្លះ?
    – ចាស/បាទ ជូតខ្លួន ដើម្បីងូតទឹក ជូតមុខ ពានាទៅវត្ត ទទូរបាំងថ្ងៃ ។
  6. និយាយប្រាប់ក្មេងៗពីប្រវត្តិក្រមា មានចាប់ តាំង ពីសតវត្ស ទីមួយនៃរជ្ជកាលព្រះបាត ហ៊ុន ទៀន (Hun Tean) ។
  7. ប្រាប់ក្មេងៗថា ហេតុអ្វីបានជាគេប្រើក្រមារហូតមកដល់សព្វថ្ងៃ ។
    – ពីព្រោះក្រមា បានក្លាយ ជាអត្តសញ្ញាណ នៃសម្លៀក បំពាក់ ខ្មែរ។
  8. សួរពួកគេថា ដឹងពីរបៀបធ្វើវាដែរអត់? – បាទ/ចាស មិនដឹង ដឹង
  9. សរសេរពាក្យ ត្បាញ ឬតម្បាញ នៅលើក្ដារខៀន និងពន្យល់ពាក្យទាំង២ទៅក្មេងៗឱ្យច្បាស់។ 
  1. បង្ហាញក្មេងៗពី ‹កីតម្បាញ› ដែលអ្នកបានធ្វើទុករួចនោះទៅកាន់ក្មេងៗ។
  2. បង្ហាញក្មេងៗពីរបៀបធ្វើ និងចងកីតម្បាញ ជាមួយនឹងអំបោះ។
  3. បន្ទាប់មក បង្ហាញក្មេងៗពីរបៀបនៃការត្បាញដែលយើងត្រូវ ប្រើម្ជុលជ័រ ឬ ដង្គៀបខ្មៅ។ 
  4. ចាប់ផ្ដើមចែកសម្ភារឱ្យទៅកាន់ក្មេងៗ និងជួយពួកគេ ប្រសិនបើពួកគេត្រូវការជំនួយពីអ្នក។
  5. បង្ហាញពួកគេពីរបៀបនៃការចងខ្សែរអំបោះនៅពេលដែលត្បាញរួចរាល់។
  6. ចុងក្រោយ ពួកគេអាចដោះវាចេញពីកីតម្បាញហ្នឹងបានជាការស្រេច។
របៀបធ្វើកីតម្បាញ ត្រូវត្រៀមសម្ភារ ដូចជា៖ ក្រដាសកេះដែលមានរាងចតុកោណកែង អំបោះដែលមានពណ៌ផ្សេងៗពីគ្នាទៅតាមការចូលចិត្តរបស់អ្នក ម្ជុលជ័រ ឬដង្គៀបខ្មៅ និងខ្សែលីឡុងសម្រាប់ធ្វើជាកីតម្បាញ។ ដំបូង យកក្រដាសកេះដែលមានរាងចតុកោណកែង កាត់ខាងចុងបន្តិចជាចម្រៀកៗស្មើៗគ្នា ទាំងសងខាង សម្រាប់ខ្ទាស់អំបោះ។ នៅពេលដែលចងខ្សែរួចហើយនោះ ចាប់ផ្ដើមប្រើអំបោះដែលមានច្រើនពណ៌នោះ ត្បាញជាក្រមា ទៅតាមការចូលចិត្តរបស់ពួកគេ។ ការត្បាញធ្វើដូចជាត្បាញកន្ទេលអញ្ចឹងដែរ។ រុំព័ទ្ធ និងស៊ក លើក្រោមទៅវិញទៅមកជាក្រឡា និងលាយពណ៌អំបោះ ដើម្បីឱ្យវាកាន់តែ
ស្រស់ស្អាតជាងមុនទៀត។