< ត្រឡប់ទៅធនធានទាំងអស់
ល្បែងល្ចោនអាយ៉ងម្រាមដៃ
-
ចិត្តចលភាព -
សិក្សាសង្គម
សកម្មភាព ៖ ល្បែងល្ខោនអាយ៉ងម្រាមដៃ
ចិត្តចលភាព៖
បំណិនចលករតូច៖ កាហ្វឹកហាត់បង្កើនកម្លាំងនិងសម្របសម្រួលរវាងចលនាសាច់ដុំដៃនិងសាច់ដុំភ្នែក។
គោលបំណង៖ វិជ្ជាសម្បទា៖ ប្រាប់បានពីរបៀបធ្វើចលនាដៃតាមទម្រង់ផ្សេងៗដោយធ្វើការជាមួយអ្វីមួយ និងការលេងល្បែងអ្វីមួយ។
សិក្សាសង្គម៖
បំណិនទំនាក់ទំនង៖ បំណិនរស់នៅក្នុងសង្គមនិងទំនាក់ទំនងវិជ្ជមានជាមួយមនុស្សជុំវិញខ្លួន
គោលបំណង៖
បំណិនសម្បទា៖ រៀបរាប់និងប្រាប់បានពីឈ្មោះមនុស្សជុំវិញខ្លួនឱ្យជួយនៅពេលដែលខ្លួនមានបញ្ហា គំនូរនិងសកម្មភាពកសាង៖ ការយល់ដឹងនិងពេញចិត្តចំពោះសិល្បៈតាមរយការបង្កើតជារូបភាពផ្សេងៗ
វិជ្ជាសម្បទា៖ ប្រាប់បានពីរបៀបបត់ រោយ ដេរ ត្បាញ សូនរូប ផាត់ពណ៌ ហែក បិទ បត់ កាត់… ដើម្បីបង្កើតជារូបភាពផ្សេងៗ។
រយៈពេល ៖ ៣០ នាទី
ឧបករណ៍ ៖ ក្រដាសដែលមានរូបសមាជិកគ្រួសារ (អ្នកអាចទាញយកនៅក្នុងគេហទំព័ររបស់អង្គការរ៉ឺម៉កកង់បីសម្រាប់កុមារបាន👉https://rermork.org) ក្រដាសសឬក្រដាសពណ៌ក៏បានដែរ តាមការចូលចិត្តរបស់អ្នក កន្រ្តៃ កាវស្អិត
កម្រិតសិក្សា ៖ ទាប មធ្យម និងខ្ពស់
ការរៀបចំ ៖ រៀបចំសម្ភារមួយឈុត សម្រាប់បង្ហាញទៅកាន់កុមារ។
សេក្ដីណែនាំ៖
- សួរកុមារនូវសំណួរខ្លះៗដែលទាក់ទងនឹងសមាជិកគ្រួសារ ដូចជា៖ តើកូនៗមានគ្រួសារដែរឬទេ? គ្រួសាររបស់កូនៗមានអ្នកណាគេខ្លះ? ចូលកូនៗរៀបរាប់ផង។
- បង្ហាញសម្ភារដែលអ្នកបានរៀបចំមួយឈុតនោះ ទៅកាន់កុមារ សមាជិកគ្រួសារមានអ្នកណាខ្លះ…។
- ចាប់ផ្ដើមប្រាប់កុមារពីរបៀបធ្វើវាជាមុនសិន។
- កាត់រូបសមាជិកគ្រួសារមុន។
- កាត់ក្រដាសសឬក្រដាសពណ៌នោះទំហំឱ្យប៉ុនម្រាមដៃទាំង៥នៅពេលដែលបិទវាជារង្វង់រួច។
- កាត់ក្រដាសសឬក្រដាសពណ៌ឱ្យល្មមនឹងម្រាមដៃរបស់កុមារ បន្ទាប់មកបិទជារង្វង់ប៉ុនម្រាមដៃទាំង៥។
- បន្ទាប់មកយកក្រដាសរូបភាពដែលកាត់រួចមកបិទនៅផ្នែកខាងលើក្រដាសពណ៌ដែលអ្នកបានបិទជារង្វង់ទំហំប៉ុនម្រាមដៃនោះ នៅផ្នែកខាងមុខបាតដៃនៃផ្នែកម្រាមដៃ។
4. នៅពេលដែលធ្វើរួច ចាប់ផ្ដើមលេង ដោយឱ្យកុមារបានស្គាល់សមាជិកគ្រួសារ ដោយឱ្យពួកគេលេងម្ដង៥នាក់ ដូច្នេះត្រូវត្រៀមសម្ភារ៥ឈុតដែរ។
5. ឱ្យពួកគេពាក់រូបសមាជិកគ្រួសារ ឱ្យបានគ្រប់ៗគ្នា។
6. ឱ្យពួកគេឡើងទៅឈរនៅមុខក្ដារខៀន។
7. គ្រូស្រែកពាក្យថា ឱពុក កុមារត្រូវលើកម្រាមដៃឱពុក នៅពេលដែលស្រែកពាក្យថា ម្ដាយ កុមារត្រូវលើកម្រាមដៃដែលមានសមាជិកម្ដាយ។
8. នៅពេលលេងប្រសិនបើកុមារណាដែលលើកម្រាមដៃត្រូវនឹងក្លាយជាអ្នកឈ្នះ រីឯកុមារដែលលើកម្រាមដៃខុស គឺនឹងក្លាយជាអ្នកចាញ់។
9. លេងបែបនេះឱ្យបានគ្រប់គ្នា គឺជាការស្រចតែម្ដង។
ការប្រែប្រល៖
របៀបធ្វើសម្ភារសម្រាប់លេងល្បែងនេះមានច្រើនប្រភេទ អ្នកអាចស្វែងរកវិធីណាដែលងាយស្រួលសម្រាប់អ្នកក៏បានដែរ។ សម្រាប់ល្បែងនេះយើងបានជាបទចម្រៀងសម្រាប់ច្រៀងនៅពេលដែលកំពុងលេងបានដែរ ប្រសិនបើអ្នកត្រូវការវា។ អាចចូលទៅក្នុងវេបន៌សាយ ឬគេហទំព័រ និងយូធូបរបស់ខាងអង្គការរ៉ឺម៉កកង់សម្រាប់កុមារបានផងដែរ។