< ត្រឡប់ទៅធនធានទាំងអស់

ល្បែងក្តារពណ៌_b

20-30 នាទី

2-6 នាក់

៣ឆ្នាំ លើស

បោះពុម្ភ សម្ភារ, គ្រាប់ឡុកឡាក់, គ្រាប់តូចៗ

អង្គការរុឺម៉កកង់បីសម្រាប់កុមារ

• បុរេគណិត

សកម្មភាព ៖ ល្បែងក្តារពណ៌

ចិត្តចលភាព
បំណិនចលកតូច (ការហ្វឹកហាត់បង្កើនកម្លាំង សម្របសម្រួលសាច់ដុំដៃ និងភ្នែកសាច់ដុំភ្នែក)។
បំណិនចលកធំ   (ការហ្វឹកហាត់បង្កើនកម្លាំង សម្របសម្រួលសាច់ដុំតូច និងសាច់ដុំធំ)។

បុរេគណិត
ទំហំ និងពណ៌ (ចំណាត់ក្រុម និងលំដាប់លំដោយ)។

គោលបំណង
(ចិត្តចលភាព) ប្រាប់ពីររបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយ ឬលេងល្បែង។
បង្ហាញពីរបៀបធ្វើសកម្មភាពទៅតាមទម្រង់ផ្សេងៗនៃសកម្មភាពរួមមួយ។
(បុរេគណិត) ប្រាប់បានពីរបៀបរៀបវត្ថុតាមលំដាប់ក្រុម ប្រភេទ ទំហំ និងពណ៌។

សៀវភៅ ៖ តើនរណាជាអ្នកលាបពណ៌មេឃ? 

រយៈពេល ៖ ៣០ នាទី

សម្ភារ ៖ ក្រដាសល្បែងក្ដារពណ៌ គ្រាប់ឡុកឡាក់ 

ឧបករណ៍ ៖ វត្ថុសម្រាប់រាប់ចំនួន ក្រដាស់ល្បែងក្តារពណ៌ គ្រាប់ឡុកឡាក់ គម្របដប ឬ ដុំថ្មតូចៗ។

សេចក្ដីណែនាំ៖ 

1. បង្ហាញក្មេងៗពីក្រដាសល្បែងក្ដារពណ៌ គ្រាប់ឡុកឡាក់
2. បែងចែកក្មេងៗទាំងអស់ទៅជាក្រុមៗ ដែលក្នុងក្រុមនីមួយៗ អាចមានសមាជិក ២-៤នាក់ ឬ អាច
   លើសពីនេះ អាស្រ័យលើចំនួនសិស្សរបស់អ្នក។ 
3. ចែកសន្លឹកល្បែងក្ដារពណ៌ដែលមានទំហំ A3 មួយសន្លឹកគ្រាប់ឡុកឡាក់១ និងវត្ថុសម្រាប់សម្គាល់
   ចំនួនបានមួយចំនួន ទៅតាមក្រុមនីមួយៗ។ 
4. តើកូនៗស្កាល់ពណ៌នៅលើក្រដាសក្តារពណ៌នេះដែរឬទេ? បាទ/ចាស ស្គាល់។
5. តើមានពណ៌អ្វីខ្លះកូនៗ? មានពណ៌ក្រហម លឿង បៃតង ស្វាយ ខៀវ ទឹកសមុទ្រ ទឹកក្រូច……..

6. ចាប់ផ្តើមពន្យល់ច្បាប់នៃការលេងល្បែងក្តារពណ៌។ 

• ជ្រើសរើសវត្ថុសម្រាប់រាប់ចំនួន និងដាក់វានៅចំណុចចាប់ផ្ដើមនៃក្ដារ បន្ទាប់ពីខេទី ។
• បោះគ្រាប់ឡុកឡាក់ និងផ្លាស់ប្ដូរវេននរណាគេមានលេខខ្ពស់ជាងគេ អ្នកនោះនឹងត្រូវចាប់
  ផ្ដើមមុនគេ ។
• អ្នកវេនទី១ ចាប់ផ្ដើមបោះគ្រាប់ឡុកឡាក់ និងរំកិលវត្ថុរាប់ចំនួនទៅតាមចំនួនលេខរបស់
  គ្រាប់ឡុកឡាក់។
• និយាយឈ្មោះសម្ភារប្រើប្រាស់ ផ្លែឈើ សត្វ វត្ថុ ដែលមានពណ៌ត្រូវនឹងពណ៌ដែលអ្នក
  បានដាក់វត្ថុលើ ។
• ប្រសិនអ្នកមិនអាចនិយាយឈ្មោះសម្ភារប្រើប្រាស់ ផ្លែឈើ សត្វ វត្ថុដែលត្រូវនឹងពណ៌នោះ
  បានទេ អ្នកនឹងត្រឡប់ទៅកន្លែងដែលអ្នកផ្ដើមវិញម្ដងទៀត​។
• ប្រសិនអ្នកដាក់ចំកន្លែងរូបផ្កាយ អ្នកត្រូវរំកិលទៅខាងមុខ១ និងនិយាយប្រាប់ឈ្មោះសម្ភារ
  ប្រើប្រាស់ ផ្លែឈើ សត្វ វត្ថុសម្ភារប្រើប្រាស់ដែលមានពណ៌ដូចទៅកន្លែងហ្នឹង។
• ប្រសិនបើអ្នកដាក់ចំកន្លែងដែលមានសញ្ញាព្រួញ អ្នកត្រូវរំលងទៅ ឬ ចុះតាមសញ្ញាព្រួញ
  នោះ និងនិយាយពីឈ្មោះសម្ភារដែលមានពណ៌ដូចនឹងពណ៌ដែលអ្នកបានដាក់ពីលើនោះ។ 
• ផ្លាស់ប្ដូរវេនឱ្យទៅក្មេងដែលនៅជិតនោះ ធ្វើដូចគ្នាហ្នឹងក្មេងទី១ដែរ។ 
• ក្មេងម្នាក់ដែលបានឈានទៅដល់មករាមុន នឹងក្លាយជាអ្នកឈ្នះ។ 

7. បែងចែកក្មេងៗទៅជាក្រុមៗ ដែលមានក្មេងចាប់ពី ៤ ទៅ៦នាក់ក្នុង១ក្រុមចែកល្បែងក្ដារទៅតាម
   ក្រុមនីមួយៗ វត្ថុរាប់ចំនួន និងគ្រាប់ឡុកឡាក់ 
8. អនុញ្ញាតឱ្យក្មេងៗទាំងអស់លេងល្បែងនោះ រហូតដល់អស់ម៉ោងឈប់លេង ជាការស្រេច។