< ត្រឡប់ទៅធនធានទាំងអស់
ល្បែងឡូតូសត្វពាហនៈ
-
វិទ្យាសាស្រ្ត -
បុរេគណិត -
ភាសាខ្មែរ
សកម្មភាព ៖ ល្បែងឡូតូសត្វពាហនៈ
វិទ្យាសាស្រ្ត
ការរស់នៅប្រចាំថ្ងៃ (ការស្វែងយល់ដោយសង្កេត)
បុរេគណិត
ទំហំ និងពណ៌ (ចំណាត់ក្រុម និងលំដាប់លំដោយ)។
ភាសាខ្មែរ
ប្រើពាក្យសម្តីកាយវិការ និងនិមិត្តសញ្ញាដើម្បីទំនាក់ទំនង (និមិត្តសញ្ញាតំណាងឱ្យសត្វ និងវត្ថុនានា)។
ការស្គាល់តួរអក្សរ (ការប្រើញាណរបស់ខ្លួនដើម្បីអភិវឌ្ឍបំណិនសមត្ថភាពទាំង៦)។ (ការយល់ដឹងអំពីភាពខុសគ្នានៃសូរសំម្លេង)។
គោលបំណង ៖
(វិទ្យាសាស្រ្ត) ប្រាប់បានពីសត្វចិញ្ចឹម សត្វព្រៃ សត្វស្លាបឬលើសពីនេះ។
(បុរេគណិត) ប្រាប់បានពីរបៀបរៀបវត្ថុតាមលំដាប់ក្រុម ប្រភេទ ទំហំ និងពណ៌។
(ភាសាខ្មែរ) ប្រាប់ពីឈ្មោះសត្វ តាមរយះការធ្វើចលនាកាយវិការត្រាប់តាមនិមិត្តសញ្ញា។
ប្រាប់ឈ្មោះសត្វ វត្ថុផ្សេងៗដោយស្តាប់សំឡេង ឬ សង្កេតកាយវិការ។
ស្តាប់ និងបែងចែកសូរសម្លេងដូចជាសូរសម្លេងសត្វ សម្លេងមនុស្ស និងដឹងពីប្រភពសម្លេង។
កម្រិតសិក្សា ៖ ទាប មធ្យម ខ្ពស់
រយៈពេល ៖ ៣០ នាទី
ឧបករណ៍ ៖ រៀបចំកាតុងឡូតូរូបសត្វពាហនៈ (សខ្មៅ / ពណ៌) កាតរូបសត្វពាហនៈចំនួន ៦ប្រភេទកាត់រួចដាក់ក្នុង កាបូប ឬ ធុងជ័រ។
គម្របដប ឬ ដុំតូចៗសម្រាប់សម្គាល់ចំនួននៅលើកាតុងឡូតូរូបសត្វពាហនៈ។
ការរៀបចំ ៖ រៀបចំអង្គុយជាក្រុម ចែកឧបករណ៍ ជ្រើសក្មេងម្នាក់ធ្វើជាមេ។
សេក្ដីណែនាំ៖
- ថ្ងៃនេះអ្នកគ្រូនឹងលេងល្បែងឡូតូរូបសត្វពាហនៈជាមួយកូនៗទាំងអស់គ្នា
- តើនៅក្នុងប្រទេសកម្ពុជាមានសត្វអ្វីខ្លះ?
បាទ/ចាស សត្វ គោ តោ ក្របី ខ្លា មាន់ ទា…….។
- តោះកូនៗមើលកាតុងឡូតូទាំងអស់គ្នា។
តើក្នុងកាតុងឡូតូនេះជាសត្វអ្វី? សត្វ គោ តោ ក្របី ខ្លា មាន់ ទា…….។
- សត្វទាំងអស់នេះមានប្រយោជន៍ណាស់សម្រាប់ប្រទេសកម្ពុជាយើង ។
- សរសរពាក្យ ស្ទើតែផុតពូជ នៅលើក្ដារខៀន និងពន្យល់ប្រាប់ក្មេងៗ។
- ពន្យល់ពីរបៀបលេងល្បែងឡូតូសត្វពាហនៈដល់ក្មេងៗ
- ចែកក្មេងៗជាក្រុមតាមចំនួនជាក់ស្តែង។
- ត្រូវចែកកាតុងឡូតូល្បែងសត្វពាហនៈតាមក្រុមនីមួយៗមួយឈុត និងដុំតូចៗ ឬកំរបដបក៏បានចំនួន ៦ដុំដូចគ្នា។
- ជ្រើសរើសក្មេងម្នាក់ជាអ្នកក្រឡុករូបសត្វពាហនៈ ចាប់យកកាតមួយសន្លឹកបន្ទាប់មកហៅ
ឈ្មោះសត្វនោះឱ្យលឺ។ - បើក្មេងៗណាមានសត្វដូចដែលគេហៅឈ្មៅនោះនៅក្នុងកាតុងឡូតូល្បែងរូបសត្វពាហនៈ
ក្មេងនោះត្រូវដាក់ដុំតូចៗ ឬកំរបដបសម្គាល់នោះនៅលើវា ។
- បន្ទាប់មកក្មេងចាប់ផ្ដើមហៅឈ្មោះម្ដងទៀត និងធ្វើដូចខាងលើដដែលរហូត។
- ក្មេងណាដែលបានបំពេញលើកាតុងល្បែងឡូតូរូបសត្វបាហនៈនោះពេញមុននឹងក្លាយជាអ្នកឈ្នះតែម្ដង។
- បន្ទាប់មកអ្នកអាចលេងបន្តរកឈ្នះ ២ ឬ ៣ នាក់បន្តទៀតក៏បាន ។