< ត្រឡប់ទៅធនធានទាំងអស់

ល្បែងតន្រ្តីជាមួយខ្លួនប្រាណ

15-30 នាទី

មិនកំណត់ចំនួន

៣ឆ្នាំ លើស

បោះពុម្ភ សម្ភារ, គ្រាប់ឡុកឡាក់, គម្របដប

អង្គការរុឺម៉កកង់បីសម្រាប់កុមារ

• ចិត្តចលភាព
• សិក្សាសង្គម
• បុរេគណិត

សកម្មភាព ៖ ​ល្បែងតន្រ្តីជាមួយខ្លួនប្រាណ

ចិត្តចលភាព ៖ បំណិនចលនាធំ៖ ការហ្វឹកហាត់បង្កើនកម្លាំងនិងសម្របសម្រួលរវាងចលនាសាច់ដុំតូចនិងសាច់ដុំធំ
សិក្សាសង្គម ៖ ការលើកតម្កើងវប្បធម៌៖ ការលើកតម្កើងរប្បធម៌របស់ខ្លួន
បុរេគណិត ៖ ទំហំ និងពណ៌៖​ ចំណាត់ថ្នាក់ក្រុមតាមលំដាប់លំដោយ

គោលបំណង

ចិត្តចលភាព ៖ បំណិនសម្បទា៖ ដើរទប់ខ្លួនអោយមានលំនឹងលើគំនូសខ្សែ ឬកាន់វត្ថុនានានៅនឹងដៃ។ វារ លូន ប្រមៀលខ្លួន លើកន្ទេល កម្រាលឥដ្ឋ សម្បកកង់… 
សិក្សាសង្គម ៖ វិជ្ជាសម្បទា៖ ប្រាប់បានពីសម្លៀកបំពាក់ប្រពៃណី ឧបករណ៍តន្រ្តីភ្លេងខ្មែរ។ 
បុរេគណិត ៖ វិជ្ជាសម្បទា៖ ប្រាប់បានពីរបៀបរៀបវត្ថុទៅតាមលំដាប់ក្រុម​ ប្រភេទ ពណ៌និងទំហំ។  

កម្រិតសិក្សា ៖ មធ្យមនិងខ្ពស់

រយៈពេល ៖ ៣០ នាទី

ឧបករណ៍ ៖ ក្រដាសក្ដារល្បែងមួយសន្លឹកដែលមានទំហំ A3 ដែលមានរូបភាពបង្កើតភ្លេងដោយខ្លួនប្រាណដូចជា៖ ទះដៃ ១ ២ ឬ៣ដង ទះភ្លៅ ១ ២ ឬ៣ដង ទះទ្រូង ១ ២ ឬ៣ដង គោះគង្គង់ ១ ២ ឬ៣ដង ទះគូថ ១​ ២ ឬ៣ដង ខ្យល់តាមមាត់ ១ ២ ឬ៣ដង តន្ត្រំជើង ១ ២ ឬ៣ដង និងមានរូបភាពផ្កាយ (សម្រាប់ដាក់ឧបករណ៍ដែលអ្នកចង់ដាក់បន្ថែម) និងមួយទៀត កូនកាសដែលកាត់តូចៗសម្រាប់តម្រៀបពេលលេង ដែលមានរូបភាពដូចគ្នាទៅនឹងក្ដារល្បែងដែរ និងគ្រាប់ឡុកឡាក់ចំនួន និងសម្ភារសម្រាប់សម្គាល់ខ្លួនអ្នកលេងផង អាចជាដុំឈើ គម្របដងជ័រជាដើម…។ 

ការរៀបចំ ៖ ត្រៀមសម្ភារដែលត្រូវលេង សម្រាប់លេងថ្ងៃស្អែក កុំឱ្យបាត់សម្ភារណាមួយឡើយ។ 

សេចក្ដីណែនាំ ៖ 

1. ល្បែងនេះលេង១ដងបានគ្នា៣ឬ៤នាក់ ឬលើសក៏បានដែរ (ច្រើនពេក មិនសូវជាសប្បាយទេ)។ 
2. ត្រៀមសម្ភារដែលសម្រាប់ទុកលេងឱ្យបានរួចរាល់ 
3. សម្រាប់ក្រដាសក្ដារល្បែង និងកូនកាសតូចៗ ត្រូវអ៊ុតឱ្យបានស្អាតនិងរឹងមាំផងដែរ។ 
4. សួរកុមារថាស្គាល់ឧបករណ៍តន្រ្តីដែរឬទេ? មានអ្វីខ្លះ? ឱ្យកុមាររៀបរាប់បានល្អប្រសើរ។ 
5. ប្រាប់កុមារពីរៀបលេងល្បែងនេះឱ្យច្បាស់ជាមុនសិន

