< ត្រឡប់ទៅធនធានទាំងអស់
ល្បែងត្រីនៅក្នុងសមុទ្រ
-
ចិត្តចលភាព -
បុរេគណិត
សកម្មភាព ៖ ល្បែង ត្រីនៅក្នុងសមុទ្រ
ចិត្តចលភាព
បំណិនចលកតូច (ការហ្វឹកហាត់បង្កើនកម្លាំង សម្របសម្រួលសាច់ដុំដៃ និងភ្នែកសាច់ដុំភ្នែក)។
បំណិនចលកធំ (ការហ្វឹកហាត់បង្កើនកម្លាំង សម្របសម្រួលសាច់ដុំតូច និងសាច់ដុំធំ)។
បុរេគណិត
ទំហំ និងពណ៌ (ចំណាត់ក្រុម និងលំដាប់លំដោយ)
គោលបំណង ៖
(ចិត្តចលភាព) ប្រាប់ពីររបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយ ឬលេងល្បែង។
បង្ហាញពីរបៀបធ្វើសកម្មភាពទៅតាមទម្រង់ផ្សេងៗនៃសកម្មភាពរួមមួយ។
(បុរេគណិត) កុមារអាចចេះរៀបវត្ថុតាមលំដាប់ ទំហំ ប្រភេទ និងពណ៌។
កម្រិតសិក្សា ៖ ទាប មធ្យម ខ្ពស់។
រយៈពេល ៖ ៣០ នាទី
ឧបករណ៍ ៖ ត្រូវមានកាតពណ៌ (កាត១, កាត២, កាត៣) សម្រាប់ក្មេងៗទាំងអស់។
ជ្រើសរើសកន្លែងដែលមានទីធ្លាធំទូលាយសម្រាប់ធ្វើជាសមុទ្រ។
កន្លែងដែលជ្រើសរើសត្រូវមានខ្សែបន្ទាត់២សងខាង។
ការរៀបចំ ៖ អ៊ុតក្រដាសកាតពណ៌យ៉ាងហោចណាស់ ៦ពណ៌ផ្សេងគ្នា។
កាត់វាទៅជា ៨សន្លឹកតូចៗ និងអ៊ុតវាឱ្យបានស្អាត។
សេក្ដីណែនាំ៖
- ប្រាប់ក្មេងថាលេងល្បែង ត្រីក្នុងសមុទ្រ ។
- បង្ហាញកាតពណ៌ទាំង ៦ពណ៌ដល់ក្មេងៗ។
- និយាយពីពណ៌ទាំងនោះឱ្យលឿនៗ ក្មេងៗត្រូវនិយាយតាមដើម្បីឱ្យចងចាំបានល្អ។
- ក្មេងៗត្រូវលាក់កាតពណ៌ ជៀសវាងកុំឱ្យគេផ្សេងបានឃើញ ។
- ប្រាប់ឱ្យក្មេងទាំងអស់ឈរនៅពីក្រោយខ្សែបន្ទាត់។
- ពន្យល់ពីច្បាប់ក្នុងការលេងល្បែងនេះ
- ជ្រើសរើសក្មេង ១នាក់ ឬ ២នាក់ ធ្វើជាអ្នកនេសាទត្រី ។
- ក្មេងផ្សេងៗទៀតត្រូវឈរពីក្រោយបន្ទាត់មួយ និងចាប់ផ្ដើមរត់កាត់សមុទ្រទៅកាន់បន្ទាត់មួយ
ផ្សេងទៀត។ - ក្មេងៗមានកាតពណ៌ម្នាក់មួយសន្លឹកខុសៗគ្នា ហើយត្រូវចាត់ទុកជាត្រីក្នុងសមុទ្រ។
- អ្នកនេសាទចាប់ផ្ដើមស្រែកហៅពណ៌ណាមួយដែលគេស្រឡាញ់ឱ្យលឺខ្លាំងៗ ។
- ក្មេងៗដែលជាត្រីទាំងអស់ត្រូវព្យាយាមរត់គេច និងអ្នកនេសាទត្រូវព្យាយាមចាប់ត្រីទាំងនោះ។
- អ្នកនេសាទត្រូវព្យាយាមចាប់ត្រីដែលមានកាតពណ៌ដូចដែលអ្នកនេសាទបានស្រែកហៅពណ៌។
- តែបើត្រីដែលត្រូវចាប់បានគ្មានកាតពណ៌ដែលគេស្រែកនោះទេ ត្រូវតែដោះលែងត្រីនោះវិញ។
- បើត្រីមានកាតពណ៌ដែលអ្នកនេសាទនោះស្រែកហៅត្រីនោះ ត្រូវនៅចំកណ្ដាលជាមួយអ្នក
នេសាទហើយនឹងត្រូវជួយចាប់ត្រីផ្សេងទៀត ។ - ត្រីត្រូវបានដោះលែងទៅវិញពួកគេអាចផ្លាស់ប្ដូរកាតពណ៌របស់ពួកគេជាមួយត្រីផ្សេងទៀតបាន
ដោយសប្បាយ ។ - ពេលដែលត្រីទាំងអស់បានរត់កាត់សមុទ្រ និងទៅដល់ខ្សែម្ខាងទៀតនោះអ្នកនេសាទត្រូវ
ស្រែកពណ៌មួយផ្សេងទៀត និងបន្ទាប់មកធ្វើដូចដើម ។ - ធ្វើបែបហ្នឹងរហូតដល់នៅសល់ក្មេង ១ ឬ ២នាក់។ ហើយក្មេងទាំងនោះគឺនឹងក្លាយទៅជាអ្នក
នេសាទត្រីម្ដង និងចាប់ផ្ដើមល្បែងម្ដងទៀតបាន។
ការប្រែប្រួល៖
ល្បែងនេះអាចលេងជាមួយ ឬប្រើកាតសត្វ ផ្លែឈើ បន្លែ និងថ្ងៃនៃសប្តាហ៍បាន។