< ត្រឡប់ទៅធនធានទាំងអស់
ល្បែងផ្គូផ្គងលេខនិងកន្រ្តក
-
ចិត្តចលភាព -
បុរេគណិត
សកម្មភាព ៖ ល្បែងផ្គូផ្គងលេខនិងកន្រ្តក
ចិត្តចលភាព
បំណិនចលកធំ (ការហ្វឹកហាត់បង្កើនកម្លាំង សម្របសម្រួលសាច់ដុំតូច និងសាច់ដុំធំ)។
បុរេគណិត
បរិមាណ និងចំនួន (ស្គាល់ និងយល់លេខតាង និងការគណនាលេខសាមញ្ញៗ) ។
គោលបំណង ៖
(ចិត្តចលភាព) ប្រាប់ពីររបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយ ឬលេងល្បែង។
បង្ហាញពីរបៀបធ្វើសកម្មភាពទៅតាមទម្រង់ផ្សេងៗនៃសកម្មភាពរួមមួយ។
(បុរេគណិត) ប្រាប់បានពីចំនួនលេខ និងយល់ន័យពី ១ដល់៣០តាមលំដាប់លំដោយ ឬលើសពីនេះ។
កម្រិតសិក្សា ៖ ទាប មធ្យម ខ្ពស់
រយៈពេល ៖ ១០ នាទី
ឧបករណ៍ ៖ កាតលេខ ១ដល់៥ និងកញ្រ្ចែងចំនួន ៥មានដោតឈើដាក់លេខដូចខាងក្រោម។
ការរៀបចំ ៖ មានកាតអ៊ុតពីលេខ១ដល់៥ក្នុង១ ដុំ ។
ត្រូវចែកកាតម្នាក់ ១សន្លឹកតាមចំនួនក្មេងៗនៅក្នុងថ្នាក់។
មានកញ្ច្រែងចំនួន ៥ហើយបិទលេខនៅលើកញ្ច្រែងទាំងនោះពីលេខ ១ដល់៥។
សេចក្ដីណែនាំ៖
- ត្រូវរៀបកញ្រ្ចែងដោតឈើដាក់លេខចំនួន ៥កញ្រ្ចែងឱ្យក្មេងៗឈរពីក្រោយម្នាក់ ១កញ្រ្ចែង។
- ត្រូវឱ្យក្មេងៗនៅសល់ទាំងអស់ឈរទល់មុខកញ្ច្រែង។
- រួចនិយាយថា៖ថ្ងៃនេះអ្នកគ្រូនឹងលេងល្បែងផ្គូផ្គងលេខនិងកន្រ្តកជាមួយកូនៗទាំងអស់គ្នា។
- ត្រូវចែកកាតលេខក្មេងៗម្នាក់១ សន្លឹក។
- ប្រាប់ថា៖ កូនៗត្រូវដាក់កាតមានលេខដូចនឹងលេខតាមកញ្ច្រែង ដើម្បីផ្គូផ្គងលេខឱ្យត្រូវគ្នា។
- បន្ទាប់មកកូនៗត្រូវឈរតម្រង់ជួរពីក្រោយកញ្រ្ចែងតាមលេខកាតដែលខ្លួនបានដាក់។
- កូនៗត្រូវដឹង ឬ ចងចាំថាខ្លួនស្ថិតនៅក្នុងកញ្ច្រែងលេខប៉ុន្មានរួចនិយាយ(កញ្ច្រែងលេខ១ ២ ៣ ….)។
ការប្រែប្រួល៖
ល្បែងនេះអាចលេងជាមួយនឹងលេខផ្សេងពីហ្នឹងក៏បានដែរ។
កាតអាចធ្វើជា ពណ៌ ផ្លែឈើ ព្យញ្ជនៈ ឬ ប្រធានបទផ្សេងៗទៀតដែលក្មេងៗរៀនរាល់ថ្ងៃ។