< ត្រឡប់ទៅធនធានទាំងអស់
ល្បែង សាងសង់ជាមួយបន្ទះឈើការ៉េមកី
-
ចិត្តចលភាព -
វិទ្យាសាស្រ្ត -
សិក្សាសង្គម
សកម្មភាព ៖ ល្បែងសាងសងជាមួយបន្ទះឈើការ៉េមកី
វិទ្យាសាស្រ្ត
ការរស់នៅប្រចាំថ្ងៃ (លក្ខណៈរូបធាតុ) (អ្វីដែលមានជីវិត និងអ្វីដែលគ្មានជីវិត)
សិក្សាសង្គម
គំនូរ និងសកម្មភាពកសាង (ការយល់ដឹង និងការពេញចិត្តចំពោះសិល្បៈតាមរយះការបង្កើតរូបភាព)។
គោលបំណង ៖
(សិក្សាសង្គម) ប្រាប់ពីរបៀបសាងសង់ បិទ បត់ គូរ រចនា បង្កើតជារូបភាពផ្សេងៗ និងបង្ហាញពីអ្វីដែល
បង្កើតឡើងបាន។ ប្រាប់បានពីរបៀបសូនរូបជារាងងាយៗដោយប្រើដៃទាំងពីរ។
(វិទ្យាសាស្ត្រ) ប្រាប់ពីវត្ថុដែលធ្វើអំពីឈើ ជ័រ ប្លាស្ទិច…។
ប្រាប់ពីភាពខុសគ្នាវត្ថុធាតុដើមនៃសម្ភារដោយប្រើបញ្ញត្តិដូចជា រឹង ទន់ ក្តៅ ត្រជាក់ គ្រើម
ជាដើម។ ប្រាប់ពីអ្វីដែលមានជីវិត និងគ្មានជីវិត ។
កម្រិតសិក្សា ៖ ទាប មធ្យម ខ្ពស់
រយៈពេល ៖ ៣០ នាទី
ឧបករណ៍ ៖ បន្ទះឈើសម្រាប់សាងសង់ កាវឈើ ស្គុតមុខពីរ។
ការរៀបចំ ៖ ទិញបន្ទះឈើការ៉េមកី ឱ្យគ្រប់គ្រាន់តាមចំនួនសិស្ស
សេក្ដីណែនាំ៖
- និយាយពីលោកគ្រូ សុខ ដែលគាត់ធ្លាប់ជាជាងឈើនៅក្នុងសៀវភៅរឿង ៉តើអ្នកចង់ធ្វើការងារអ្វី? ៉
- ចូរសួរក្មេងៗថា៖ តើឧបករណ៍អ្វីខ្លះដែលគេប្រើសម្រាប់ធ្វើជាងឈើ?ចម្លើយ៖ រណា កាំបិទ បន្ទាត់ឈើ ពូថៅ ដែកគោល…។
- និយាយថា៖ តើគេបានឈើមកពីណា? ចម្លើយ៖ កាប់ពីក្នុងព្រៃដែលរដ្ឋអនុញ្ញាតិ។
- សួរពួកគេថា៖ តើសម្ភារអ្វីខ្លះដែលសាងសង់អំពីឈើ? ចម្លើយ៖ មានទូ តុ កៅអី ផ្ទះ…។
- សួរពួកគេថា៖ តើសម្ភារអ្វីខ្លះដែលសាងសង់អំពី ដែក (មួយណាក៏បាន ជ័រ ប្លាស្ទិច កញ្ចក់)?
ចម្លើយ៖ ចានដែក ឆ្នាំង ដបទឹក កៅអីជ័រ កែវ….។ - ពិភាក្សាថា៖ តើកូនៗស្គាល់អ្វីដែលមានជីវិត ឬ អ្វីគ្មានជីវិត? ចម្លើយ៖ចាស ឬ បាទ។
- ឱ្យក្មេងៗប្រាប់ម្នាក់ ១ប្រភេទ៖
តើអ្វីដែលមានជីវិត ? ចម្លើយ៖ សត្វ មនុស្ស រុក្ខជាតិ ។
តើអ្វីដែលគ្មានជីវិត? ចម្លើយ៖ ទឹក ដី ទូ តុ កៅអី ប្លាស្ទិច កញ្ចក់ ដែក ជ័រ ។
ចាប់ផ្តើមពន្យលពីរបៀបលេងល្បែង ៖
- បន្តិចទៀតកូនៗនឹងក្លាយជាជាងឈើ ហើយធ្វើការជាមួយឈើ ។
- នេះជាបន្ទះឈើការ៉េមកី យើងនឹងយកវាធ្វើជាប្រអប់។
បង្ហាញរូបភាពនៃប្រអប់ដែលអ្នកចង់ឲ្យក្មេងៗធ្វើ ឬ ប្រអប់ដែលអ្នកបានធ្វើរួច។ - ចែកឈើបន្ទះការ៉េមកី ឱ្យក្មេងៗទាំងអស់ ។
- ឱ្យពួកគេចាប់ផ្ដើមធ្វើវា ប៉ុន្តែអ្នកអាចដើរជុំវិញក្មេងៗ និងជួយពួកគេធ្វើវា ។
- ប្រសិនបើក្មេងខ្លះ គាត់គ្មានគំនិតចង់ធ្វើនោះ សូមអ្នកធ្វើកាយវិការបង្ហាញពួកគេតែម្ដង។
- នៅពេលដែលពួកគេធ្វើប្រអប់ ចូរឱ្យក្មេងៗធ្វើអ្វីដែលពួកគេចង់ធ្វើ តាមចិត្តរបស់ពួកគេ។
ការប្រែប្រូល៖
គ្រូអាចឲ្យកូនក្មេងៗធ្វើវត្ថុផ្សេងទៀតបាន (ឧទាហរណ៍. រូបអាគារ រូបកៅអី និងរូបថូផ្កា ការេ ត្រីកោណ….)