< ត្រឡប់ទៅធនធានទាំងអស់
ល្បែងបង្កើតដើមឈើរបស់ខ្ញុំ
-
ចិត្តចលភាព -
វិទ្យាសាស្រ្ត -
សិក្សាសង្គម -
បុរេគណិត -
ភាសាខ្មែរ
សកម្មភាព ៖ ល្បែងបង្កើតដើមឈើរ
ចិត្តចលភាព ៖ បំណិនចលនាតូច៖ ការហ្រឹកហាត់ បង្កើនកម្លាំង និងសម្របសម្រួលរវាងចលនាសាច់ដុំដៃនិសាច់ដុំភ្នែក៖
វិទ្យាសាស្រ្ត ៖ បំណិនអនាម័យ៖ ទម្លាប់រស់នៅមានអនាម័យក្នុងគ្រួសារនិងសង្កម៖
សិក្សាសង្កម ៖ បំណិនក្នុងសង្គម៖ ការយល់ដឹងអំពីបរិស្ថានធម្មជាតិនិងវិធីការពារ៖
គំនូរនិងសកម្មភាពកសាង៖ ការយល់ដឹងនិងការពេញចិត្តចំពោះសិល្បៈការរយៈការបង្កើតរូបភាព៖
បុរេគណិត ៖ បរិមាណនិងចំនួន៖ ស្គាល់នឹងយល់លេខតាងនិងការគណនាលេខសាមញ្ញ៖
ទំហំនិងពណ៌៖ ចំណាត់ថា្នក់ក្រុមនិងលំដាប់លំដោយ៖
ភាសាខ្មែរ ៖ ការប្រើពាក្យតាមវេយ្យករណ៍៖ ការយល់ពីវាក្យស័ព្ទ ឃ្លា និងល្បះ៖
គោលបំណង
ចិត្តចលភាព ៖ វិជ្ជាសម្បទា៖ កំណត់ចំណុចគោលដៅនៃចលនាដៃដោយការទប់លំនឹងនិងសម្របសម្រួលទោនឹងងភ្នែកក្នុងពេលធ្វើអ្វីមួយឬលេង ល្បែងបានរឹងមាំល្អ។
វិទ្យាសាស្រ្ត ៖ បំណិនសម្បទា៖ ចោលសំរាមនៅក្នុងធុងសំរាមឱ្យបានត្រឹមត្រូវ
សិក្សាសង្កម ៖ បំណិនសម្បទា៖ ជួយសម្អាតបរិស្ថាន ដូចជាការបោសសំរាម និងមិនបន្ទោរបង់ផ្ដេសផ្ដាសជាដើម។
វិជ្ជាសម្បទា៖ ប្រាប់បានពីរបៀបបត់ រោយ ដេរ ត្បាញ សូនរូប គូរ ផាត់ពណ៌ ហែក កាត់ បិទ បត់… ដើម្បីបង្កើតជារូបភាពផ្សេងៗបាន។
បុរេគណិត ៖ បំណិនសម្បទា៖ រាប់ចំនួនលេខ និងយល់ន័យពី១ដល់៣០ឬលើសពីនេះ។
បំណិនសម្បទា៖ រៀបវត្ថុតាមលំដាប់ក្រុម ប្រភេទ ទំហំ និងពណ៌។
ភាសាខ្មែរ ៖ វិជ្ជាសម្បទា៖ ប្រាប់ពីពាក្យ ឃ្លា ឬល្បះ ឱ្យបានត្រឹមត្រូវទៅតាមស្ថានភាព មនុស្សធំដែលមានចំនួនពី៥ទៅ៦ព្យាង្គឬលើសពីនេះ។
កម្រិតសិក្សា ៖ ទាប មធ្យម និងខ្ពស់
រយៈពេល ៖ ៣០ នាទី
ឧបករណ៍ ៖ ហ្វ្រឺត ដីខ្មៅ ដីខ្មៅពណ៌ បន្ទាត់ ក្រដាសពណ៌ ក្រដាសស កន្រ្តៃ កាវស្អិត (ក្រដាសអាចប្រើក្រដាសដែលសល់ពីគេប្រើរួចក៏បានដែរ)
ការរៀបចំ ៖ បង្កើតជាដើមឈើឱ្យបាន២ប្រភេទ សម្រាប់បង្ហាញកុមារ មុននឹងឱ្យកុមារធ្វើដោយខ្លួនឯង។
សេចក្ដីណែនាំ៖
- សួរកុមារថាស្គាល់ដើមឈើអត់?
- តើដើមឈើមានពណ៌អ្វី? ស្លឹកវាមានពណ៌អ្វី?
- ប្រាប់កុមារថា ពួកគេនឹងទៅធ្វើជាដើមឈើរបស់ខ្លួនបានម្នាក់១ដើម ក្នុងពេលបន្តិចទៀតនេះ។
- គ្រូបង្ហាញដើមឈើដែលបានធ្វើរួចទៅកាន់កុមារទាំងអស់គ្នាសិន
- ចាប់ផ្ដើមឱ្យកុមារបង្កើត ប្រាបពីរបៀបធ្វើទៅកាន់ទាំងអស់គ្នាជាមុនសិន៖
សម្រាប់កុមារដែលមានអាយុ៥ឆ្នាំ
- ដំបូងត្រូវគូររូបដើមឈើក្នុងលើក្រដាសរាមពណ៌ស ជារាងដើមឈើ និងផាត់ពណ៌ផង តែមិនទាន់ដាក់ស្លឹកទេ
- បន្ទាប់មកទៀត គូរស្លឹកឈើនៅលើក្រដាសរាមពណ៌បៃតង
- រូបដើមឈើដែលបានគូររួចមុនហ្នឹង ត្រូវកាត់វាតាមរាងដែលបានគូរនោះ
- បន្ទាប់មក យកមកបិទនៅលើក្រដាសរាមសមួយផ្សេងទៀត ដែលប្រើកាវស្អិត
- បិទស្លឹកផង ឱ្យបានស្អាតជាកាស្រេច
សម្រាប់កុមារដែលមានអាយុ៤ឆ្នាំ
- គូររូបម្រាមដៃ និងកាត់ផាត់ពណ៌ឱ្យបានស្អាត
- កាត់ក្រដាសពណ៌បៃតងជារាងការ៉េ ល្មមនឹងចុងម្រាមដៃដែលបានគូរមុនហ្នឹង
- បន្ទាប់មក ក្រដាសបៃតងត្រូវបិទនៅចុងម្រាមដៃដោយប្រើកាវស្អិត ឱ្យបានស្អាតជាការស្រេច។
- ល្បែងនេះ គ្រាន់តែលេងប៉ុណ្ណឹងជាការស្រេច