< ត្រឡប់ទៅធនធានទាំងអស់

ល្បែងស្ដាប់ពណ៌

សកម្មភាព ៖ ល្បែងស្ដាប់ពណ៌

បុរេគណិត
ទំហំ និងពណ៌ (ចំណាត់ក្រុម និងលំដាប់លំដោយ)។
ភាសាខ្មែរ
ការស្តាប់ (ស្តាប់គេនិយាយ និងមានសម្ថភាពស្តាប់ដោយធ្វើតាមការណែនាំងាយៗ)។

គោលបំណង ៖
(បុរេគណិត) ប្រាប់បានពីរបៀបរៀបវត្ថុតាមលំដាប់ក្រុម ប្រភេទ ទំហំ និងពណ៌។
(ភាសាខ្មែរ) ប្រាប់ឡើងវិញពីសកម្មភាពតាមដំណាក់កាល ដោយអនុវត្តតាមដំណាក់កាលណែនាំ។
កម្រិតសិក្សា ៖ ទាប មធ្យម ខ្ពស់

សៀវភៅ ៖ ដកស្រង់ចេញពីរឿង “តើនរណាជាអ្នកលាបពណ៌មេឃ?”
រយៈពេល ៖ ៣០ នាទី

ឧបករណ៍ ៖ សន្លឹកកិច្ចការ (ល្បែងគូសតាមស្នាមចុចឥន្ធនូ) និងខ្មៅដៃពណ៌។ 

ការរៀបចំ ៖ ធ្វើបញ្ជីនៃធាតុដែលជាពណ៌ខុសគ្នានៃឥន្ទធនូ ដូច្នេះអ្នកអាចជួយក្មេងៗប្រសិនបើចាំបាច់។
 បោះពុម្ពសន្លឹកកិច្ចការចេញ (សន្លឹកមួយសម្រាប់ក្មេងម្នាក់)។
សេចក្ដីណែនាំ៖ 

1. តើកូនៗអាចប្រាប់ពណ៌របស់ឥន្ទធនូទាំងប្រាំពីរបានទេ? ក្មេងម្នាក់បានឆ្លើយពណ៌ ឱ្យក្មេងម្នាក់ទៀត
   ឆ្លើយ វត្ថុដែលមានពណ៌ដូចនឹងពណ៌។
   ឧទាហរណ៍៖ ក្មេងម្នាក់ឆ្លើយ ឥន្ទធនូមានពណ៌ក្រហម ចំណែកឯក្មេងម្នាក់ទៀតឆ្លើយថា កម្រាលតុ
   មានពណ៌ក្រហមដូច ពណ៌ឥន្ទធនូដែរ។
2. បន្តធ្វើសកម្មភាពបែបនេះរហូតដល់គ្រប់ ៧ពណ៌។ 
3. សេចក្តីណែនាំដូចខាងក្រោមសម្រាប់ការលេងល្បែងនេះ៖ 

• ចាប់ផ្ដើមជាមួយនឹងពណ៌ក្រហម និងនិយាយថា‹‹នៅក្នុងកន្ត្រករបស់ខ្ញុំមាន ដាក់វត្ថុដែលមាន
  ពណ៌ក្រហម) …» ឧទាហរណ៍. ផ្លែប៉េងប៉ោះ។ 
• ក្មេងទី២ និយាយបន្តទៀតថា ‹‹នៅក្នុងកន្ត្រករបស់ខ្ញុំមានប៉េងប៉ោះ និងផ្លែប៉ោម
   (ដាក់វត្ថុដែលមានពណ៌ក្រហមមួយមុខទៀត) ឧទាហរណ៍. មាន ប៉េងប៉ោះ ប៉ោម។ 
• ក្មេងទី៣ និយាយឈ្មោះផ្លែទាំងពីរមាន ប៉េងប៉ោះ ប៉ោម និងដាក់វត្ថុ ឬផ្លែមួយទៀត ដែលមានពណ៌ក្រហមដូចគ្នា។ ឧទាហរណ៍. ‹‹នៅក្នុងកន្ត្រករបស់ខ្ញុំមាន ផ្លែប៉េងប៉ោះ ផ្លែប៉ោម និងផ្លែស្រកានាគ… ››។
• ធ្វើបែបនេះរហូត បើក្មេងណាម្នាក់ភ្លេចពណ៌វត្ថុ ឬ ឈ្មោះវត្ថុដែលពួកគេបាននិយាយទាំង
  នោះ ពួកគេនឹងត្រូវចាកចេញពីការលេងល្បែងនេះ។ 
• លេងរហូតគ្រប់ពណ៌ឥន្ទធនូទាំងប្រាំពីរមានដូចជា ស្វាយ ខៀវស្វាយ និងពណ៌ផ្សេងទៀត។ 

4. ប្រសិនបើមានបញ្ហា ឬ មិនយល់ អ្នកអាចនិយាយឧទាហរណ៍ខ្លះៗ។
5. ចែកខ្មៅដៃពណ៌ និងឱ្យពួកគេផាត់ពណ៌ដែលមាននៅខាងក្រោមរូបនីមួយៗ ជាការស្រេច។ 

ការប្រែប្រួល៖ 

ល្បែងនេះអាចលេងជាក្រុមក៏បានដែរ។