< ត្រឡប់ទៅធនធានទាំងអស់
ល្បែងប៉ះពណ៌
-
ចិត្តចលភាព -
បុរេគណិត
សកម្មភាព ៖ ល្បែងប៉ះពណ៌
ចិត្តចលភាព
បំណិនចលកតូច (ការហ្វឹកហាត់បង្កើនកម្លាំង សម្របសម្រួលសាច់ដុំដៃ និងភ្នែកសាច់ដុំភ្នែក)។
បំណិនចលកធំ (ការហ្វឹកហាត់បង្កើនកម្លាំង សម្របសម្រួលសាច់ដុំតូច និងសាច់ដុំធំ)។
បុរេគណិត
ទំហំ និងពណ៌ (ចំណាត់ក្រុម និងលំដាប់លំដោយ)។
គោលបំណង
(ចិត្តចលភាព) ប្រាប់ពីររបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយ ឬលេងល្បែង។
បង្ហាញពីរបៀបធ្វើសកម្មភាពទៅតាមទម្រង់ផ្សេងៗនៃសកម្មភាពរួមមួយ។
(បុរេគណិត) ប្រាប់បានពីរបៀបរៀបវត្ថុតាមលំដាប់ក្រុម ប្រភេទ ទំហំ និងពណ៌។
កម្រិតសិក្សា ៖ ទាប មធ្យម ខ្ពស់។
សៀវភៅ ៖ ដកស្រង់ចេញពីរឿង “តើនរណាជាអ្នកលាបពណ៌មេឃ?”
រយៈពេល ៖ ៣០ នាទី
ឧបករណ៍ ៖ កាតពណ៌ទាំង១២ពណ៌ដូចជា ពណ៌ក្រហម ខៀវ លឿង បៃតង ទឹកក្រូច ស្វាយ ប្រផះ ខ្មៅ ពណ៌ខៀវស្វាយ ពណ៌ស ផ្កាឈូក និងពណ៌ត្នោត។
ការរៀបចំ ៖ ទីកន្លែងក្នុងថ្នាក់ ឬក្រៅថ្នាក់ទៅតាមចំនួនសិស្ស។
សេចក្ដីណែនាំ ៖
- ថ្ងៃនេះអ្នកគ្រូនឹងលេងល្បែងប៉ះពណ៌ ជាមួយកូនៗទាំងអស់គ្នា។
- បង្ហាញពណ៌ទាំង ១២មាន ពណ៌ក្រហម ខៀវ លឿង បៃតង ទឹកក្រូច ស្វាយ ប្រផះ ខ្មៅ ខៀវស្វាយ
ពណ៌ស ផ្កាឈូក និងពណ៌ត្នោត។
- ឱ្យក្មេងឈរជារង្វង់ ឬបណ្តុំ ហើយអ្នកត្រូវឈរនៅពីមុខ
- និយាយអំពីពណ៌ ក្រហម ឬពណ៌ផ្សេងៗដែលមាននៅជុំវិញ។
ឧទាហរណ៍៖ ពណ៌ដែលមាននៅលើអាវ ខោ ស្បែកជើងក្មេងដែលកំពុងពាក់ជាដើម។ - បន្ទាប់មក ក្មេងៗត្រូវរកមើលរកពណ៌ក្រហមនៅជុំវិញខ្លួនរបស់ពួកគេ ដូចដែលអ្នកគ្រូបាននិយាយរួច
រត់ដេញចាប់ប៉ះជាការស្រេច។ - មុននឹងក្មេងៗរត់ទៅប៉ះពណ៌ដែលអ្នកគ្រូបាននិយាយនោះគឺ អ្នកគ្រូត្រូវរត់ទៅប៉ះក្មេងៗទាំងនោះជា
មុនសិន។ - ប្រសិនបើអ្នកគ្រូប៉ះបានក្មេងៗបានមុន គឺក្មេងនោះត្រូវក្លាយជាអ្នកគ្រូម្ដង ហើយត្រូវឈរនៅកណ្ដាល
នឹងនិយាយពណ៌នៅក្នុងពណ៌ទាំង១២វិញម្តង។ - ក្មេងៗផ្សេងទៀតពេលក្លាយទៅជាអ្នកគ្រូហើយ ត្រូវព្យាយាមរត់ទៅប៉ះក្មេងដទៃទៀតមុននឹងពួកគេប៉ះ
ពណ៌ដែលក្មេងជាគ្រូបាននិយាយនោះ។
- លេងបែបនេះជាមួយការប្រើពណ៌ផ្សេងៗដែលមានពណ៌ទាំង១២ និងផ្លាស់ប្ដូរអ្នកតំណាងអ្នកគ្រូរហូត
ទាល់តែអស់ក្មេងតែម្ដង។
