សកម្មភាព ៖ ​ល្បែងបាត់ខ្លួននៅក្នុងទឹក វិទ្យាសាស្រ្ត ៖ ការរស់នៅប្រចាំថ្ងៃ៖ ការស្វែងយល់និងការសង្កេត៖ គោលបំណងវិទ្យាសាស្រ្ត ៖ វិជ្ជាសម្បទា៖ ពិសោធន៍និងស្វែងយល់ដោយប្រើប្រាស់សម្ភារផ្សេងៗនៅក្នុងការលេងដូចជា៖ លិច អណ្ដែត ជ្រាបទឹក និងមិនជ្រាបទឹក វត្ថុរលាយនិងមិនរលាយ ការលាយពណ៌ បណ្ដុះគ្រាប់ធញ្ញជាតិ ខ្យល់ជាដើម…។  កម្រិតសិក្សា ៖ មធ្យមនិងខ្ពស់ រយៈពេល ៖ ៣០ នាទី ឧបករណ៍ ៖ ឡាំងទឹក ដបទឹក ក្រដាសរូបភាពមនុស្សឬសត្វផ្សេងៗ (ដែលរូបភាពផ្សេងៗអាចទាញយកក្នុងគេហទំព័ររបស់យើងបាន Rermork.org) ការរៀបចំ ៖ គ្រូត្រូវរៀបចំសម្ភារដែលបានរៀបរាប់ខាងលើឱ្យបានគ្រប់គ្រាន់ មុននឹងចាប់ផ្ដើមលេងល្បែងនេះ ជៀសវាងកុំឱ្យមានការខ្វះខាតនិងភ្លេចសម្ភារអ្វីមួយនៅពេលកំពុងលេង​។  សេចក្ដីណែនាំ ៖  ប្រាប់បានពីការពិសោធន៍ថា ហេតុអ្វីបានជារូបភាពអាចបាត់ខ្លួននៅក្នុងឡាំងទឹកបែបហ្នឹង?  វិធីងាយៗដើម្បីស្រមៃ៖ ពន្លឺគឺដូចជាបាល់តូចៗដែលផ្ទុកនូវអ្វីដែលយើងមើលឃើញ។ ពេលខ្លះ បាល់ទាំងនោះលោតផ្លោះនៅខាងក្នុងទឹកជំនួសឱ្យការចេញមកក្រៅ។ ពេលនោះភ្នែករបស់យើងមិនអាចមើលឃើញវត្ថុនោះទេ ដូច្នេះវាហាក់ដូចជាបាត់ខ្លួន!