< ត្រឡប់ទៅធនធានទាំងអស់
ល្បែងទាយផ្លែឈើ ឬ បន្លែ
-
វិទ្យាសាស្រ្ត
សកម្មភាព ៖ ល្បែងទាយផ្លែឈើ ឬ បន្លែ
វិទ្យាសាស្រ្ត
អាហាររូបត្ថម្ភ (ចំណេះដឹងមូលដ្ឋាន,ពីក្រុមអាហារ និងអាហាររូបត្ថម្ភ)
គោលបំណង ៖
(វិទ្យាសាស្រ្ត) ប្រាប់ឈ្មោះបន្លែ ផ្លែឈើ និងសាច់ឱ្យបាន ៥មុខឬលើសពីនេះ។
ប្រាប់ពីអាហារណាដែលមានគុណភាព និងសារប្រយោជន៍នៃការញុំាអាហារបន្លែ ផ្លែឈើ។
អាចញែកបានពីអាហារ ៣ក្រុមដែលមានអាហារសាងសង់ អាហារការពារ និងក្រុមអាហារ
ថាមពល។ ឱ្យកុមារចូលចិត្តញុំាបន្លែ ផ្លែឈើ និងអាហារសំបូរជីវជាតិ។
សៀវភៅ ៖ ដកស្រង់ចេញពីរឿង “បិសាចចម្លែកតូចៗ”។
កម្រិត ៖ ទាបមធ្យម ខ្ពស់
រយៈពេល ៖ ៣០ នាទី
ឧបករណ៍ ៖ ជ្រើសរើសបន្លែ ផ្លែឈើណាដែលអាចបរិភោគឆៅបាន កន្សែង ឬ ក្រមាដើម្បីបិទភ្នែក ។
ការរៀបចំ ៖ កាត់ផ្លែឈើ និងបន្លែជាចំណែកដុំតូចៗ(ទុកផ្លែឈើ និងបន្លែទាំងមូលសម្រាប់ឱ្យក្មេងៗ
បង្ហាញពេលទាយខុស)។
សេក្ដីណែនាំ៖
- ថ្ងៃនេះអ្នកគ្រូនឹងលេងល្បែងទាយផ្លែឈើ ឬ បន្លែ ជាមួយកូនៗទាំងអស់គ្នា។
- បង្ហាញក្មេងៗពីផ្លែឈើ និងបន្លែទាំងមូល។
តើផ្លែឈើនេះគេហៅថាផ្លែអ្វី? បាទ/ចាស ផ្លែចេក ផ្លែម្នាស់ ផ្លែប៉ោម…..។
តើបន្លែនេះគេហៅថាអ្វី? បាទ/ចាស ផ្កាស្ពៃ ខាត់ណា ស្ពៃក្តោប…..។
- សួរក្មេងៗ៖ តើផ្លែឈើ និងបន្លែមានប្រយោជន៍សម្រាប់ប្រព័ន្ធភាពសុំាដល់មនុស្សមែនដែរឬទេ?
បាទ/ចាស មានប្រយោជន៍សម្រាប់ប្រព័ន្ធភាពសុំាដល់មនុស្ស។
- កូនៗត្រូវដឹងថាផ្លែឈើ និងបន្លែជួយដល់ការប្រយុទ្ធប្រឆាំងជាមួយមេរោគដល់ប្រព័ន្ធភាពសុំារបស់
មនុស្ស។ អាហារមាន ៣ក្រុមដែលមានអាហារសាងសង់ អាហារការពារ និងក្រុមអាហារថាមពល។ - មានបន្លែការ៉ុត ស្ពៃ ប៉េងប៉ោះ ចំណែកឯផ្លែឈើវិញមានដូចជា ផ្លែក្រូចខ្លុង ផ្លែប៉ោម ចេក និងសាច់ ដែលមានផ្ទុកវីតាមីន និងសារធាតុប្រឆាំងនឹងអុកស៊ីតកម្មដែលអាចជួយដល់ប្រព័ន្ធភាពសុំាប្រឆាំងនឹង
មេរោគ។ - សួរក្មេងៗ៖ តើកូនៗចូលចិត្តញុំាបន្លែមួយណា? បាទ/ចាស ស្ពៃ សាឡាដ ការ៉ុត….
តើកូនៗចូលចិត្តញុំាផ្លែឈើមួយណា? បាទ/ចាស ក្រូច ចេក ទំពាំងបាយជូ… - ជ្រើសរើសក្មេងម្នាក់ដែលស្ម័គ្រចិត្តលេងមុនគេ។
- បិទភ្នែកដោយចងក្រមា រួចដាក់ផ្លែឈើ និងបន្លែ នៅពីមុខក្មេងដើម្បីឱ្យក្មេងភ្លក់ ។
- ប្រាប់ក្មេងថាមិនត្រូវធ្វើមុខប្រែប្រួលនៅពេលមិនពេញចិត្តដែលកំពុងភ្លក់នោះទេ។ ត្រូវគួរតែទំពារឱ្យ
បានលឿន (ពេលហូបប៉ះរបស់ដែលអ្នកមិនពេញចិត្ត ធ្វើទឹកមុខជាធម្មតា)។ - ឱ្យពួកគេលេបវាដោយយឺត ដើម្បីដឹងពីរសជាតិបានច្បាស់។ ចាប់ផ្តើមសួរក្មេងថា៖
តើវាមានរសជតិផ្អែមមែនដែរឬទេ? បាទ/ចាស ជូ ផ្អែម ល្វីង ចត់ …
តើកូនធ្លាប់ហូបវាពីមុនមកទេ? បាទ/ចាស មិនធ្លាប់/ធ្លាប់
តើកូនដឹងទេថាវាគឺជាអ្វី?
បាទ/ចាស ក្រូច ចេក ទំពាំងបាយជូ…
បាទ/ចាស ស្ពៃ សាឡាដ ការ៉ុត…
- បន្តលេងល្បែងនេះរហូត ដល់ក្មេងៗទាំងអស់ដល់គ្រប់វេន។
- បង្ហាញក្មេងៗពីផ្លែឈើ និងបន្លែទាំងមូលដែលពួកគេបានព្យាយាមទាយនោះ។
- សួរក្មេងថា៖ តើកូនៗស្គាល់ឈ្មោះ ផ្លែឈើ និងបន្លែដែលកូនៗទាយទាំងអស់នេះដែរឬទេ?
បាទ/ចាស ផ្លែចេក/ ស្ពៃក្តោប…..។ បន្ទាប់មកសរសេរឈ្មោះ នៅលើក្ដារខៀន ។ - ចូរឱ្យក្មេងៗដែលមិនទាន់បានហូបផ្លែឈើ និងបន្លែនោះសួរទៅកាន់ក្មេងដែលបានហូបរួចនោះថា តើអ្នកហូបទៅឆ្ងាញ់ដែរឬទេ? ចាស/បាទ ឆ្ងាញ់/មិនឆ្ងាញ់