< ត្រឡប់ទៅធនធានទាំងអស់
ល្បែងស្វែងរកមិត្តលេងជាមួយគ្នា
-
ចិត្តចលភាព -
សិក្សាសង្គម
សកម្មភាព ៖ ល្បែងស្វែងរកមិត្តលេងជាមួយគ្នា
ចិត្តចលភាព
បំណិនចលកតូច (ការហ្វឹកហាត់បង្កើនកម្លាំង សម្របសម្រួលសាច់ដុំដៃ និងភ្នែកសាច់ដុំភ្នែក)។
សិក្សាសង្គម
បំណិនទំនាក់ទំនង (ការពេញចិត្តចំពោះលក្ខណៈផ្សេងគ្នារបស់បុគ្គល)
ចម្រៀង និងតន្ត្រី (ចំណេះដឹងបច្ចេកទេស ចលនា ការច្នៃប្រឌិត និងបទពិសោធន៍ពីតន្រ្តី)
គោលបំណង ៖
(ចិត្តចលភាព) ៖ ប្រាប់ពីរបៀបធ្វើចលនាតាមបែបទម្រង់ផ្សេងៗ ដោយការធ្វើអ្វីមួយ ឬ ការលេង
ល្បែងផ្សេងៗ។
(សិក្សាសង្គម) ៖ប្រាប់ពីបទចម្រៀងដែលបានឮ និងរបៀបធ្វើកាយវិការតាមប្រាប់បានពីរបៀបទះដៃ ឬ គោះសម្ភារនានាតាមចង្វាក់ភ្លេង។
ច្រៀងចម្រៀង និងធ្វើកាយវិការតាមខ្លឹមសារបទចម្រៀងបានមួយបទ ឬលើសពីនេះស្រលាញ់ និងចូលចិត្តបទចម្រៀង ។
ប្រាប់បានពីលក្ខណៈសម្បត្តិរបស់មិត្តភក្តិដែលលេងជាមួយប្រាប់បានពីសម្ថភាពដែលខ្លួនស្រលាញ់ដែលចិត្ត។
លេងជាមួយកុមារដ៏ទៃទៀតដោយមិនប្រកាន់ពូជន៍សាសន៍ ពណ៌សម្បុររូបរាង ពិការអ្នកមាន អ្នកក្រ។
កម្រិតសិក្សា ៖ ទាប មធ្យម ខ្ពស់
រយៈពេល ៖ ៣០នាទី
ឧបករណ៍ ៖ ចាក់បទចម្រៀង “ល្បែងស្វែងរកមិត្តលេងជាមួយគ្នា” ឬ ច្រៀងផ្ទាល់មាត់ក៏បាន។
ការរៀបចំ ៖ បង្រៀនក្មេងៗច្រៀងជាមុនសិន រៀបចំឱ្យក្មេងៗកាន់ដៃជារង្វង់
សេក្ដីណែនាំ៖
- កូនៗថ្ងៃនេះយើងនឹងលេងល្បែងស្វែងរកមិត្តលេងជមួយគ្នា
- បង្រៀនក្មេងៗច្រៀងបទចម្រៀងមុននឹងចាប់ផ្តើមលេង។
- ជ្រើសរើសក្មេងម្នាក់ឱ្យចាប់ផ្ដើមលេង។
- បង្ហាញ ឬ ពន្យល់ក្មេងៗពីរបៀនៃការលេងល្បែងនោះឱ្យបានច្បាស់ជាមុនសិន
- ក្មេងៗទាំងអស់ឈរកាន់ដៃគ្នាជារាងរង្វង់ និងលើកដៃឡើង
- ជ្រើសរើសក្មេងម្នាក់ដើម្បីចាប់ផ្ដើមលេងមុនគេ
- ឱ្យក្មេងម្នាក់នោះរត់ពីក្រោមដៃរបស់ក្មេងៗដែលកាន់ដៃជារង្វង់នោះ ៣ ឬ ៤ជុំ
- បន្ទាប់មក ក្មេងនោះទៅឈរនៅពីក្រោយក្មេងណាម្នាក់ដែលកំពុងឈរជារង្វង់នោះ ហើយច្រៀងបណ្តើរធ្វើកាយវិការបណ្តើរតាមបទចម្រៀង។
- បន្ទាប់មកក្មេងដែលត្រូវគេឈរនៅពីក្រោយ ចាប់ផ្ដើមរត់បន្តពីក្រោមដៃជារង្វង់នោះ ៣ ឬ ៤ជុំទៀត ដើម្បីស្វែងរកនរណាដែលគាត់ចង់ឈរនៅពីក្រោយ។
- ដូច្នេះក្មេងដែលនៅក្រៅរង្វង់ចាប់ផ្ដើមមានចំនួន ២នាក់ហើយ
- ក្មេងទាំងពីរ រត់បន្តទៀតនឹងទៅឈរនៅពីក្រោយក្មេងណាម្នាក់ផ្សេងទៀត ហើយច្រៀងបទចម្រៀងមួយចប់ដដែល និងបបួលក្មេងទី ៣ទៅជាមួយបន្តទៀត ។
- ធ្វើបែបហ្នឹងរហូតដល់ក្មេងៗដែលឈរជារង្វង់ហ្នឹងអស់នៅសល់តែ ២នាក់
- ហើយក្មេង ២នាក់ដែលនៅសល់ហ្នឹងចាប់ផ្ដើមរត់បន្តកន្ទុយជាជួរជាមួយក្មេងៗទាំងអស់នោះ
គឺជាការស្រេច។
- លើកទឹកចិត្តក្មេងៗឱ្យចូលរូមច្រៀងជាមួយទាំងអស់គ្នា
♪ បទចម្រៀង “ល្បែងស្វែងរកមិត្តលេងជាមួយគ្នា”
ក្នុង និងក្រៅ មិត្តល្អទាំងអស់គ្នា
ក្នុង និងក្រៅ មិត្តល្អទាំងអស់គ្នា
ក្នុង និងក្រៅ មិត្តល្អទាំងអស់គ្នា
ធ្វើមេដឹងនាំបានទេ?
ធឹបៗ-ធឹបៗ ប៉ះលើស្មារបស់ខ្ញុំ
ធឹបៗ-ធឹបៗ ប៉ះលើស្មារបស់ខ្ញុំ
ធឹបៗ-ធឹបៗ ប៉ះលើស្មារបស់ខ្ញុំ
អ្នកជាមេដឹងនាំខ្ញុំ។