< ត្រឡប់ទៅធនធានទាំងអស់
ល្បែងបង្កើតស្គរ
-
ចិត្តចលភាព -
សិក្សាសង្គម -
ភាសាខ្មែរ
សកម្មភាព ៖ ល្បែងបង្កើតស្គរ
ចិត្តចលភាព ៖ បំណិនចលនាតូច៖ ការហ្វឹកហាត់បង្កើនកម្លាំងនិងសម្របសម្រួលរវាងចលនាសាច់ដុំដៃនិងសាច់ដុំភ្នែក
សិក្សាសង្គម ៖ ចម្រៀង និងតន្ដ្រី៖ ចំណេះដឹងបច្ចេកទេស ចលនា ការច្នៃប្រឌិតនិងបទពិសោធន៍ផ្នែកតន្រ្តី
៖ ការយល់ដឹងនិងការពេញចិត្តចំពោះសិល្បៈតាមរយការបង្កើតរូបភាព៖
៖ គំនូរនិងសកម្មភាពកសាង៖ ការយល់ដឹងនិងការពេញចិត្តចំពោះសិល្បៈតាមរយៈការបង្កើតរូបភាព៖
ភាសាខ្មែរ ៖ ការស្គាល់តួអក្សរ៖ ការយល់ដឹងអំពីភាពខុសគ្នានៃសូរសំឡេង
គោលបំណង
ចិត្តចលភាព ៖ បំណិនសម្បទា៖ ប្រាប់បានពីរបៀបធ្វើចលនាដៃដោយការទប់លំនឹង និងសម្របសម្រួលទៅនឹងភ្នែកក្នុងពេលធ្វើអ្វីមួយ ឬលេងល្បែងអ្វីមួយ។
សិក្សាសង្គម ៖ វិជ្ជាសម្បទា៖ ប្រាប់បានពីការទះដៃបន្ទរ ឬគោះសម្ភារនានា តាមចង្វាក់ភ្លេង។
បំណិនសម្បទា៖ ទះដៃបន្ទរ គោះសម្ភារនានាតាមចង្វាក់ភ្លេង។
៖ វិជ្ជាសម្បទា៖ ប្រាប់បានពីរបៀបបត់ រោយ ដេរ ត្បាញ សូនរូប គូរ ផាត់ពណ៌ ហែក កាត់ បិទបត់… ដើម្បីបង្កើតជារូបភាពផ្សេងៗ។
ភាសាខ្មែរ ៖ វិជ្ជាសម្បទា៖ប្រាប់បានពីសូរសំឡេងសត្វឬវត្ថុនានានៅក្នុងបរិស្ថាន
បំណិនសម្បទា៖ បង្ហាញពីភាពខុសគ្នានៃសូរសំឡេង
កម្រិតសិក្សា ៖ ទាប មធ្យមនិងខ្ពស់
រយៈពេល ៖ ៣០ នាទី
ឧបករណ៍ ៖ កាំភ្លើងបាញ់កាវ ហ្វឺត កាំបិតមុត ឈើឬចង្កឹះ២ ប្រអប់កេសនិងកំប៉ុង៣ (កំប៉ុងប្រភេទបែបណាក៏បានដែរ)
ការរៀបចំ ៖ បង្កើតជាស្គរនេះមួយឈុតសម្រាប់បង្ហាញទៅកាន់កុមារ មុននឹងឱ្យកុមារចាប់ផ្ដើមលេង ឬបង្កើត។
សេចក្ដីណែនាំ ៖
- ដំបូងសួរកុមារពីឧបករណ៍តន្រ្តីជាមុនសិន ថាតើកុមារស្គាល់វាបានប៉ុន្មាន? តើកូនស្គាល់ស្គរដែរឬទេ? តើកូនៗចង់បង្កើតឬធ្វើស្គរដែរឬទេ?
- ប្រាប់កុមារថា ថ្ងៃនេះយើងនឹងទៅបង្កើតស្គរទាំងអស់គ្នា។
- ចាប់ផ្ដើមប្រាប់កុមារពីរបៀបបង្កើតស្គរឱ្យបានត្រឹមត្រូវទៅកាន់កុមារ
- ប្រើប្រអប់កេសមួយ
- យកកំប៉ុងដាក់ជាបីជ្រុង ជាត្រីកោណ
- គូរតាមរាងកំប៉ុងដែលបានដាក់ តែពាក់កណ្ដាល
- ប្រើកាំបិតស្រួចកាត់តាមស្នាមដែលបានគូស។ បញ្ជាក់៖ ចោះវារួច មិនត្រូវកាត់វាចោលទេ
- បន្ទាប់ពីបានចោះវារួចបាន៣កន្លែង ដាក់កំប៉ុងទាំង៣ទៅក្នុងរន្ធដែលបានចោះនិងដាក់រៀងផ្ដេក ឬបញ្ឆិតបន្តិច ដូចក្នុងរូបភាព។
- បន្ទាប់មក ប្រើកាំភ្លើងបាញ់កាវ បិទវាឱ្យជាប់ល្អកុំឱ្យវារបូតមកវិញ
- បិទបែបនេះរហូតទាំង៣កំប៉ុងហ្នឹងតែម្ដង ជាការស្រេច។
- ប្រើឈើចង្កឹះសម្រាប់វាយស្គរដែលបានបង្កើតនោះ។
- ល្បែងសកម្មភាពនេះ បន្ទាប់ពីបង្កើតវារួច ឱ្យកុមារលេងដោយវាយស្គរម្នាក់ម្ដងបានយើងសប្បាយរីករាយ។