< ត្រឡប់ទៅធនធានទាំងអស់
ល្បែងសារៈប្រយោជន៍និងគ្រោះថ្នាក់
-
វិទ្យាសាស្រ្ត -
សិក្សាសង្គម -
បុរេគណិត -
ភាសាខ្មែរ
សកម្មភាព៖ ល្បែងសារៈប្រយោជន៍និងគ្រោះថ្នាក់
វិទ្យាសាស្រ្ត ៖ ការរស់នៅប្រចាំថ្ងៃ៖ ការស្វែងយល់ដោយការសង្កេត
សិក្សាសង្គម ៖ បំណិនទំនាក់ទំនង៖ អត្តសញ្ញាណរបស់ខ្លួន
បុរេគណិត ៖ បរិមាណ និងចំនួន៖ ស្គាល់និងយល់លេខតាងនិងការគណនាលេខសាមញ្ញៗ
ភាសាខ្មែរ ៖ ការប្រើពាក្យតាមវេយ្យាករណ៍៖ ការយល់អំពីវាក្យស័ព្ទ ឃ្លា និងល្បះ
គោលបំណង ៖
វិទ្យាសាស្រ្ត ៖
បំណិនសម្បទា៖ រៀបរាប់ឈ្មោះសត្វ ចរិកលក្ខណៈ លក្ខខណ្ឌក្នុងការរស់នៅ វដ្តនៃសត្វ របៀបប្រៀបធៀបសត្វ និងផលប្រយោជន៍
ចរិយាសម្បទា៖ ស្រឡាញ់ ចូលចិត្តចិញ្ចឹមសត្វនិងថែរក្សាសត្វ
សិក្សាសង្គម ៖ ប្រាប់បានពីនាមត្រកូល នាមខ្លួន ចំនួនសមាជិកក្នុងគ្រួសារ និងជាកូនទីប៉ុន្មាន
បុរេគណិត ៖ ប្រាប់បានពីចំនួន លេខ និងយល់ពីន័យពីលេខ១ ដល់៣០តាមលំដាប់លំដោយ ឬលើសពីនេះ
ភាសាខ្មែរ ៖ និយាយជាឃ្លា ល្បះ បានច្បាស់ ពីប្រធានបទអ្វីមួយដោយមិនចាកប្រធានបទ
រយៈពេល ៖ ៣០ នាទី
ឧបករណ៍ ៖ គ្រាប់ឡុកឡាក់ចំនួន សម្ភារសម្គាល់ខ្លួនរបស់កុមារ និងក្រដាសក្ដារល្បែង
ការរៀបចំ ៖ ត្រៀមសម្ភារឱ្យរួចរាល់ក្នុងការលេងល្បែងសកម្មភាពនេះ ដែលមាននៅក្នុងឧបករណ៍ខាងលើ
សេចក្ដីណែនាំ៖
- សួរកុមារថាមានស្គាល់សម្ភារប្រើប្រាស់ជាប្រចាំថ្ងៃដែរឬទេ?
- ប្រាប់ពួកគាត់ថា ថ្ងៃនេះនឹងនាំពួកគាត់លេងល្បែងសកម្មភាពមួយដែលមានចំណងជើងថា ល្បែងនិយាយពី ‹‹សារៈប្រយោជន៍និងគ្រោះថ្នាក់››។
- ល្បែងនេះលេងជាក្រុមៗ ដែលមានសមាជិក ៣ទៅ៤នាក់ក្នុងមួយក្រុម
- ប្រាប់កុមារពីរបៀបលេងជាមុនសិន៖
- ចែកសម្ភារទៅតាមក្នុងនីមួយៗ ដែលមានក្ដារល្បែង១សន្លឹកក្នុងមួយក្រុម សម្ភារសម្គាល់ខ្លួបកុមារចំនួនទៅតាមសមាជិកក្រុម និងគ្រាប់ឡុកឡកលេខចំនួន១ក្នុងមួយក្រុម
- ក្នុងក្រុមនីមួយៗត្រូវស្វែករកអ្នកដែលអាចចាប់ផ្ដើមលេងមុន ដោយការប៉ាវឬវិធីផ្សេងក៏បានដែរ។
- ចាប់ផ្ដើមលេងល្បែងនេះ ដោយនៅក្នុងក្ដារល្បែងចាប់ផ្ដើមពីពាក្យថា ចាប់ផ្ដើម។
- កុមារទី១តាមក្រុមនីមួយៗ ចាប់ផ្ដើមបោះឬរមៀលគ្រាប់ឡុកឡាក់ ដើម្បីបានចំនួនពីគ្រាប់ឡុកឡាក់ ក្នុងការដើរ…
- នៅក្នុងក្ដារល្បែងមានសម្ភារ សត្វ វត្ថុ ដូចជា៖ ដីខ្មៅ កាំបិត ឆ្មា ទឹក ភ្លើងជាដើម…។
- ល្បែងនេះលេងចង់ឱ្យកុមារបានដឹងថា វត្តុ សត្វ សម្ភារ នីមួយៗអាចមានផលប្រយោជន៍ ហើយក៏អាចមានគ្រោះថ្នាក់បានដែរ ប្រសិនបើប្រើប្រាស់មិនមានការប្រយ័ត្នប្រយែង។
- ប្រសិនកុមារដើរចំប្រអប់ដែលមានរូបកាំបិតនិងមានសញ្ញាគ្រីសពណ៍បៃតង មានន័យថា <<សារៈប្រយោជន៍>> គេត្រូវនិយាយពីសម្ភារដែលមាននៅក្នុងប្រអប់ក្នុងន័យមានសារប្រយោជន៍។
ឧ.ថាចំរូបភាពដែលមានកុមារកំពុងលេងទឹក (សញ្ញាគ្រីសពណ៍បៃតង) កុមារនោះត្រូវនិយាយថា ទឹកអាចជួយឱ្យយើងសប្បាយ មានទឹកងូត អាចផឺកបាន និងផ្សេងៗទៀត…។
ឧ.ថាចំរូបភាពដែលមានកុមារកំពុងលេងទឹក (សញ្ញាគ្រោះថ្នាក់) កុមារនោះត្រូវនិយាយថា ទឺកអាចបង្កឱ្យមានគ្រោះថ្នាក់បាន ដូចជា អាចលង់ទឹក អាចទឹកចូលសួត ទឹកធ្វើគ្រុនបាន និងផ្សេងៗទៀត…។
- លេងបែបនេះរហូត ទៅតាមរូបភាពនៅក្នុងប្រអប់ដែលមានក្នុងក្រដាសក្ដារពណ៌ តែត្រូវច្បាស់ជាមួយនឹងសញ្ញាគ្រីសពណ៍បៃតង និង សញ្ញាគ្រោះថ្នាក់។
- កុមារណាដែលដើរទៅដល់ពាក្យថាឈ្នះមុននឹងក្លាយជាឈ្នះ ជាការស្រេចតែម្ដង។
- ល្បែងនេះ គ្រាន់តែចង់ឱ្យកុមារបានដឹងថា វត្ថុខ្លះអាចមានសារៈប្រយោជន៍ និងអាចមានគ្រោះថ្នាក់បានដូចគ្នាដែរ។ កុមារអាចបែងចែកឱ្យបានដាច់ស្រឡះ។
ការប្រែប្រួល៖
ល្បែងនេះអាចលេងជាសម្ភារ សត្វ វត្ថុ ផ្សេងៗបាន តាមចិត្តនិងការចង់បង្រៀននៅក្នុងថ្នាក់របស់អ្នក។