< ត្រឡប់ទៅធនធានទាំងអស់
ល្បែងរំកិលគ្រាប់សណ្ដែកជាមួយទុយោរ
-
ចិត្តចលភាព -
បុរេគណិត
សកម្មភាព ៖ ល្បែងរំកិលគ្រាប់សណ្ដែកជាមួយទុយោរ
ចិត្តចលភាព៖ (ចលនាធំ)៖ ការហ្វឹកហាត់បង្កើនកម្លាំង និងការសម្របសម្រួលនៃចលនាសាច់ដុំតូច និងសាច់ដុំធំ។
(ការរីកចម្រើនរាងកាយ នងចលនា)៖ បងបង្កើនកម្លាំង និងប្រឈមមុខទប់ទល់នឹងឧបសគ្គក្នុងពេលធ្វើសកម្មភាពអ្វីមួយ។
បុរេគណិត៖ (បរិមាណ និងចំនួន)៖ ការស្គាល់ យល់លេខតាង រាប់ចំនួន និងការគណនលេខសាមញ្ញៗ។
គោលបំណង ៖
ចិត្តចលភាព ៖ កំណត់ចំនុចគោលដៅ នៃចលនាដៃដោយទប់លំនឹង និងសម្របសម្រួលទៅនឹងភ្នែក ក្នុងពេលធ្វើអ្វីមួយ ឬលេងល្បែងបានរឹងមាំល្អ។ អនុវត្តសកម្មភាពមួយបានទន់ភ្លន់ រហ័សរហូន និងរឹងមាំដោយផ្ដើមចេញពីចលនាមូលដ្ខានងាយៗទៅលំបាកចំនួនពីរឡើងទៅ ក្នុងនោះមានការដើរ រត់ លោត ឬលើសពីនេះតាមរយៈចលនាចរន្ត។
បុរេគណិត ៖ ប្រាប់បានពីចំនួនលេខ មានន័យថាពីលេខ១ ដល់១០ តាមលំដាប់លំដោយ ឬលើសពីនេ រហ័សរហួនក្នុងការគិតលេខ។
រយៈពេល ៖ ៣០ នាទី
ឧបករណ៍ ៖ សន្លឹកកិច្ចការ ទុយោដែលកាត់ជាពាក់កណ្ដាល និងគ្រាប់សណ្ដែកមួយចំនួន (តែគ្រាប់ត្រូវតែធំជាងបំពង់ទុយោរ ព្រោះវានឹងងាយស្រួល
ក្នុងការប្រើទុយោរប៊ឺតឱ្យជាប់)
កម្រិតសិក្សា ៖ មធ្យម និង ខ្ពស់
ការរៀបចំ ៖ ត្រៀមនឹងការបោះពុម្ភ សន្លឹកកិច្ចការ និងសម្ភារទាំងអស់ឱ្យបានរួចរាល់់ជាការស្រច។
សេក្ដីណែនាំ៖
- បង្ហាញក្មេងៗសន្លឹកកិច្ចការ ទុយោរ និងគ្រាប់សណ្ដែកដែលបានត្រៀមទុកនោះ
- ពន្យល់ក្មេងពីវា ដោយប្រើដៃចាប់យកគ្រាប់សណ្ដែកនិងដាក់គ្រាប់សណ្ដែកតាមកន្លែង
នីមួយៗ ឬក្នុងប្រអប់តាមកន្លែនីមួយៗដែលបានរៀបចំនោះ ។ - ចែកក្មេងជាក្រុមៗតាមចំនួនដែលអ្នកបានរៀបចំ ឬតាមចំនួនសិស្សក្នុងថ្នាក់។
- ចែកសន្លឹកកិច្ចការ ទុយោរ និងគ្រាប់សណ្ដែកឱ្យក្មេងៗទៅតាមក្រុមនីមួយៗ ។
- ប្រាប់ក្មេងៗពីរបៀបលេងល្បែងសកម្មភាពនេះឱ្យបានច្បាស់ជាមុនសិន
- ដាក់សន្លឹកកិច្ចការតាមចំនួនក្រុមនៅកន្លែងផ្សេងៗគ្នា។
- ប្រើទុយោរជាមួយមាត់របស់ពួកគេប៊ឺតចាប់គ្រាប់សណ្ដែកតាមចំនួនដែលបានកំណត់
ពីកន្លែងនីមួយៗហើយពាំយកទៅដាក់លើ សន្លឹកកិច្ចការតាមកន្លែងបានកំណត់។ - ក្មេងទី១ក្នុងក្រុម ប៊ឺតគ្រាប់សណ្ដែក១ ក្មេងទី២ ប៊ឺត២ រហូតដល់១០ ពេញសន្លឹកកិច្ចការ។
- ព្រោះសន្លឹកកិច្ចការមានក្រអប់លេខចំនួន១០ពីលេខ១ ដល់ លេខ១០។
- ក្រុមណាដែលធ្វើបានពេញសន្លឹកកិច្ចការមុនគេក្រុមនោះគឺជាក្រុមដែលឈ្នះ ។
6. ក្រុមណាដែលធ្វើរួចគ្រាប់ហើយ សូមលើកដៃប្រាប់ថា ក្រុមខ្ញុំរួចហើយ ។
7. ក្រុមដែលនៅសល់ ត្រូវធ្វើបន្ត ព្រោះត្រូវស្វែងរកអ្នកឈ្នះទី២ ទី៣ រហូត។
8. នៅពេលដែលលេងចប់ ប្រាប់ក្មេងៗឱ្យជួយរៀបចំកន្លែងលេងឱ្យបានស្អាតជាការស្រេច។
ការប្រែប្រួលល្បែង៖ អ្នកអាចលេងល្បែសកម្មភាពនេះជាបែបម្នាក់ៗក៏បានដែរ ប្រកួតគ្នាកាន់តែសប្បាយតែម្ដងនិងអ្នកអាច
ប្រើក្រដាសកាត់ជារង្វង់មូលជំនួសគ្រាប់សណ្ដែកបានដូចគ្នា(កាត់ក្រដាសជារង្វង់តូចល្មមទៅតាម
ចំនួនរបស់ក្មេងៗ) ឬអ្នកអាចបង្កើតជាសន្លឹកកិច្ចការដោយខ្លួនឯងបានដូចជា គូរជាលេខ១ ដល់ លេខ១០ ហើយឱ្យក្មេងៗចាប់គ្រាប់សណ្ដែកដាក់តាមរាងលេខទាំងនោះជាការស្រេច។