< ត្រឡប់ទៅធនធានទាំងអស់

ល្បែងបត់ក្រដាសជារាងគ្រាប់ភ្នែក

15-30 នាទី

មិនកំណត់ចំនួន

៣ឆ្នាំ លើស

ខ្មៅដៃ, ខ្មៅដៃពណ៌, កន្ត្រៃ, ក្រដាសគូររូប, ប៊ិកហ្វឺត

អង្គការរុឺម៉កកង់បីសម្រាប់កុមារ

• ចិត្តចលភាព
• វិទ្យាសាស្រ្ត
• សិក្សាសង្គម

សកម្មភាព ៖ ​ល្បែងបត់ក្រដាសជារាងគ្រាប់ភ្នែក 

ចិត្តចលភាព ៖ បំណិនចលនាតូច៖ ការហ្វឹកហាត់បង្កើនកម្លាំងនិងសម្របសម្រួលរវាងចលនាសាច់ដុំដៃនិងចលនាភ្នែក៖ 
សិក្សាសង្គម ៖ គំនូរនិងសកម្មភាពកសាង៖ ការយល់ដឹងនិងការពេញចិត្តចំពោះសិល្បៈតាមរយៈការបង្កើតជារូបភាព៖

គោលបំណង៖ 
ចិត្តចលភាព ៖ វិជ្ជាសម្បទា៖ ប្រាប់បានពីរបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយឬលេងល្បែង។
សិក្សាសង្គម ៖ វិជ្ជាសម្បទា៖ បត់ក្រដាសបានជារូបភាពផ្សេងៗ៖ យន្តហោះ ទុក អាវ ភ្នែក… 
ចរិយាសម្បទា៖ រហ័សរហួន និងប្រុងប្រយ័ត្នក្នុងការការចាប់កាន់ បត់ សូន គូស ហែក កាត់ និងផាត់ពណ៌។

កម្រិតសិក្សា ៖ទាប មធ្យម និង ខ្ពស់

រយៈពេល ៖ ៣០ នាទី

ឧបករណ៍ ៖ ក្រដាស ខ្មៅដី ខ្មៅដីពណ៌ ប៊ិក កន្ត្រៃ

ការរៀបចំ ៖ ក្រដាសស ដីខ្មៅ ដីខ្មៅពណ៌ កន្រ្តៃ

សេចក្ដីណែនាំ ៖ 

1.  សួរកុមារថា តើកូនៗធ្លាប់លេងទូរសព្ទយូរៗដែរឬទេ? ធ្លាប់ 
2. កូនៗដឹងទេថា ពេលលេងទូសព្ទយូរៗអីច៊ឹងមានគ្រោះថ្នាក់អត់? អត់ 
3. ចឹងថ្ងៃនេះ គ្រូនឹងប្រាប់កូនៗថា ពេលកូនៗលេងទូរសព្ទយូរពេក វានឹងធ្វើឱ្យភ្នែករបស់កូនឡើងក្រហមខ្លាំង និងចាប់ផ្ដើមឈឺភ្នែក ពេលខ្លះអាចនឹងធ្វើឱ្យភ្នែករបស់កូនៗខ្វាក់បានទៀតណ៎។ 
4. តើកូនៗចង់លេងទូសព្ទយូរៗដែរឬទេ? អត់ទេ ព្រោះអ្វី? ខ្លាចខ្វាក់ភ្នែកអ្នកគ្រូ 
5. ឥឡូវនេះ គ្រូនឹងបង្ហាញកូនៗពីរបៀបបត់កក្រដាសជារាងគ្រាប់ភ្នែក
6. ប្រាប់ពីជំហាននៃការបត់ទៅកាន់កុមារ ឬបង្ហាញពួកគេ បន្ទាប់មកចែកក្រដាសឱ្យកុមារបត់តាមទាំងអស់គ្នា