< ត្រឡប់ទៅធនធានទាំងអស់
ល្បែងអានសៀវភៅ
-
ភាសាខ្មែរ
សកម្មភាព ៖ ល្បែងអានសៀវភៅ
ភាសាខ្មែរ
ការស្តាប់ (ស្តាប់គេនិយាយ និងមានសម្ថភាពស្តាប់ដោយធ្វើតាមការណែនាំងាយៗ)។
ប្រើពាក្យសម្តីកាយវិការ និងនិមិត្តសញ្ញាដើម្បីទំនាក់ទំនង (ទំនាក់ទំនងដោយប្រើពាក្យសម្តី)។
គោលបំណង
(ភាសាខ្មែរ) ប្រាប់បានខ្លះៗពីដំណើរឿងតាមរយះរូបភាពដែលបានបង្ហាញ។
ប្រាប់ឡើងវិញពីសកម្មភាពតាមដំណាក់កាល ដោយអនុវត្តតាមដំណាក់កាលណែនាំ។
ប្រាប់ចំណងជើងរឿង និងអត្ថន័យតាមរូបភាព។ និទានរឿងតាមរូបភាពស្តាប់។
សៀវភៅ ៖ ដកស្រង់ចេញពីរឿង “បិសាចចម្លែកតូចៗ”។
កម្រិត ៖ មធ្យម ទាប ខ្ពស់
រយៈពេល ៖ ៣០ នាទី
ឧបករណ៍ ៖ សៀវភៅរឿង “បិសាចចម្លែកតូចៗ”។ ឱ្យក្មេងៗឆ្លើយម្នាក់មួយពាក្យ។
-តើអ្វីដែលចូលក្នុងខ្លួនហើយធ្វើឱ្យកូនៗឈឺ? គឺមេរោគ។
-តើមេរោគមាននៅកន្លែងណាខ្លះ? មាននៅកន្លែងទាំងអស់។
-តើយើងអាចមើលមេរោគដោយភ្នែកទទេបានដែរឬទេ? មិនបានទេ។
-តើយើងកំចាត់មេរោគដោយរបៀបណា? គឺត្រូវអនាម័យជានិច្ច។
-តើកូនៗត្រូវធ្វើដូចម្តេចពេលក្អក កណ្តាស់ និងហៀរសំបោរ?
យកដៃខ្ទប់មាត់ ច្រមុះ និងជូតសំបោរឱ្យបានស្អាត។
-តើយើងត្រូវមានទម្លាប់អនាម័យល្អអ្វីខ្លះ?
លាងសម្អាតដៃមុន និងពេលញុំាអាហារ ចេញពីបន្ទប់ទឹក និងសម្អាតខ្លួនប្រាណ។
ការរៀបចំ ៖ អានសៀវភៅរឿងឱ្យបានច្រើនដងមុខនឹងលេង។ សរសេរសំណួរដែលត្រូវសួរក្មេងៗ
នៅខាងខ្នងសៀវភៅ ឬ អ្នកអាចបង្កើតជាសំណួរដោយផ្ទាល់ក៏បានដែរ។
សេក្ដីណែនាំ៖
- ថ្ងៃនេះអ្នកគ្រូនឹងអានសៀវភៅរឿង “បិសាចចម្លែកតូចៗ”ឱ្យកូនៗស្តាប់ទាំងអស់គ្នា។
- បង្ហាញសៀវភៅរឿង “បិសាចចម្លែកតូចៗ”ទៅកាន់ក្មេងៗទាំងអស់គ្នា។
- ឱ្យក្មេងៗនិយាយពាក្យថា ‹‹សៀវភៅ››។
- បង្ហាញពីរបៀបនៃការកាន់ និងថែទាំសៀវភៅ។ ឧទាហរណ៍៖ កុំបត់សៀវភៅទៅក្រោយ កុំហែក
សន្លឹកសៀវភៅ ឬ កុំគូរវាសផ្ដេសផ្ដាសលើសៀវភៅ (ការគូររូបលើសៀវភៅគឺសម្រាប់តែសៀវភៅ
ផាត់ពណ៌ ឬ សៀវភៅគូររូបប៉ុណ្ណោះ)។ - បង្ហាញក្របសៀវភៅទៅកាន់ក្មេងៗ ហើយពន្យល់អំពីចំណងជើងរឿង ។
- ឱ្យក្មេងៗទាំងអស់ថាតាម ចំណងជើងរឿង “បិសាចចម្លែកតូចៗ”។
- អានសៀវភៅរឿងចាប់ពីទំព័រដើមរហូតដល់ចប់យឺតៗ ដោយបង្ហាញរូបភាពក្នុងទំព័រនីមួយៗ។
- បង្ហាញរូបភាពម្ដងទៀត និងនិយាយពីរូបភាព នៅក្នុងសៀវភៅ ។
- សួរក្មេងៗអំពីសំណួរដែលអ្នកបានត្រៀមទុក ។
-តើអ្វីដែលចូលក្នុងខ្លួនហើយធ្វើឱ្យកូនៗឈឺ? គឺមេរោគ។
-តើមេរោគមាននៅកន្លែងណាខ្លះ? មាននៅកន្លែងទាំងអស់។
-តើយើងអាចមើលមេរោគដោយភ្នែកទទេបានដែរឬទេ? មិនបានទេ។
-តើយើងកំចាត់មេរោគដោយរបៀបណា? គឺត្រូវអនាម័យជានិច្ច។
-តើយើងត្រូវធ្វើដូចម្តេចពេលក្អក កណ្តាស់ និងហៀរសំបោរ?
យកដៃខ្ទប់មាត់ ច្រមុះ និងជូតសំបោរឱ្យបានស្អាត។
-តើយើងត្រូវមានទម្លាប់អនាម័យល្អអ្វីខ្លះ?
លាងសម្អាតដៃមុន និងពេលញុំាអាហារ ចេញពីបន្ទប់ទឹក និងសម្អាតខ្លួនប្រាណ។
- ឆ្លើយសំណួរខ្លះៗដែលក្មេងមិនយល់ និងពន្យល់បន្ថែមទៀត ប្រសិនបើពួកគេមិនទាន់យល់ច្បាស់
ជាការស្រេច។