< ត្រឡប់ទៅធនធានទាំងអស់
តើមេរោគមួយណាគឺជាខ្ញុំ?
-
វិទ្យាសាស្រ្ត -
ភាសាខ្មែរ
សកម្មភាព ៖ តើមេរោគមួយណាគឺជាខ្ញុំ?
ចិត្តចលភាព
បំណិនចលកតូច (ការហ្វឹកហាត់បង្កើនកម្លាំង សម្របសម្រួលសាច់ដុំដៃ និងភ្នែកសាច់ដុំភ្នែក)។
ភាសាខ្មែរ
ការស្តាប់ (ស្តាប់គេនិយាយ និងមានសម្ថភាពស្តាប់ដោយធ្វើតាមការណែនាំងាយៗ)
គោលបំណង ៖
(ចិត្តចលភាព) ប្រាប់ពីររបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយ ឬ លេងល្បែង។
(ភាសាខ្មែរ) ប្រាប់បានខ្លះៗពីដំណើររឿងតាមរយៈរូបភាពដែលបានបង្ហាញ។
ប្រាប់បានពីសកម្មភាពតាមសំណាក់កាលដោយអនុវត្តតាមការណែនាំ។
សៀវភៅ ៖ ដកស្រង់ចេញពីរឿង “បិសាចចម្លែកតូចៗ”។
កម្រិត ៖ មធ្យម ទាប ខ្ពស់
រយៈពេល ៖ ៣០ នាទី
ឧបករណ៍ ៖ កាតមេរោគដែលមានពណ៌ផ្សេងៗ (B4-PG-2-B_ល្បែងស្វែងរកគូរមេរោគ_Matching-Germes_B, B4-PG-3-C_ល្បែងស្វែងរកគូរមេរោគ_Matching-Germes_C)
ការរៀបចំ ៖ ជ្រើសរើសមេរោគមួយណាដែលអ្នកចង់ឱ្យក្មេងប្រើនៅក្នុងការលេងល្បែងចងចាំនេះ។
ឱ្យប្រាកដថាអ្នកជ្រើសរើសមួយដែលមានពណ៌ផ្សេងពីគេ។
បោះពុម្ភនិងធ្វើវាឱ្យរួចរាល់និងអាចចាប់ផ្ដើមបាន។
សេក្ដីណែនាំ៖
- ថ្ងៃនេះអ្នកគ្រូនឹងលេងល្បែងតើមេរោគមួយណាគឺជាខ្ញុំ? ជាមួយកូនៗទាំងអស់គ្នា។
- សួរក្មេងៗ៖ តើមេរោគមានរូបរាងដូចម្ដេច? ពណ៌របស់មេរោគ មានភ្នែកប៉ុន្មាន រូបរាងរបស់មេរោគ
ជើងមេរោគ…ជាដើម។ - បង្ហាញរូបភាពមេរោគហើយនិយាយពិពណ៌នាមេរោគឱ្យក្មេងៗបានចងចាំ និង ជាគំរូរសម្រាប់ក្មេងៗធ្វើការពិពណ៌នាដែរ ហើយសូមកូនៗពិនិត្យមើលមេរោគដោយប្រុងប្រយ័ត្នហើយព្យាយាមចងចាំលំអិតអំពីពួកវា។
- បិតក្រដាសកាតមេរោគដែលបានត្រៀមទុក នៅលើក្ដារខៀនឱ្យបានស្អាត និងការមួយឈុតទៀត ទុកសម្រាប់ចែកឱ្យក្មេងៗនពេលដែលក្មេងៗឡើងមកពិពណ៌នាពីមេរោគម្នាក់មួយសន្លឹកៗ។
- បន្ទាប់មក គ្រូជ្រើសរើសរូបភាពមួយដោយចៃដន្យហើយនិយាយពិពណ៌នាមេរោគនោះ និងឱ្យក្មេងណាម្នាក់ឡើងលើក្ដារខៀន ទៅចង្អុលមេរោគដែលបានបិទនៅលើក្ដារខៀននោះ។ (ការធ្វើនេះដើម្បីជួយពង្រឹងការចងចាំក្មេងៗអំពីមេរោគ)។
- ហៅក្មេងម្នាក់ឱ្យឡើងពិពណ៌នាមុនគេ ដោយផ្តល់នូវរូបភាពមួយសន្លឹកដោយមិនអនុញ្ញាតឱ្យកុមារផ្សេងទៀតមើលឃើញនោះទេ។
- ចាប់ផ្ដើមឱ្យក្មេងម្មាក់នោះ ពិពណ៌នាតែម្ដង និងគ្រូត្រូវហៅក្មេងៗដែលនៅមុខមកចង្អុលរូបមេរោគឱ្យត្រូវនឹងការពិពណ៌នាផងដែរ។
- ប្រសិនបើក្មេងនោះ ចង្អុលត្រូវ នោះក្មេងទាំងពីរ នឹងត្រូវបានទៅកន្លែងវិញ ប៉ុន្តែប្រសិនបើក្មេងនោះ ចង្អុលខុសនោះ ក្មេងដែលពិពណ៌នានោះ ត្រូវពិពណ៌នាម្ដងទៀត ឬជ្រើសរើសក្មេងណាម្នាក់ផ្សេងទៀតមកចង្អុលម្ដង រហូតដល់ចង្អុលត្រូវ ទើបអាចផ្លាស់ប្ដូរអ្នកពិពណ៌នាបាន។
- ធ្វើបែបនេះរហូតដល់អស់កាតដែលបានត្រៀមទុកនោះ ជាការស្រេច។
- បញ្ជាក់៖ (ប្រសិនក្មេងៗនៅតែចង្អុលមិនត្រូវទេនោះ ក្មេងដែលជាអ្នកពិពណ៌នានោះ អាចនិយាយពីពណ៌ និងភ្នែករបស់មេរោគបាន)។
- ត្រូវឱ្យក្មេងៗទាំងបានចូលរួមលេងជាគ្នាឱ្យបានច្រើនផង ដើម្បីឱ្យក្មេងៗបានសប្បាយជុំគ្នាដែរ។
ការប្រែប្រួលល្បែង៖
ល្បែងនេះអាចលេងបានជាមួយនឹងការពណ៌នាពីផ្លែឈើ បន្លែ ឬក៏សម្ភារប្រើប្រាស់ផ្សេងៗបានដូចគ្នាដែរ។