< ត្រឡប់ទៅធនធានទាំងអស់
ល្បែងហុចបាល់បន្តគ្នា
-
ចិត្តចលភាព -
សិក្សាសង្គម -
ភាសាខ្មែរ
សកម្មភាព៖ ល្បែងហុចបាល់បន្តគ្នា
ចិត្តចលភាព
បំណិនចលកតូច (ការហ្វឹកហាត់បង្កើនកម្លាំង សម្របសម្រួលសាច់ដុំដៃ និងភ្នែកសាច់ដុំភ្នែក)។
បំណិនចលកធំ (ការហ្វឹកហាត់បង្កើនកម្លាំង សម្របសម្រួលសាច់ដុំតូច និងសាច់ដុំធំ)។
សិក្សាសង្គម
ការយល់ដឹងពីតម្លៃមនុស្ស (កម្លាំងនិងការយល់ដឹងនិងចរិកលក្ខណៈមនុស្ស)
ភាសាខ្មែរ
ការយល់ដឹងពីភាសាដទៃ (ការយល់ដឹងការប្រើភាសាខុសគ្នាសម្រាប់ប្រាស្រ័យទាក់ទងគ្នាក្រៅពីភាសាផ្ទាល់ខ្លួន)
ការសន្ទនា (សន្ទនាដោយប្រើពាក្យ ឬ ឃ្លាត្រូវតាមវ័យ ភាសាបង្ហាញអារម្មណ៍ និងមនោសញ្ចេតនា)
គោលបំណង ៖
(ចិត្តចលភាព) ប្រាប់ពីររបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយ ឬលេងល្បែង។
បង្ហាញពីរបៀបធ្វើសកម្មភាពទៅតាមទម្រង់ផ្សេងៗនៃសកម្មភាពរួមមួយ។
(សិក្សាសង្គម) ប្រាប់បានពីការគោរពចាស់ទុំ។
(ភាសាខ្មែរ) ប្រាប់បាននៅឈ្មោះភាសាផ្សេងៗគ្នាដែលគេកំពុងនិយាយក្រៅពីភាសាកំណើតរបស់ខ្លួន។
ប្រាប់បានព័ត៌មានផ្ទាល់ខ្លួន ឬ ព្រឹត្តិការណ៍ផ្សេងៗដែលបានជួបតាមលំដាប់លំដោយនៃសាច់រឿង។
សួរសំណួរនិងទទួលព័ត៌មានត្រលប់មកវិញ។
រយៈពេល ៖ ១០ ទៅ១៥ នាទី
ឧបករណ៍ ៖ បាល់២-៣គ្រាប់(បាល់១សម្រាប់ក្មេង១០នាក់) បទចម្រៀង និងបាសសម្រាប់ចាក់បទចម្រៀង ។
ការរៀបចំ ៖ រៀបចំសំណួរ។ ឧទាំហរណ៍…
១.សួស្ដី តើអ្នកសុខសប្បាយដែរឬទេ? – បាទ ខ្ញុំសុខសប្បាយទេ។
២.សួស្ដី! តើអ្នកឈ្មោះអ្វីដែរ? – បាទ ខ្ញុំឈ្មោះ….
៣.ជម្រាបលា! ជួបគ្នាពេលក្រោយ! – ជម្រាបលា! ជួបគ្នាពេលក្រោយ! (រីករាយដែលបានស្គាល់អ្នក ប្រសិនបើមាន)
សេចក្ដីណែនាំ៖
- និយាយថា៖ថ្ងៃនេះអ្នកគ្រូនឹងលេងល្បែងហុចបាល់បន្តគ្នា។
- ឱ្យក្មេងឈរជារង្វង់ចំណែកអ្នកគ្រូត្រូវឈរនៅខាងក្នុងរង្វង់។
- អ្នកគ្រូត្រូវចាំត្រៀមចាក់បទភ្លេង ដើម្បីចាំមើល តើនរណាជាអ្នកទទួលបាល់ចុងក្រោយ?។
- ជ្រើសរើសក្មេងម្នាក់កាន់បាល់ដំបូងរួចហុចឱ្យអ្នកបន្ទាប់ពីម្នាក់ទៅម្នាក់ទៀតបន្តគ្នាឱ្យជុំវិញរង្វង់ រហូត អ្នកគ្រូបិទបទភ្លេង។
- ឯអ្នកទទួលបាល់ចុងក្រោយបន្ទាប់ពីបិទបទភ្លេងនឹងត្រូវសន្ទនាជួបគ្នាដំបូង។
តើអ្នកសុខសប្បាយដែរឬទេ?
តើកូនហូបបាយនៅ?
តើកូនបានដុសធ្មេញមុនមកសាលារៀននៅ?
តើកូនបានជម្រាបលាម៉ាក់ប៉ាមុនមករៀននៅ?
តើកូនឈ្មោះអ្វី? អាយុប៉ុន្មាន?
និងសំណួរអ្វីក៏បានដែរ ឱ្យតែទាក់ទងទៅនឹងសាលារៀន មិត្តភក្ភឬឪពុកម្ដាយរបស់ពួកគេជាការស្រេច…។
- ត្រូវរងចាំក្មេងឆ្លើយជាមួយនឹងអ្នក តែប្រសិនបើក្មេងមិនសូវចេះ យើងអាចជួយប្រាប់បាន ។
- ចាប់ផ្ដើមចាក់តន្ត្រីម្ដងទៀតនិងឱ្យក្មេងៗហុចបាល់ជុំវិញម្ដងទៀត សម្រាប់បទចម្រៀង អ្នកអាចជ្រើសរើសយកបទអ្វីក៏បានដែរ សំខាន់ឱ្យតែទាក់ទងទៅនឹងបទរបស់កុមារ។
- បើក្មេងដែលទទួលបានបាល់ធ្លាប់បានសន្ទនាជួបគ្នាដំបូងរួចហើយ សូមផ្លាស់ប្ដូរទៅឱ្យក្មេងផ្សេងដែលមិនទាន់បានឆ្លើយ។
- លេងបែបនេះរហូតក្មេងៗបានឆ្លើយទាំងអស់គ្នា។
ការប្រែប្រួល៖
ផ្លាស់ប្ដូរលេងល្បែងនេះទៅតាមប្រធានបទផ្សេងទៀតទៅតាមអ្វីដែលក្មេងៗបានរៀនពីមុនមកបានតាមសប្បាយ។