• ចែកកុមារជាក្រុមៗ ដែលមានសមាជិក៣ទៅ៤នាក់ ឬលើសពីនេះ (លេងម្ដងមួយឬពីរក្រុមក៏បានដែរ ចំណាយសម្ភារតិច)
• ក្រុមនីមួយៗទទួលបានសម្ភារលេងល្បែង១ឈុត ក្រដាសក្ដារល្បែង២សន្លឹក កូនកាសមួយឈុត គ្រាប់ឡុកឡាក់ចំនួន១គ្រាប់ សម្ភារសម្គាល់ខ្លួនកុមារតាមចំនួនសមាជិកតាមក្រុមនីមួយៗ។
• នៅពេលលេងល្បែងនេះ តាមក្រុមនីមួយៗ ដាក់ក្រដាសក្ដារល្បែង  និងតម្រៀបកូនកាសរូបភាពតាមរូបភាពដូចគ្នា និងចំនួនដងដូចគ្នាដែរ ព្រោះនៅលើកូនកាសនីមួយៗមានរូបភាពនិងមានចំនួនដងនៅលើហ្នឹងដែរ (សូមពិនិត្យវាឱ្យច្បាស់និងពន្យក់កុមារឱ្យច្បាស់លើចំណុចនេះដែរ)។ កុមារម្នាក់ៗក្នុងក្រុមត្រូវជ្រើសរើសសម្ភារខ្លួនម្នាក់១ៗជាមុនសិនដែរ និងត្រៀមគ្រាប់ឡុកឡាក់
• សមាជិកក្រុមត្រូវរកអ្នកដែលចាប់លេងមុន មានន័យថា អ្នកដែលរមៀលគ្រាប់ឡុកឡាក់មុន 
• កុមារទី១ដើរដល់រូបភាពណាមួយ ដូចជា (ទះទ្រូង ២ដង) គាត់ត្រូវយកកូនកាសទះទ្រូង ២ដង តម្រៀបនៅកន្លែមួយផ្សេងទៀត បន្ទាប់មក ធ្វើសំឡេងទះទ្រូងចំនួន២ដង 
• កុមារបន្ទាប់ រមៀលគ្រាប់ឡុកឡាក់ម្ដង ហើយដើរដល់ប្រអប់ដែលមានកូនកាសរូបទះភ្លៅ៣ដង កុមារត្រូវយកកូនកាសរូបភាពទះភ្លៅ៣ដង មកដាក់តម្រៀបនៅបន្ទាប់គ្នានឹងកូនកាសកុមារទី១ បន្ទាប់មក កុមារទី២ ទះភ្លៅ៣ដងដូចកូនកាសដែលខ្លួនទទួលបាន។ 
• កុមារទី៣ម្ដង ធ្វើដូចគ្នាដែរ។ 
• ក្នុងហ្នឹងដែរ មានករណីពិសេសមួយនៅលើក្ដារល្បែង គឺរូប ផ្កាយពណ៌លឿង ពួកគេអាចជ្រើសរើសកូនកាសរូបឧបករណ៍តន្រ្តីណាមួយក៏បានដែរតាមចិត្តរបស់ពួកគេ ដាក់បន្ទាប់ពីកូនកាសដែលសមាជិករបស់ពួកគេបានដាក់នោះ រួចធ្វើកាយវិការនិងសំឡេងតាមឧបករណ៍ភ្លេងនោះ 
• ធ្វើបែបនេះរហូតវិលជុំទៅវិញទៅមកជាការស្រេចតែម្ដង។ 
• ក្នុងចំណោមកុមារទាំងអស់ក្នុងក្រុមនីមួយៗបើមានកុមារណាម្នាក់ដើរទៅដល់ប្រអប់ដែលមានពាក្យថា បញ្ចប់ ឬចុងក្រោយគេ កុមារទាំងអស់ត្រូវឈប់លេង បន្ទាប់មក ពួកគេត្រួវធ្វើសំឡេងតាមកូនកាសរូបភាពដែលពួកគេបានតម្រៀបគ្នាមុនហ្នឹង ឱ្យបានស្រុះគ្នាជាការស្រេច។ 
• បន្ទាប់មក គ្រូអាចផ្លាស់ប្ដូរក្រុមផ្សេងលេងម្ដងបាន។ 

ការប្រែប្រួល៖ 

1. ល្បែងនេះអាចលេងបែបណាក៏បានដែរ ខាងលើនេះគ្រាន់តែជាការលេងបែបមួយប្រភេទទេ តែបើអ្នកមានគំនិតផ្សេងទៀតកាន់តែល្អ។ 
2. ដូចជាល្បែងនេះអាចលេងបែបនេះក៏បានគឺ នៅពេលដែលកុមារក្នុងក្រុមនីមួយៗ ដាក់កូនកាសមួយ ធ្វើតាមរូបភាពកូនកាស និងកុមារបន្ទាប់ដាក់កូនកាសបន្ទាប់គ្នា រួចធ្វើតាមកូនកាសរបស់គេផង និងរបស់ខ្លួនឯងផង គ្រាន់តែប្រើពេលច្រើនបន្តិច។ តែនេះគ្រាន់តែជាឧទាហរណ៍តែប៉ុណ្ណោះ។