< ត្រឡប់ទៅធនធានទាំងអស់

ល្បែងប៉ោងប៉ោងមេរោគ

សកម្មភាព ៖ ល្បែងប៉ោងប៉ោង

ចិត្តចលភាព
បំណិនចលកតូច (ការហ្វឹកហាត់បង្កើនកម្លាំង សម្របសម្រួលសាច់ដុំដៃ និងភ្នែកសាច់ដុំភ្នែក)។
បំណិនចលកធំ   (ការហ្វឹកហាត់បង្កើនកម្លាំង សម្របសម្រួលសាច់ដុំតូច និងសាច់ដុំធំ)។

វិទ្យាសាស្រ្ត
បំណិនអនាម័យ (ទម្លាប់រស់នៅមានអនាម័យក្នុងគ្រួសារ និងសង្គម)

គោលបំណង
(ចិត្តចលភាព) ប្រាប់ពីររបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយ ឬលេងល្បែង។
បង្ហាញពីរបៀបធ្វើសកម្មភាពទៅតាមទម្រង់ផ្សេងៗនៃសកម្មភាពរួមមួយ។

(វិទ្យាសាស្រ្ត) ប្រាប់ពីទម្លាប់ល្អទាំងឡាយ មុន និងក្រោយពេលញុំាអាហារ បន្លែ ផ្លែឈើ ទឹកស្អាត  

ចូលបង្គន់អនាម័យ សម្អាតខ្លួនប្រាណ  ។

សៀវភៅ ៖ ដកស្រង់ចេញពីរឿង  “បិសាចចម្លែកតូចៗ”។

កម្រិត ៖ មធ្យម ទាប ខ្ពស់

រយៈពេល ៖ ៣០នាទី

ឧបករណ៍ ៖  ប៉ោងប៉ោង ខ្មៅដៃ ស្នប់សម្រាប់បូមប៉ោងប៉ោង ឬប្រើមាត់ក៏បានដែរ ។

ការរៀបចំ ៖ បូមប៉ោងប៉ោងឱ្យគ្រប់ចំនួនរដែលត្រូវការលេងល្បែងនេះ សម្រាប់តាមក្រុមនីមួយៗ និងបូកចូលបន្ថែមខ្លះសម្រាប់ត្រៀមទុក នៅពេលដែលពួកគេធ្វើឱ្យបែក។ គូររូបមេរោគនៅលើប៉ោងប៉ោង។

សេក្ដីណែនាំ៖ 

1. ថ្ងៃនេះអ្នកគ្រូនឹងលេងល្បែងប៉ោងប៉ោងជាមួយកូនៗទាំងអស់គ្នា។
2. បើកូនៗទាំងអស់គ្នាមិនបានលាងសម្អាតដៃឱ្យបានស្អាតក្រោយពីបានប៉ះពាល់របស់របរផ្សេងៗនោះ
   ទេ មេរោគនឹងររីករាលដាលនៅលើខ្លួនប្រាណ ដៃជើងរបស់យើង។ 
3. បង្ហាញប៉ោងប៉ោងទៅកាន់ក្មេងៗទាំងអស់ថាប៉ោងប៉ោងទាំងអស់គឺជាមេរោគ។ 
4. បង្ហាញ និងពន្យល់ពីរបៀប នៃការលេងល្បែងហ្នឹង ។

• ចំណុចសំខាន់នៅក្នុងការលេងល្បែងមួយនេះគឺ មិនឱ្យប៉ោងប៉ោង ឬ ក៏មេរោគណាមួយធ្លាក់
  ដល់ដីឡើយ។ 
• ក្មេងម្នាក់ក្នុងក្រុមនីមួយៗត្រូវបោះប៉ោងប៉ោងទៅលើមេឃបន្ទាប់មកក្មេងទាំងអស់នៅតាមក្រុម
  នីមួយៗត្រូវធ្វើយ៉ាងមិចកុំឱ្យវាធ្លាក់មកលើដីឱ្យសោះប្រើដៃវាយ ឬ ទះថ្នមៗឱ្យវាឡើងទៅលើ
  វិញ។ 
• ប្រសិនក្រុមណាធ្វើឱ្យប៉ោងប៉ោងធ្លាក់មកដល់លើដីនោះពួកគេទាំងអស់ត្រូវសម្ដែងធ្វើជាលាងសម្អាត់ដៃដើម្បីជម្រេះមេរោគចេញ។ 

5. បែងចែកក្មេងៗទៅជាក្រុមនីមួយៗនឹងប្រាប់ពួកគេថាតើ ពួកគេត្រូវលេងល្បែងនៅកន្លែងណា។ 
6. ចែកប៉ោងប៉ោងទៅកាន់ក្មេងៗទាំងអស់ ទៅតាមក្រុមនីមួយៗ ។
7. ប្រសិនបើប៉ោងប៉ោងបែក ត្រូវចែកឱ្យពួកគេបន្ថែមទៀតបាន។