< ត្រឡប់ទៅធនធានទាំងអស់
ល្បែងស្ទូចត្រី
-
ចិត្តចលភាព -
វិទ្យាសាស្រ្ត -
បុរេគណិត
សកម្មភាព ៖ ល្បែងស្ទូចត្រី
ចិត្តចលភាព ៖ បំណិនចលនាតូច៖ ការហ្វឹកហាត់បង្កើតកម្លាំងនិងសម្របសម្រួលរវាងចលនាសាច់ដុំដៃនិងសាច់ដុំភ្នែក៖
វិទ្យាសាស្រ្ត ៖ បំណិនអនាម័យ៖ ទម្លាប់រស់នៅមានអនាម័យក្នុងគ្រួសារនិងសង្កម៖
បុរេគណិត ៖ បរិមាណនិងចំនួន៖ ស្គាល់នឹងយល់លេខតាងនិងការគណនាលេខសាមញ្ញ៖
ទំហំនិងពណ៌៖ ចំណាត់ថា្នក់ក្រុមនិងលំដាប់លំដោយ៖
គោលបំណង
ចិត្តចលភាព ៖ បំណិនសម្បទា៖ កំណត់ចំណុចគោលដៅនៃចលនាដៃដោយការទប់លំនឹងនិងសម្របសម្រួលទៅនឹងភ្នែកក្នុងពេលធ្វើអ្វីមួយឬលែងល្បែងបានរឹងមាំល្អ។
វិទ្យាសាស្រ្ត ៖ បំណិនសម្បទា៖ ចោលសំរាមក្នុងធុងសំរាម
បុរេគណិត ៖ បំណិនសម្បទា៖ រាប់ចំនួនលេខ និងយល់ន័យពី១ដល់៣០ឬលើសពីនេះ។ បំណិនសម្បទា៖ រៀបវត្ថុតាមលំដាប់ក្រុម ប្រភេទ ទំហំ និងពណ៌
កម្រិតសិក្សា ៖ ទាប មធ្យម និង ខ្ពស់
រយៈពេល ៖ ៣០ នាទី
ឧបករណ៍ ៖ កំប៉ុងភេសជ្ជៈ ប្រភេទមួយណាក៏បានដែរ (ប្រហែលជា២០កំប៉ុង) ឈើដែលមានចងជាមួយខ្សែដែលមានទំពក់សម្រាប់ធ្ពក់កំប៉ុងឱ្យជាប់ផងដែរ។
ការរៀបចំ ៖ រៀបចំធ្វើសម្ភារឱ្យបានរួចរាល់សម្រាប់លេងល្បែងនេះ ដោយធ្វើសម្ភារឈើខ្សែធ្ពក់កំប៉ុងដោយបានល្អ។
សេចក្ដីណែនាំ ៖
- សួរកុមារខ្លះពីសំរាមដែលត្រូវចោលហើយ តែអាចយកមកប្រើបានវិញ មានខ្វីខ្លះ? កូនស្គាល់សំរាមអត់? ការចោលសំរាមបែបណាទើបជាការចោលត្រឹមត្រួវ?
- ប្រាប់កុមារក្នុងថា្នក់ថា ថ្ងៃនេះយើងនឹងនាំគ្នាលេងល្បែងសកម្មភាពមួយដែលមានឈ្មោះថា ល្បែងស្ទូចត្រី។ កូនៗធ្លាប់ស្ទូចត្រីអត់? ទៅជាមួយអ្នកណាគេ? សប្បាយអត់?
- ប្រាប់កុមារពីរបៀបលេងល្បែងសកម្មភាពនេះសិន
- ល្បែងនេះយើងអាចលេងម្ដង២នាក់បាន ឬច្រើនជាងនេះក៏បានដែរ ឱ្យតែគ្រូអាចគ្រប់គ្រង់កុមារបាន សម្រាប់មានការប្រកួតប្រជែង
- ក្នុងពេលលេងម្ដងអាចនឹងកំណត់ពេលវេលា ១ ឬ២នាទីសម្រាប់ស្ទូចយកកំប៉ុងទាំងនោះ ថាតើអ្នកណាអាចស្ទូចបានច្រើនជាងគេ
- នៅពេលដែលគ្រប់ពេលវេលាដែលបានកំណត់រួចរាល់ហើយ តែមិនមានអ្នកណាដែលអាចស្ទួចបានទេ មានន័យថាពួកគេទាំងពីរស្មើគ្នាតែម្ដង តែបើអ្នកណាដែលស្ទួចបានច្រើនជាង អ្នកហ្នឹងជាអ្នកដែលឈ្នះ។
- បន្ទាប់មកត្រូវផ្លាស់ប្ដួរឱ្យពីរនាក់ផ្សេងទៀតចាប់ផ្ដើមលេងម្ដង។
- លែងបែបនេះរហូតដល់គ្រប់គ្នា ឬគ្រប់ពេលវេលាដែលសាកសមសម្រាប់ថា្នក់របស់អ្នកជាការស្រេច។
- នៅពេលដែលលេងរួចរាល់ហើយ សូមឱ្យកុមារជួយរៀបចំកន្លែង និងសម្ភារទៅតាមកន្លែងដើមវិញជាការស្រេច។