< ត្រឡប់ទៅធនធានទាំងអស់
លាយពណ៌ធ្វើជាសត្វមេអំពៅ
-
ចិត្តចលភាព -
វិទ្យាសាស្រ្ត -
សិក្សាសង្គម -
បុរេគណិត
សកម្មភាព៖ ល្បែងលាយពណ៌ធ្វើជាសត្វមេអំបៅ
ចិត្តចលភាព
បំណិនចលកតូច (ការហ្វឹកហាត់បង្កើនកម្លាំង សម្របសម្រួលសាច់ដុំដៃ និងភ្នែកសាច់ដុំភ្នែក)។
វិទ្យាសាស្ត្រ
ការរស់នៅប្រចាំងថ្ងៃ (ការស្វែងយល់ដោយសង្កេត)
បំណិនពិចារណា (ការយល់ដឹងអំពីហេតុ និងផល)
សិក្សាសង្គម
គំនូរ និងសកម្មភាពកសាង (ការយល់ដឹង និងការពេញចិត្តចំពោះសិល្បៈតាមរយះការបង្កើតរូបភាព)
បុរេគណិត
ទំហំ និងពណ៌ (ចំណាត់ក្រុម និងលំដាប់លំដោយ)។
គោលបំណង ៖
(ចិត្តចលភាព) ប្រាប់ពីររបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយ ឬ លេងល្បែង។
(វិទ្យាសាស្រ្ត) ប្រាប់បានពីរបៀបនៃការពិសោធន៍។ លក្ខណៈ ស្ថានភាពវត្ថុអ្វីមួយ។
(សិក្សាសង្គម) ផាត់ពណ៌ដើម្បីបង្កើតជារូបភាពផ្សេងៗ និងបង្ហាញពីអ្វីដែលគេបានបង្កើត។
(បុរេគណិត) ប្រាប់បានពីរបៀបរៀបវត្ថុតាមលំដាប់ក្រុម ប្រភេទ ទំហំ និងពណ៌។
កម្រិតសិក្សា ៖ ទាប មធ្យម ខ្ពស់។
សៀវភៅ ៖ ដកស្រង់ចេញពីរឿង “តើនរណាជាអ្នកលាបពណ៌មេឃ?” ។
រយៈពេល ៖ ៣០ នាទី
ឧបករណ៍ ៖ ទឹកពណ៌ក្រហម លឿង ខៀវ និងក្រដាសស ។
ការរៀបចំ ៖ អនុវត្តបង្កើតជាសត្វមេអំបៅ និងរៀបចំដើម្បីបង្ហាញសកម្មភាពនេះទៅកាន់ក្មេង
ទាំងអស់។
សេចក្ដីណែនាំ៖
- ថ្ងៃនេះអ្នកគ្រូនឹងលេងល្បែងលាយពណ៌ធ្វើជាសត្វមេអំបៅ ជាមួយកូនៗទាំងអស់គ្នា។
- បង្ហាញក្មេងៗអំពីទឹកពណ៌សម្រាប់បង្កើតជាសត្វមេអំបៅ។
- ហើយសរសេរពណ៌នៅលើក្ដារខៀនទាំងអស់ក្រោយពេលបង្ហាញរួច។
- សួរក្មេងៗថា៖ តើពណ៌មួយណាដែលកូនៗចូលចិត្ត?
- ពន្យល់ថាពណ៌ក្រហម ពណ៌លឿង និងពណ៌ខៀវ គឺជាពណ៌ដើមគេ។
- គ្មានពណ៌ណាផ្សេងទៀតដែលអាចលាយចេញជាពណ៌ក្រហម លឿង និងពណ៌ខៀវនោះទេ។
- ប្រាប់ក្មេងៗ៖ តែពណ៌ទាំង ៣នេះអាចបង្កើតទៅជាពណ៌ផ្សេងៗបានទាំងអស់។
- សួរក្មេងៗថា៖ តើកូនៗគិតយ៉ាងណានៅពេល ដែលលាយពណ៌ក្រហម និងលឿងចូលគ្នា?
តើកូនៗគិតយ៉ាងណានៅពេល ដែលលាយពណ៌ខៀវ និងលឿងចូលគ្នា?
តើកូនៗគិតយ៉ាងណានៅពេល ដែលលាយពណ៌ខៀវ និងក្រហមចូលគ្នា?
- ចំណែកឯពណ៌ទឹកក្រូច បៃតង និងពណ៌ស្វាយគឺជាពណ៌មេបន្ទាប់ពណ៌ទាំង ៣ខាងលើ។
- ចែកក្រដាសធម្មតា និងបង្ហាញក្មេងៗពីរបៀបបត់ក្រដាសជាពីរស្មើគ្នា ។
- បង្ហាញពួកគេពីរបៀបធ្វើសកម្មភាពនេះឱ្យក្មេងៗមើលផ្ទាល់៖
- បត់ក្រដាសជាពីរស្មើគ្នា ។
- លាតក្រដាស រួចពង្រាយទឹកពណ៌ដែលមានផ្សេងៗពីគ្នាដូចជាដំណក់ទឹកភ្លៀង នៅផ្នែកទាំងពីរនៃក្រដាសនោះ (វាគួតែពង្រាយទឹកពណ៌គ្រប់គ្រាន់ដើម្បីបង្កើតជាមេអំបៅ)… តែកុំពង្រាយទឹកពណ៌ច្រើន
ពេក កុំឱ្យពេលយើងបត់ក្រដាសម្ដងទៀត វាហូរទឹកពណ៌ចេញមកក្រៅ។ - បត់ក្រដាសជាពីរស្មើគ្នាម្ដងទៀត និងសង្កត់ពីលើក្រដាសនោះ ដើម្បីឱ្យទឹកពណ៌ជាប់ពេញក្រដាស។
- បើកក្រដាសម្ដងទៀត ដើម្បីបានឃើញគំរូរ និងពណ៌ដែលអ្នកបានបង្កើតនោះ។
- ទុកឱ្យវាស្ងួតសិន។
- បត់វាម្ដងទៀត និងកាត់ក្រដាសជារាងសត្វមរអំបៅ។
- ចែកចាយទឹកពណ៌។
- ជួយក្មេងៗប្រសិនបើអាចទៅរួច។
- ចែកក្រដាសធម្មតាឱ្យទៅក្មេងៗមួយទៀត ដូច្នេះពួកគេអាចលាយពណ៌ផ្សេងៗទៀត។
- ខណៈពេលដែលពួកគេកំពុងរងចាំឱ្យក្រដាសរបស់ពួកគេស្ងួតនោះ។
ចូរនិយាយាអំពីពណ៌ដែលពួកគេបានបង្កើត និងនិយាយម្ដងទៀតថា ពណ៌ក្រហម ពណ៌លឿង និងពណ៌ខៀវគឺជាពណ៌ដើមពីព្រោះថាគ្មានពណ៌ណាដែលអាចបង្កើតបានជាពណ៌ទាំងបីនេះទេ។
- ហើយពណ៌បែតង ពណ៌ទឹកក្រូច និងពណ៌ស្វាយ គឺជាពណ៌បន្ទាប់ពីពណ៌ទាំង៣ខាងលើពីព្រោះ
ពណ៌ទាំងនេះបានបង្កើតដោយលាយពណ៌ដើម ពីរពណ៌ចូលគ្នា។ - នៅពេលដែលទឹកពណ៌ស្ងួតហើយនោះក្មេងៗអាចកាត់ ឬ ហែកវាជារាងមេអំបៅបានជាការស្រេច
