< ត្រឡប់ទៅធនធានទាំងអស់

ល្បែងការងារមួយណាដែលខ្ញុំធ្វើ?

20-30 នាទី

មិនកំណត់ចំនួន

៣ឆ្នាំ លើស

មិនត្រូវការសម្ភារ

អង្គការរ៉ឺម៉កកង់បីសម្រាប់កុមារ

• ភាសាខ្មែរ

សកម្មភាព ៖ ល្បែងការងារមួយណាដែលខ្ញុំធ្វើ?

ភាសាខ្មែរ​
ស្តាប់ (ស្តាប់គេនិយាយ និងមានសម្ថភាពស្តាប់ដោយធ្វើតាម)
បំណិនក្នុងសង្គម (ចំណេះដឹងអំពីសហគមន៍)

គោលបំណង ៖
(ភាសាខ្មែរ​) ប្រាប់បានខ្លះពីដំណើររឿង តាមរយះការសរសេរពាក្យដាក់លើក្តាខៀនដែលបានបង្ហាញ ឬ សួរសំណួរ។
ប្រាប់ពីសកម្មភាពតាមដំណាក់កាលដោយអនុវត្តតាមការណែនាំ។
ប្រាប់ពីឈ្មោះសម្ភារតាមមុខរបរ ឬការងារ។
ប្រាប់ពីឈ្មោះ និងមុខងារទីកន្លែងសំខាន់ៗ។

កម្រិតសិក្សា ៖ ទាប មធ្យម ខ្ពស់

រយៈពេល ៖ ៣០ នាទី 

ឧបករណ៍ ៖ គ្មាន (ប្រើរូបភាពទាំងនេះក៏បាន)

ការរៀបចំ ៖ គ្មាន

 
សេក្ដីណែនាំ៖

1. សួរសំណួរទៅក្មេងៗ រួចសរសេរពាក្យដែលជាចម្លើយក្មេងៗនៅលើក្តាខៀន ។

តើអ្នកធ្វើការនៅសាលារៀនត្រូវបានគេហៅថាអ្វី?
ចម្លើយ៖ គ្រូបង្រៀន
តើគ្រូបង្រៀនប្រើឧបករណ៍អ្វីខ្លះនៅពេលបង្រៀន?
ចម្លើយ៖ សម្ភារឧបទេស ប៊ិច សៀវភៅពុម្ភ បន្ទាត់ រូបភាព ដីស ប៊ិចហ្វឺត ក្រដាស ។
តើគ្រូបង្រៀនធ្វើការនៅកន្លែងណា? 
ចម្លើយ៖ សាលារៀន

2.  ផ្ដល់ឧទាហរណ៍ ២ ឬ ៣ ដើម្បីឱ្យក្មេងៗទាយការងារដែលអ្នកកំពុងពិពណ៌នា។
   ឧទាហរណ៍៖ ខ្ញុំបានដេរអាវសិស្សសាលា។ តើនេះជាការងាអ្វី? (ចម្លើយ៖ជាងកាត់ដេរ)
3. សួរក្មេងៗថា៖តើកូនៗណាអាចពិពណ៌នាអំពីរការងារបានដែរឬទេ? ពិពណ៌នាដូចអ្នកគ្រូ។

4. សម្រាប់ក្មេងៗណាដែលជ្រើសរើសការងារដូចគ្នា ត្រូវលើកចិត្តឱ្យក្មេងនោះពិពណ៌នាទៅតាមវិធីផ្សេងៗគ្នា។ឧទាហរណ៍. កុមារ ២នាក់ជ្រើសរើសការងារដូចគ្នាម្នាក់អាចពិពណ៌នាអំពីកន្លែងធ្វើការ ហើយម្នាក់
   ទៀតអាចពិពណ៌នាអំពីឧបករណ៍ដែលប្រើនៅកន្លែងធ្វើការក៏បានដែរ។