< ត្រឡប់ទៅធនធានទាំងអស់
ល្បែងក្រុមពណ៌
-
ចិត្តចលភាព -
បុរេគណិត
សកម្មភាព ៖ ល្បែងក្រុមពណ៌
ចិត្តចលភាព
បំណិនចលកតូច (ការហ្វឹកហាត់បង្កើនកម្លាំង សម្របសម្រួលសាច់ដុំដៃ និងភ្នែកសាច់ដុំភ្នែក)។
បំណិនចលកធំ (ការហ្វឹកហាត់បង្កើនកម្លាំង សម្របសម្រួលសាច់ដុំតូច និងសាច់ដុំធំ)។
បុរេគណិត
ទំហំ និងពណ៌ (ចំណាត់ក្រុម និងលំដាប់លំដោយ)។
គោលបំណង ៖
(ចិត្តចលភាព) ប្រាប់ពីររបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយ ឬលេងល្បែង។
បង្ហាញពីរបៀបធ្វើសកម្មភាពទៅតាមទម្រង់ផ្សេងៗនៃសកម្មភាពរួមមួយ។
(បុរេគណិត) ប្រាប់បានពីរបៀបរៀបវត្ថុតាមលំដាប់ក្រុម ប្រភេទ ទំហំ និងពណ៌។
កម្រិតសិក្សា ៖ ទាប មធ្យម ខ្ពស់
សៀវភៅ ៖ ដកស្រង់ចេញពីរឿង “តើនរណាជាអ្នកលាបពណ៌មេឃ?”
រយៈពេល ៖ ៣០ នាទី
ឧបករណ៍ ៖ ក្រដាសពណ៌ ៧ពណ៌មានពណ៌ក្រហម ខៀវ លឿង បៃតង ទឹកក្រូច ស្វាយនិងពណ៌ខៀវ
ស្វាយកាត់វាជារាងការ៉េ បន្ទាប់មកអ៊ុតវាឱ្យមានភាពរឹងមាំ មួយដុំមាន៧ពណ៌ ។
ការរៀបចំ ៖ ចែកកាតទៅឱ្យក្មេងៗតាមក្រុមម្នាក់ ១សន្លឹកតាមពណ៌នីមួយៗ។
កាតក្រហមអាចមាន ៣ទៅ ៥កាតអាស្រ័យចំនួនក្មេង។
ពេលខ្លះកាតមួយដុំមាន ៣ ទៅ៥ ពណ៌ក៏បានដែរ។
សេចក្ដីណែនាំ៖
- រៀបចំតុ ឬកៅអីដាក់នៅចំកណ្តាលឱ្យក្មេងៗទាំងអស់គ្នាឈរជារង្វង់ជុំវិញកៅអី ឬ តុនោះ។
- អ្នកគ្រូបង្ហាញក្មេងៗពីកាតពណ៌ទាំង៧ ពណ៌មានពណ៌ក្រហម ខៀវ លឿង បៃតង ទឹកក្រូច ស្វាយ និងពណ៌ខៀវស្វាយ និងឱ្យក្មេងៗថាតាម។
- ចែកកាតទាំងប្រាំពីរនោះទៅក្មេងៗម្នាក់ ១សន្លឹកតាមពណ៌នីមួយៗ ។
- ឱ្យក្មេងៗដើរជុំវិញកៅអីដោយមិនឳ្យបង្ហាញកាតដែលខ្លួនឯងកំពុងកាន់ឱ្យអ្នកផ្សេងៗឃើញឡើយ។
- បន្ទាប់ពីដើរមួយសន្ទុះសូមប្រាប់ឱ្យក្មេងៗឈប់ ហើយឱ្យពួកគេស្វែងរកកាតដែលមានពណ៌ដូចគ្នា ប្រសិនបើរកឃើញហើយ ត្រូវកាន់ដៃ ឬ ឈរជាក្រុមតាមពណ៌នីមួយៗ។
ឧទាហរណ៍៖ ក្មេងមានកាតក្រហម ស្វែងរកក្មេងមានកាតក្រហមម្នាក់ទៀត។
អាចមួយពណ៌មាន ៣ ទៅ ៥កាតអាស្រ័យចំនួនក្មេង។ - ក្រោយពេលរកឃើញតាមក្រុមមានកាតដូចៗគ្នាតាមពណ៌នីមួយៗហើយ ត្រូវលើកកាតហើយនិយាយ
- អ្នកអាចចាក់បទភ្លេងនៅពេលពួកគេកំពុងដើរ ហើយឱ្យក្មេងៗឈប់ដើរនៅពេលតន្ត្រីឈប់ក៏បាន។
ការប្រែប្រួល៖
អ្នកអាចលេងហ្គេមនេះជាមួយនឹងប្រធានបទផ្សេងៗទៀតបាន។ ធ្វើជាកាតដែលនិយាយពីប្រធានបទផ្សេងៗ ដូចជា៖ បន្លែ ផ្លែឈើ សត្វ… ល។