< ត្រឡប់ទៅធនធានទាំងអស់

ល្បែងកាយវិការការងារ

10-30 នាទី

មិនកំណត់ចំនួន

៣ឆ្នាំ លើស

មិនត្រូវការសម្ភារ

អង្គការរ៉ឺម៉កកង់បីសម្រាប់កុមារ

• ចិត្តចលភាព
• ភាសាខ្មែរ

សកម្មភាព ៖  ល្បែងកាយវិការការងារ
ចិត្តចលភាព
បំណិនចលកតូច (ការហ្វឹកហាត់បង្កើនកម្លាំង និងសម្របសម្រួលសាច់ដុំដៃ និងភ្នែកសាច់ដុំភ្នែក)
បំណិនចលកធំ (ការហ្វឹកហាត់បង្កើនកម្លាំង និងសម្របសម្រួលសាច់ដុំតូច និងសាច់ដុំធំ)
ភាសាខ្មែរ​
ការស្តាប់ (ស្តាប់គេនិយាយ និងមានសម្ថភាពស្តាប់ដោយធ្វើតាមការណែនាំងាយៗ)

គោលបំណង
(ចិត្តចលភាព) ប្រាប់ពីរបៀបធ្វើចលនាតាមបែបទម្រង់ផ្សេងៗ ដោយការធ្វើអ្វីមួយ ឬ ការលេងល្បែងផ្សេងៗ។
ប្រាប់ពីការរត់ ដើរ លោត ឬ លើសពីនេះទៅតាមទម្រង់នៃសកម្មភាពផ្សេងៗ។
(ភាសាខ្មែរ​) ប្រាប់បានខ្លះពីដំណើររឿង តាមរយះរូបភាពដែលបានបង្ហាញ ឬ សួរសំណួរ។
ប្រាប់ពីសកម្មភាពតាមដំណាក់កាលដោយអនុវត្តតាមការណែនាំ។
កម្រិតសិក្សា ៖ ទាប មធ្យម ខ្ពស់
រយៈពេល ៖ ១០ នាទី 

ឧបករណ៍ ៖ គ្មាន
ការរៀបចំ ៖ បង្កើតសាច់រឿងខ្លីៗដែលទាក់ទងតែការងារប៉ុណ្ណោះ ហើយផ្សេងៗគ្នានឹងធ្វើ
សកម្មភាពបណ្តើរផងដែរ ។

សេក្ដីណែនាំ៖

1. ពន្យល់ក្មេងៗថាអ្នកនឹងនិយាយពីសាច់រឿងមួយឱ្យពួកគេស្តាប់ ហើយធ្វើកាយវិការឱ្យមើល រួចឱ្យក្មេងៗធ្វើកាយវិការតាម។ 
2. ដំបូងធ្វើឱ្យក្មេងៗមើលដោយយឺតៗ ដើម្បីឱ្យក្មេងៗទាំងអស់បានមើលបានយ៉ាងច្បាស់ និងបន្ទាប់មកឱ្យពួកគេធ្វើកាយវិការតាម។

3. ប្រាប់សាច់រឿងម្ដងទៀតដោយលឿងជាងមុន និងដោយមានភាពទាក់ទាញជាមុន។
4. បន្តការប្រាប់រឿងនោះទៀត ប្រាប់រឿងថ្មី ឬ ឱ្យក្មេងៗបង្កើតសាច់រឿងផ្សេងទៀតបាន។
5. បង្កើតជាសាច់រឿងផ្សេងទៀតដែលដូចជា៖ អ្នករាំ អ្នកធ្វើការសំណង់ និងការងារផ្សេងៗទៀត។