< ត្រឡប់ទៅធនធានទាំងអស់
ល្បែងផ្គុំមុខដែលដូចគ្នា
15-30 នាទី
មិនកំណត់ចំនួន
៣ឆ្នាំ លើស
បោះពុម្ភ សម្ភារ
អង្គការរ៉ឺម៉កកង់បីសម្រាប់កុមារ
-
សិក្សាសង្គម -
បុរេគណិត
សកម្មភាព ៖ ល្បែងផ្គុំមុខដែលដូចគ្នា
សិក្សាសង្គម៖ គំនូរនិងសកម្មភាពកសាង៖ ការយល់ដឹងនិងពេញចិត្តចំពោះសិល្បៈតាមរយការបង្កើតជារូបភាពផ្សេងៗ៖
គោលបំណង៖ វិជ្ជាសម្បទា៖ ប្រាប់បានពីរបៀបបត់ រោយ ដេរ ត្បាញ សូនរូប ផាត់ពណ៌ ហែក បិទ បត់ កាត់… ដើម្បីបង្កើតជារូបភាពផ្សេងៗ។
បុរេគណិត៖ បរិមាណនិងចំនួន៖ ការគិតនិងវិភាគឱ្យបានគ្រប់ជ្រុងជ្រោយ៖
គោលបំណង៖ វិជ្ជាសម្បទា៖ ប្រាប់ពីចំនួននៃរូបភាពនិងលេខដែលត្រូវផ្គុំនិងផ្គូរផ្គង។
រយៈពេល៖ ៣០ នាទី
ឧបករណ៍៖ សន្លឹកកិច្ចការដែលមានមុខ (អ្នកអាចទាញយកនៅក្នុងគេហទំព័របស់អង្គការរ៉ឺម៉កកង់បីសម្រាប់កុមារបាន👉https://rermork.org) កាវស្អិត កន្ត្រៃ ក្រដាសរាម ដីខ្មៅពណ៌និងដីខ្មៅ
កម្រិតសិក្សា ៖ មធ្យមនិងខ្ពស់
ការរៀបចំ៖ រៀបចំសម្ភារដែលត្រូវលេងក្នុងល្បែងឱ្យបានគ្រប់គ្រាន់ ដើម្បីឱ្យមានភាពងាយស្រួល។
សេក្ដីណែនាំ៖
- ប្រាប់កុមារថាថ្ងៃនេះពួកយើងនឹងលេងល្បែងមួយដែលមានឈ្មោះថា ល្បែងផ្គុំមុខដែលដូចគ្នា
- ចែកក្រដាសដែលមានមុខនោះឱ្យទៅកុមារម្នាក់១សន្លឹក (សន្លឹកដែលបានកាត់ជាពីររួច)
- ក្នុងរូបភាពមួយកុមារពីរនាក់ដែលទទួលបានកាត់នោះ
- ឱ្យពួកគេស្វែងរកគ្នា គឺស្វែងរកកាត់ដែលមានរូបមុខមួយកំណាត់ ឬមួយចំហៀងទៀត ដើម្បីផ្គុំគ្នាឱ្យក្លាយជាមុខតែមួយ បញ្ញាក់៖ ឱ្យត្រូវគ្នា បានត្រឹមត្រូវ…។
- ពួកគេអាចរត់រកគ្នា និងសួរគ្នាបានថាបានរូបអ្វី អាចយកទៅផ្ទឹមគ្នាសាកមើលបានដែរ។
- នៅពេលដែលកុមារអាចស្វែងរករូបភាពដែលដូចគ្នា អាចផ្គុំជាមួយគ្នាបានហើយនោះ ត្រូវកាន់ដៃគ្នា និងឈរនៅមួយកន្លែងផ្សេងទៀត កុំឱ្យច្រឡំជាមួយកុមារដែលកំពុងតែស្វែងរកផ្សេងទៀត។
- នៅពេលដែលកុមារទាំងអស់បានរកគូឃើញហើយនោះ អ្នកត្រូវធ្វើការពិនិត្យថាត្រឹមត្រូវដែរឬទេ?
- ប្រសិនជាត្រូវហើយ សូមឱ្យមិត្តទាំងអស់របស់ពួកគេ ទះដៃអបអរសាទរផង។ ផ្ទុយទៅវិញក្មេងណាដែលមិនត្រូវ ក៏មិនជាអ្វីដែល ត្រូវលើកទឹកចិត្តពួកគាត់ ឱ្យព្យាយាមម្ដងទៀតបាន។
- ល្បែងនេះគ្រាន់តែលេងបែបហ្នឹងជាការស្រេចតែម្ដង។
- ពួគគេអាចសហការគ្នាបានល្អតាមរយៈការលេងល្បែងសកម្មភាពមួយនេះ។