< ត្រឡប់ទៅធនធានទាំងអស់
ល្បែងតំរៀបនៅលើគំនូសក្នុងក្រដាស
សកម្មភាព ៖ ល្បែងតំរៀបនៅលើគំនូសក្នុងក្រដាស
ចិត្តចលភាព
បំណិនចលកតូច (ការហ្វឹកហាត់បង្កើនកម្លាំង និងសម្របសម្រួលសាច់ដុំដៃ និងភ្នែកសាច់ដុំភ្នែក)
បំណិនចលកធំ (ការហ្វឹកហាត់បង្កើនកម្លាំង និងសម្របសម្រួលសាច់ដុំតូច និងសាច់ដុំធំ)
វិទ្យាសាស្រ្ត
ការរស់នៅប្រចាំថ្ងៃ (ការស្វែងយល់ដោយការសង្កេត)
សិក្សាសង្គម
គំនូរ និងសកម្មភាពកសាង (ការយល់ដឹង ការពេញចិត្តចំពោះសិល្បៈតាមរយៈការបង្កើតរូបភាព)
បុរេគណិត
រូបរាង និងលំហ (បញ្ញត្តិរូបរាង និងលំហ)
ទំហំ និងពណ៌ (ចំណាត់ក្រុម និងលំដាប់លំដោយ)។
គោលបំណង ៖
(ចិត្តចលភាព) ប្រាប់ពីរបៀបធ្វើចលនាតាមបែបទម្រង់ផ្សេងៗ ដោយការធ្វើអ្វីមួយ ឬ ការលេងល្បែងផ្សេងៗ។
ប្រាប់ពីការដើរ ឬ លើសពីនេះទៅតាមទម្រង់នៃសកម្មភាពផ្សេងៗ។
(វិទ្យាសាស្រ្ត) ប្រាប់បានពីឈ្មោះសត្វចិញ្ចឹម សត្វព្រៃ សត្វស្លាបឬលើសពីនេះ។
(សិក្សាសង្គម) ប្រាប់បានពីរបៀបធ្វើសកម្មភាពបង្កើតបានជារូបភាពផ្សេងៗ។
(បុរេគណិត) ប្រាប់ឈ្មោះរាងធរណីមាត្រសមញ្ញៗមានរាងធរណីមាត្ររាងរង្វង់ ការេ ត្រីកោណ មូលទ្រវែង
ចតុកោណកែង ចតុកោណស្មើ បេះដូង ផ្កាយ ។
ប្រាប់បានពីរបៀបរៀបវត្ថុតាមលំដាប់ក្រុម ប្រភេទ ទំហំ និងពណ៌។
សៀវភៅ ៖ ដកស្រង់ចេញពីរឿង ៉យក្សចម្លែក ៉
រយៈពេល ៖ ៣០ នាទី
ឧបករណ៍ ៖ សន្លឹកកិច្ចការ (ធំ, តូច) គ្រាប់ សណ្តែក អង្គរ ស្រូវ
ការរៀបចំ ៖ បោះពុម្ភក្រដាសរូបភាពឱ្យក្មេងម្នាក់ ១សន្លឹកៗ ឱ្យកុមារយកគ្រាប់ សណ្តែក អង្គរ ស្រូវតាម
ផ្ទះមកក៏បាន ប្រើកាវប្រភេទដែលមិនមានគ្រោះថ្នាក់ដល់ក្មេង ឬ មិនចាំបាច់ប្រើកាវបិតក៏បាន។
សេចក្ដីណែនាំ៖
- ថ្ងៃនេះអ្នកគ្រូនឹងលេងល្បែងតម្រៀបសត្វខូអាឡាជាមួយកូនៗទាំងអស់គ្នា។
- យករូបភាពក្នុងរឿង ”យក្សចម្លែក” ដែលមានសត្វខូអាឡាមកបង្ហាញក្មេងៗ។
- កូនៗតើរូបភាពនេះជាសត្វអ្វី? បាទ/ចាស ជាសត្វខូអាឡា
- តើសត្វខូអាឡាមាននៅក្នុងប្រទេសណា? បាទ/ចាស សត្វខូអាឡាមាននៅក្នុងប្រទេសអូស្ត្រាលី។
- តើសត្វខូអាឡានៅរឿង ”យក្សចម្លែក” ឈ្មោះអ្វី? បាទ/ចាស សត្វខូអាឡាមានឈ្មោះ ខេទី។
- តើកូនៗចង់បង្កើតសត្វខូអាឡាជាមួយអ្នកគ្រូដែរឬទេ? បាទ/ចាស
- ចាប់ផ្តើមពន្យល់ក្មេងៗពីរបៀបតម្រៀបគ្រាប់ សណ្តែកនៅតាមគំនូសរូបភាពសត្វខូអាឡា។
- សូមកូនៗតម្រៀបតាមរាងសត្វខូអាឡា បន្ទាប់មករចនាភ្នែក និងកន្លែងផ្សេងៗតាមក្រោយ។
(តម្រៀបឱ្យក្មេងៗបានឃើញផ្ទាល់……ប្រើកាវបិតក៏បានអាស្រ័យលើអ្នកគ្រូ) - ចែកក្មេងៗជាក្រុមមាន៥ នាក់ អង្គុយជារង្វង់ដើម្បីងាយស្រួលត្រួតពិនិត្យ។
- ចាប់ផ្តើមចែកក្រដាសរូបភាពសត្វខូអាឡាឱ្យទៅក្មេងៗម្នាក់ ១សន្លឹក ។
(បើសិស្សមានច្រើនពេកយើងអាចថតចម្លង ១សន្លឹកចែកជា ២នាក់ក៏បានដែរ) - ចែកគ្រាប់សណ្តែក គ្រាប់ ស្រូវ ឬ អង្គរ ក៏បានដែរដាក់ចំកណ្តាលវង់។
- ចាប់ផ្តើមឱ្យក្មេងៗតម្រៀប បន្ទាប់មកដើរពិនិត្យមើលតាមក្រុម និងបន្ថែមគ្រាប់សណ្តែក។
ការប្រែប្រួល៖
១. ប្រសិនបើអ្នកមិនមានពេលច្រើនទេ អ្នកអាចលេងជាក្រុមរួមគ្នាមួយថ្នាក់ក៏បានដោយប្រើសន្លឹកកិច្ចការសត្វ
ខូអាឡាមួយសន្លឹក ឱ្យក្មេងៗឡើងតម្រៀបម្នាក់ម្តង ដាក់សណ្តែកម្នាក់មួយគ្រាប់ជារង្វិលជុំ រហូតចេញជាសត្វ
ខូអាឡា។
២. បើមិនមានពេលគ្រប់គ្រាន់ទេ អាចឱ្យកុមារតម្រៀបគ្រាប់សណ្តែកតែ ត្រចៀក ច្រមុះ ក្បាល ឬ ចំណុចណា
ដែលអ្នកគិតថាសំខាន់ក៏បាន។