< ត្រឡប់ទៅធនធានទាំងអស់
ល្បែងផ្គូផ្គងចំនួន
-
ចិត្តចលភាព -
វិទ្យាសាស្រ្ត -
បុរេគណិត
សកម្មភាព ៖ ល្បែងផ្គូផ្គងចំនួន
ចិត្តចលភាព ៖ បំណិនចលនាតូច៖ ការហ្វឹកហាត់បង្កើតកម្លាំងនិងសម្របសម្រួលរវាងចលនាសាច់ដុំដៃនិងសាច់ដុំភ្នែក
វិទ្យាសាស្រ្ត ៖ ការរស់នៅប្រចាំថ្ងៃ៖ លក្ខណៈរូបធាតុ៖
បុរេគណិត ៖ បរិមាណនិងចំនួន៖ ស្គាល់នឹងយល់លេខតាងនិងការគណនាលេខសាមញ្ញ៖
ទំហំនិងពណ៌៖ ចំណាត់ថា្នក់ក្រុមនិងលំដាប់លំដោយ៖
គោលបំណង
ចិត្តចលភាព ៖ បំណិនសម្បទា៖ កំណត់ចំណុចគោលដៅនៃចលនាដៃដោយការទប់លំនឹងនិងសម្របសម្រួលទៅនឹងភ្នែកក្នុងពេលធ្វើអ្វីមួយឬលែងល្បែងបានរឹងមាំល្អ។
វិទ្យាសាស្រ្ត ៖ វិជ្ជាសម្បទា៖ ប្រាប់បានពីវត្ថុដែលធ្វើអំពីឈើ ដែក ជ័រប្លាស្ទីក និងថ្មយ៉ាងតិចប្រាំ ឬលើសពីនេះ។
បុរេគណិត ៖ បំណិនសម្បទា៖ រាប់ចំនួនលេខ និងយល់ន័យពី១ដល់៣០ឬលើសពីនេះ។ បំណិនសម្បទា៖ រៀបវត្ថុតាមលំដាប់ក្រុម ប្រភេទ ទំហំ និងពណ៌។
កម្រិតសិក្សា ៖ ទាប មធ្យមនិងខ្ពស់
រយៈពេល ៖ ៣០ នាទី
ឧបករណ៍ ៖ កំប៉ុងភេសជ្ជៈ ឬកែវ ដែលមានសរសេរចំនួននៅគូទមួយចំនួន ក្រដាសដែលមានចំនួន នៅក្នុងរង្វង់ដែលបានបង្កើតរួចរាល់។
ការរៀបចំ ៖ ត្រូវរៀបចំសម្ភារសម្រាប់លេងឱ្យបានគ្រប់ កំណត់កុមារសម្រាប់លេងតាមក្រុមឱ្យបានគ្រប់និងរួចរាល់។
សេចក្ដីណែនាំ ៖
- សួរកុមារថាស្គាល់ចំនួនដែរឬទេ?
- ល្បែងនេះអាចលេងជាក្រុមក៏បាន លេងម្នាក់ឯងក៏បានដែរ តែគួរតែលេងជាក្រុមល្អជាង និងចំណាយពេលតិចផងដែរ។
- រៀបចំកុមារជាក្រុមដែលអាចមានចំនួន៣ ឬ៤នាក់ក្នុងមួយក្រុម
- តាមក្រុមនីមួយៗទទួលបានក្រដាសដែលមានរង្វង់១០ និងមានស្នាមចុចទៅចំនួន១ដល់១០ ឬ១០ទៅ២០ ឬ២០ទៅ៣០ តាមកម្រិតកុមារក្នុងថ្នាក់របស់អ្នកនិងកំប៉ុងភេសជ្ជៈ១០ ដែលមានសរសេរលេខតាមចំនួនដែលមានក្នុងក្រដាសនោះដែរ។
- នៅពេលដែលកុមារតាមក្រុមនីមួយៗបានទទួលហើយ ចាប់ផ្ដើមលេង
- ក្រុមនីមួយៗត្រូវមានការប្រកួតប្រជែងគ្នា
- ក្រុមដែលរៀបកំប៉ុងលេខ និងរង្វង់ចំនួនដែលមាននៅលើក្រដាសបានគ្រប់មុន និងបានលឿនជាងគេ នឹងក្លាយជាក្រុមឈ្នះទី១ និងទី២ បន្តបន្ទាប់គ្នា
- សមាជិកក្នុងក្រុមនីមួយៗអាចជួយគ្នាបាន ដូចជាម្នាក់ជាអ្នករាប់ចំនួនលើក្រដាស ម្នាក់ទៀតជាអ្នករកកំប៉ុងដែលមានចំនួនស្មើឬដូចគ្នា បន្ទាប់មកដាក់លើរង្វង់ដែលមានចំនួនក្រដាសនេះឱ្យបានត្រឹមត្រូវជាការស្រេច។
- ល្បែងនេះគ្រូ អាចកំណត់ពេលវេលាក៏បានដែរ ជៀសវាងការចំណាយពេលយូរពេក
- បញ្ជាក់ម្ដងទៀត ល្បែងអាចលេងតាមកម្រិតរបស់កុមារ ក្នុងថ្នាក់របស់អ្នក
- បន្ទាប់ពីលេងចប់រួចរាល់ហើយ អាចឱ្យកុមារជួយរៀបចំទុកដាក់សម្ភារផង ជាទម្លាប់ល្អមួយសម្រាប់កុមារផងដែរ។