< ត្រឡប់ទៅធនធានទាំងអស់
ល្បែងបង្កើតហ្គីតា
-
ចិត្តចលភាព -
សិក្សាសង្គម -
ភាសាខ្មែរ
សកម្មភាព ៖ ល្បែងបង្កើតហ្គីតា
ចិត្តចលភាព ៖ បំណិនចលនាតូច៖ ការហ្វឹកហាត់បង្កើនកម្លាំងនិងសម្របសម្រួលរវាងចលនាសាច់ដុំដៃនិងសាច់ដុំភ្នែក
សិក្សាសង្គម ៖ ចម្រៀងនិងតន្ដ្រី៖ ចំណេះដឹងបច្ចេកទេស ចលនា ការច្នៃប្រឌិតនិងបទពិសោធន៍ផ្នែកតន្រ្តី
៖ ការយល់ដឹងនិងការពេញចិត្តចំពោះសិល្បៈតាមរយការបង្កើតរូបភាព
៖ គំនូរនិងសកម្មភាពកសាង៖ ការយល់ដឹងនិងការពេញចិត្តចំពោះសិល្បៈតាមរយៈការបង្កើតរូបភាព
ភាសាខ្មែរ ៖ ការស្គាល់តួអក្សរ៖ ការយល់ដឹងអំពីភាពខុសគ្នានៃសូរសំឡេង
គោលបំណង
ចិត្តចលភាព ៖ បំណិនសម្បទា៖ ប្រាប់បានពីរបៀបធ្វើចលនាដៃដោយការទប់លំនឹង និងសម្របសម្រួលទៅនឹងភ្នែកក្នុងពេលធ្វើអ្វីមួយ ឬលេងល្បែងអ្វីមួយ។
សិក្សាសង្គម ៖ វិជ្ជាសម្បទា៖ ប្រាប់បានពីការទះដៃបន្ទរ ឬគោះសម្ភារនានា តាមចង្វាក់ភ្លេង។
បំណិនសម្បទា៖ ទះដៃបន្ទរ គោះសម្ភារនានាតាមចង្វាក់ភ្លេង។
វិជ្ជាសម្បទា៖ ប្រាប់បានពីរបៀបបត់ រោយ ដេរ ត្បាញ សូនរូប គូរ ផាត់ពណ៌ ហែក កាត់ បិទបត់ ដើម្បីបង្កើតជារូបភាពផ្សេងៗ។
ភាសាខ្មែរ ៖ វិជ្ជាសម្បទា៖ប្រាប់បានពីសូរសំឡេងសត្វឬវត្ថុនានានៅក្នុងបរិស្ថាន
បំណិនសម្បទា៖ បង្ហាញពីភាពខុសគ្នានៃសូរសំឡេង
កម្រិតសិក្សា ៖ ទាប មធ្យមនិងខ្ពស់
រយៈពេល ៖ ៣០ នាទី
ឧបករណ៍ ៖ សម្ភារដែលត្រូវត្រៀមមាន៖ ដបទឹកសុទ្ធធំ ក្បាលមាន់ចោះរន្ធ ហ្វឺត កាំបិត ចង្កឹះ ខ្សែ កន្ត្រៃ
ការរៀបចំ ៖ បង្កើតជាហ្គីតាមួយសម្រាប់បង្ហាញទៅកាន់កុមារ មុននឹងឱ្យកុមារចាប់ផ្ដើមលេង ឬបង្កើត នៅក្នុងថ្នាក់ទាំងអស់គ្នា។
សេចក្ដីណែនាំ ៖
- ដំបូងសួរកុមារពីឧបករណ៍តន្រ្តីជាមុនសិន ថាតើកុមារស្គាល់វាបានប៉ុន្មាន? តើកូនៗស្គាល់ហ្គីតាដែរឬទេ?
- ប្រាប់កុមារទាំងអស់ថា ថ្ងៃនេះពួកយើងនឹងបង្កើតឧបករណ៍តន្ត្រីមួយដែលមានឈ្មោះថា ហ្គីតា។
- ចាប់ផ្ដើមប្រាប់កុមារពីរបៀបនៃការធ្វើហ្គីតាដោយខ្លួនឯង
- យកដបទឹកសុទ្ធមួយ ប្រើហ្វឺតគូរទំហំនៅលើដបសម្រាប់កាត់ឱ្យបានស្អាត
- កាត់វាតាមអ្វីដែលបានគូរ (អាចប្រើកន្រ្តៃ ឬអ្វីក៏បានដែរដែលអាចកាត់បាន)។
- ប្រើក្បាលមាន់ ឬឧបករណ៍មុតស្រួច ចោះវាទាំងក្បាលទាំងគូទរបស់ដប
- កាត់ឈើចង្កឹះ ២ប្រវែង មានខ្លីនិងវែង
- ប្រើខ្សែអំបោះចងឈើចង្កឹះវែងមួយសិន
- ស៊កខ្សែចូលទៅក្នុងរន្ធពីក្បាលដបនិងគូទដប
- ចងជាមួយឈើចង្កឹះខ្លីមួយទៀត (តែបញ្ជាក់ ចងកុំសូវតឹងពេក)
- យើងអាចរឹតវាឱ្យតឹងបាន (ដើម្បីប្ដូរសំឡេង ទៅតាមកម្រិតតឹង ឬធូររបស់ខ្សែដែរ)
- នេះជាការលេងសាកល្បង បន្ទាប់ពីបានបង្កើតវារួចរាល់។
- ហ្គីតានេះ វានឹងផ្លាស់ប្ដូរសំឡេងនៅពេលដែលយើងបានរឹតវា ឬបន្ធូរវាផងដែរ។
- ការបង្កើតហ្គីតានេះ វាមិនមែនជាការបង្កើតឱ្យដូចជារបស់ពិតនោះទេ គ្រាន់តែប្រដៀង និងអាចលេងបានតែប៉ុណ្ណោះ។
- អ្នកអាចបង្កើតដោយប្រើដបទឹកសុទ្ធនិងសម្ភារផ្សេងៗទៀតក៏បានដែរ សម្ភារដែលអ្នកអាចឬងាយនឹងរកបានផងដែរ។