< ត្រឡប់ទៅធនធានទាំងអស់

ល្បែងបង្កើតដីឥដ្ឋសូនរូប

20-30 នាទី

៥ នាក់

៣ឆ្នាំ លើស

ទឹក, plates, Colored powder, salt, bowls, oil, ម្សៅមី

អង្គការរ៉ឺម៉កកង់បីសម្រាប់កុមារ

• សិក្សាសង្គម

សកម្មភាព ៖ ល្បែងបង្កើតដីឥដ្ឋសូនរូប

សិក្សាសង្គម

គំនូរ និងសកម្មភាពកសាង (ការយល់ដឹង និងការពេញចិត្តចំពោះសិល្បៈតាមរយៈការបង្កើតរូបភាព)
ការរស់នៅប្រចាំថ្ងៃ (ការស្វែងយល់ដោយសង្កេត)

គោលបំណង ៖      
(សិក្សាសង្គម) ប្រាប់ពីរបៀប រចនា បង្កើតជារូបភាពផ្សេងៗ និងបង្ហាញពីអ្វីដែលបង្កើតឡើងបាន។
ប្រាប់បានពីរបៀបសូនរូបជារាងងាយៗដោយប្រើដៃទាំងពីរ។
ប្រាប់បានពីរបៀបនៃការពិសោធន៍ និងស្វែងយល់ពីរបរិស្ថាន។
កម្រិតសិក្សា ៖ ទាប មធ្យម ខ្ពស់
រយៈពេល ៖ ៣០ នាទី 

ឧបករណ៍ ៖ កូនចានដែកសម្រាប់លាយម្សៅមី ប្រេងឆា អំបិល ទឹកពណ៌លាក់ ទៅតាមចំនួនក្រុមនៃសិស្ស។

ការរៀបចំ ៖ ត្រៀមសម្ភារគ្រប់គ្រាន់ និងរៀបចំទឹកសម្រាប់ទុកលាងសម្អាតដៃរបស់ក្មេងៗទាំងអស់។

សេក្ដីណែនាំ ៖

1. សួរក្មេងៗថា៖ តើកូនៗនៅចាំការងារដំបូងរបស់លោកគ្រូសុខដែរឬទេ?
2. ប្រាប់ក្មេងថា៖ ថ្ងៃនេះកូនៗនឹងលេងល្បែងធ្វើដីឥដ្ឋជាមួយអ្នកគ្រូ។ 
3. កូនៗការពិសោធន៍នេះគឺកូនអនុវត្តដោយខ្លួនឯងផ្ទាល់។
4. សួរក្មេងៗថា៖ តើកូនៗត្រូវមានគ្រឿងផ្សំអ្វីខ្លះដើម្បីបង្កើតដីឥដ្ឋ?
   (បើក្មេងមិនដឹងយើងអាចប្រាប់បាន ម្សៅមី ប្រេងឆា អំបិល ទឹក ពណ៌លាក់)
5. ចែកក្មេងៗជា១ ក្រុម ៥នាក់តាមស្ថានភាពជាក់ស្តែង ។
6. យើងជាអ្នកបង្ហាញត្រូវលាយម្សៅក្នុងចានដែកមួយ ដើម្បីបង្ហាញក្មេងៗពីរបៀបលាយ។
7. ឱ្យចានដែកតូចទៅក្មេងៗតាមក្រុមនីមួយៗ ។
8. លាយម៉្សៅមីតាមចានដែកនៃក្រុមនីមួយៗដូចខាងក្រោម៖
   (បរិមាណម្សៅមីគឺអាស្រ័យទៅលើទំហំចានដែក និងចំនួនសិស្សតាមក្រុម) 
   1. ម្សៅមី ២កែវ
   2. អំបិល ១/២កែវ
   3. ប្រេងឆា ២ស្លាបព្រា
   4. ទឹក ២កែវ
   5. អាចបន្ថែមពណ៌លាក់ដើម្បីសូនរូបភាពផ្សេងៗបានស្អាត។
9.  បរិមាណអំបិលត្រូវលាយច្របល់ជាមួយម្ស៉ៅមី ពេលដាក់ចូលតាមចានដែកនីមួយៗ ។
10.  រួចត្រូវចាក់ប្រេងឆា ឬ ខ្លាញ់ដើម្បីកុំឱ្យស្អិតជាប់ប្រតាក។ 
11. ដាក់លាយទឹកបន្តិច បន្ថែមពណ៌លាក់ តាមសាច់ម្សៅមីពេលយើងច្របល់ចូលគ្នា។ 
12. បង្ហាញក្មេងៗថា៖ ដីឥដ្ឋអាចសូនធ្វើជារូបសត្វផ្សេងៗបានទាល់តែដីឥដ្ឋនោះមានសភាពរឹងល្មម។ 
13. មើលក្មេងលេង និងជួយប្រសិនបើក្រុមណាបានដាក់ទឹកច្រើនពេក អ្នកអាចថែមម៉្សៅមីបាន។ 
14.  អ្នកអាចឱ្យក្មេងៗសូន្យរូបជានំខេក ឬ ជានំបុ័ងក៏បានដែរ ។
15. ក្មេងៗអាចយកដីឥដ្ឋទៅផ្ទះ និងដាក់ហាលរូបសូន្យរួចនៅក្នុងថ្នាក់ ដើម្បីទុកលាបពណ៌នៅថ្ងៃក្រោយ។
16. បង្រៀនក្មេងៗរៀបចំចានដែកឱ្យបានស្អាត និងដីឥដ្ឋឱ្យបានត្រឹមត្រូវបន្ទាប់ពីលេងរួច។