< ត្រឡប់ទៅធនធានទាំងអស់
ល្បែងកាត់និងរាប់ចំនួន
-
ចិត្តចលភាព -
បុរេគណិត
សកម្មភាព ៖ ល្បែងកាត់និងរាប់ចំនួន
ចិត្តចលភាព ៖ បំណិនចលករតូច៖ ការហ្វឹកហាត់បង្កើនកម្លាំងនិងសម្របសម្រួលរវាងចលនាសាច់ដុំដៃនិងសាច់ដុំភ្នែក
ការរីកចម្រើនរាងកាយនិងចលនា៖ ការរីកចម្រើនកម្លាំងនិងការប្រឈមនិងទប់ទល់ឧបសក្គពេលធ្វើសកម្មភាពផ្សេងៗ៖
បុរេគណិត ៖ បរិមាណនិងចំនួន៖ស្គាល់និងយល់លេខតាងនិងការគណនាលេខសាមញ្ញ
ចរិយាសម្បទា៖ មានអំណត់ តស៊ូព្យាយាម និងសប្បាយរីករាយក្នុងពេលដែលធ្វើអ្វីមួយ ឬលេងល្បែងបានរឹងមាំ និងជោគជ័យ។
បំណិនសម្បទា៖ អនុវត្តសកម្មភាពមួយដែលមានភាពទន់ភ្លន់ រហ័សរហួន និងរឹងមាំការចាប់ផ្ដើមចេញពីចលនាមូលដ្ឋានងាយៗទៅលំបាក ចំនួនពីរឡើងទៅ ក្នុងនោះមានការដើរ រត់ លោត ឬលើសពីនេះ តាមរយៈ ចលនាចរន្ត ហាត់ប្រាណតាមបទចម្រៀង តាមរឿងនិទាន បទភ្លេងនិងល្បែងនានា។
គោលបំណង៖
ចិត្តចលភាព ៖ បំណិនសម្បទា៖ កំណត់ចំណុចគោលនៃចលនាដៃដោយការទប់លំនឹង និងសម្របសម្រួលទៅនឹងភ្នែកក្នុងពេលធ្វើអ្វីមួយ ឬលេងល្បែងបានរឹងមាំល្អ។
ចរិយាសម្បទា៖ មានអំណត់ ការតស៊ូព្យាយាម និងសប្បាយចិត្តក្នុងការធ្វើអ្វីមួយ ឬលេងល្បែងបានរឹងមាំល្អ និងជោគជ័យ។
បុរេគណិត ៖ វិជ្ជាសម្បទា៖ប្រាប់បានពីចំនួនលេខនិងយល់ន័យពី១ដល់៣០តាមលំដាប់លំដោយឬលើសពីនេះ។
ចរិយាសម្បទា៖ ឈ្លាសវៃ រហ័សរហួនក្នុងការគិតលេខ។
កម្រិតសិក្សា ៖ មធ្យម ខ្ពស់។
រយៈពេល ៖ ៣០ នាទី
ឧបករណ៍ ៖ ដីឥដ្ឋដែលមានពណ៌ កាំបិតជ័រ ក្រដាសសន្លឹកកិច្ចការនិងដីខ្មៅ
ការរៀបចំ ៖ ត្រៀមជាមួយក្រដាសនិងសម្ភារទាំងអស់សម្រាប់់លេងល្បែងនេះឱ្យគ្រប់។
សេចក្ដីណែនាំ ៖
- ប្រាប់កុមារថាថ្ងៃនេះនឹងលេងល្បែងសកម្មភាពមួយនឹងគ្នាគឺល្បែងកាត់និងរាប់ចំនួនតាមសន្កឹកកិច្ចការ។
- កូនៗស្កាល់ចំនួនដែរឬទេ? កូនៗស្គាល់ពណ៌ដែរឬទេ?
- បែងចែកកុមារទៅជាក្រុមដែលមានសមាជិត៣នាក់ក្នុងមួយក្រុម(១សម្រាប់កាត់ដីឥដ្ឋ១ពណ៌សម្រាប់មួយក្រុម។
- វិធីលេង៖ ចែកសម្ភារសម្រាប់លេងទៅតាមក្រុមនីមួយៗឱ្យបានគ្រប់
- កុមារទី១ក្នុងក្រុមត្រូវកាន់ដីឥដ្ឋដែលមាន៣ឬ៤ពណ៌និងត្រៀមសម្រាប់កាត់ទៅតាមចំនួនដែលកុមារម្នាក់ទៀតប្រាប់ ដោយប្រើកាំបិតជ័រឬអ្វីក៏បានដែលអាចកាត់បាន
- កុមារម្នាក់ទៀតត្រូវរាប់ចំនួនដែលកុមារទី១បានកាត់ជាចំនួននោះ
- ចុងក្រោយកុមារម្នាក់ទៀតត្រូវចាំសរសេរចំនួនដែលកុមារទី២បានរាប់នៅលើចានស្នោនោះជាការស្រេច។
- ពេលតាមក្រុមនីមួយៗកាត់រួច សរសេរចំនួនរួច គ្រូត្រូវតែត្រួតពិនិត្យផងថាកុមារតាមក្រុមនីមួយៗបានធ្វើត្រឹមត្រូវដែរឬទេ។
- នៅពេលលេងចប់ឱ្យកុមារជួយរៀបចំទុកដាក់សម្ភារលេខឱ្យមានរបៀបរៀបរយជាការស្រេច។
ការប្រែប្រួល៖
ល្បែងនេះអាចលេងបានច្រើនបែបច្រើនសណ្ថានដែរ ដូចជា អ្នកអាចលេងបែបជា ក្រុមដដែល តែអ្នកអាចសសេរចំនួនលេខនៅលើចានស្នោនោះ បន្ទាប់មក ឱ្យកុមារតាមក្រមនីមួយកាត់ពណ៌ជាចំនួនឱ្យត្រូវនឹងចំនួននៅលើចានស្នោជាការស្រេច។ ល្បែងយើងចង់ឱ្យកុមារបានចឹងនិងស្គាល់ចំនួនផងដែរ។