< ត្រឡប់ទៅធនធានទាំងអស់
កាត់ក្រដាស់និងបិទរូបឥន្ទធនូ
-
ចិត្តចលភាព -
សិក្សាសង្គម -
បុរេគណិត
សកម្មភាព ៖ ល្បែងធ្វើជារូបឥន្ទធនូ
ចិត្តចលភាព បំណិនចលកតូច (ការហ្វឹកហាត់បង្កើនកម្លាំង សម្របសម្រួលសាច់ដុំដៃនិងភ្នែកសាច់ដុំភ្នែក)។
សិក្សាសង្គម គំនូរ និងសកម្មភាពកសាង (ការយល់ដឹង ការពេញចិត្តចំពោះសិល្បៈតាមរយៈការបង្កើតរូបភាព)។
បុរេគណិត ទំហំ និងពណ៌ (ចំណាត់ក្រុម និងលំដាប់លំដោយ)។
គោលបំណង ៖
(ចិត្តចលភាព) ប្រាប់ពីររបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយ ឬលេងល្បែង។
(សិក្សាសង្គម) ការបង្ហាញពីរសកម្មភាពផ្សេងៗទៀតដែលបានបង្កើតជាស្នាដៃ។
(គណិតវិទ្យា) ប្រាប់បានពីរបៀបរៀបវត្ថុតាមលំដាប់ក្រុម ប្រភេទ ទំហំ និងពណ៌។
កម្រិត ៖ មធ្យម ទាប ខ្ពស់
សៀវភៅ ៖ ដកស្រង់ចេញពីរឿង “តើនរណាជាអ្នកលាបពណ៌មេឃ?” ។
រយៈពេល ៖ ៣០ នាទី
ឧបករណ៍ ៖ ក្រដាសពណ៌ផ្សេងៗគ្នា ឬគម្របដបទឹក។
ការរៀបចំ ៖ កាត់ក្រដាសពណ៌ទៅជារាងតូចៗ ឬប្រមូលគម្របដបដែលមានពណ៌ផ្សេងៗគ្នា ។
សេចក្ដីណែនាំ៖
- ថ្ងៃនេះអ្នកគ្រូនឹងលេងល្បែងធ្វើជារូបឥន្ទធនូជាមួយកូនៗទាំងអស់គ្នា។
- សួរក្មេងៗថា៖ តើកូនៗស្គាល់ឥន្ទធនូដែរឬទេ? បាទ/ចាស ស្គាល់
- តើឥន្ទធនូមានរាងយ៉ាងដូចម្តេច? មានរាងកោង រួចធ្វើដៃកោង ហើយក្មេងៗទាំងអស់គ្នាធ្វើតាម។
- បង្ហាញក្រដាសពណ៌គ្រប់ពណ៌ ហើយឱ្យក្មេងៗថាតាម និងបង្ហាញគម្របដបទឹកផងដែរ។
- ចែកក្រដាសពណ៌ ឬ គម្របដបទឹកទៅឱ្យក្មេងៗឱ្យបានគ្រប់គ្នា។
- ត្រូវស្វែងរកក្មេងណាដែលមានពណ៌ក្រដាស ឬ គម្របដបដូចគ្នាដើម្បីបង្កើតជាក្រុម។
- ក្រុមនីមួយៗត្រូវដាក់វេនគ្នាដាក់ក្រដាស់ពណ៌ ឬ គម្របពណ៌នៅលើដី ឬ លើតុ កន្លែងណាក៏បាន ដើម្បីធ្វើជារូបឥន្ទធនូឱ្យបានត្រឹមត្រូវទៅតាមពណ៌របស់ឥន្ទធនូ។
ការប្រែប្រួល៖
សកម្មភាពនេះក៏អាចត្រូវបានប្រើជាសិល្បៈមួយ ដែលក្មេងៗត្រូវបានគេផ្តល់ក្រដាសតូចៗដើម្បីតម្រៀប បន្ទាប់មកប្រើកាវបិទលើក្រដាស ដើម្បីបង្កើតជាឥន្ទធនូ។