< ត្រឡប់ទៅធនធានទាំងអស់
ល្បែងហេតុអ្វីបានជាយើងលង់ទឹក?
-
ចិត្តចលភាព -
វិទ្យាសាស្រ្ត -
សិក្សាសង្គម
សកម្មភាព ៖ ល្បែងហេតុអ្វីបានជាយើងលង់ទឹក?
ចិត្តចលភាព ៖ បំណិនចលនាតូច៖ ការហ្វឹកហាត់បង្កើនកម្លាំងនិងសម្របសម្រួលរវាងសាច់ដុំដៃនិងសាច់ដុំភ្នែក៖
វិទ្យាសាស្រ្ត ៖ ការរស់នៅប្រចាំថ្ងៃ៖ ការស្វែងយល់ដោយការសង្កេត៖
សិក្សាសង្គម ៖ គំនូរនិងសកម្មភាពកសាង៖ ការយល់ដឹងនិងការពេញចិត្តចំពោះសិល្បៈតាមរយៈការបង្កើតជារូបភាព
គោលបំណង៖
ចិត្តចលភាព ៖ វិជ្ជាសម្បទា ៖ ប្រាប់បានពីរបៀបធ្វើចលនាដៃតាមទម្រង់ផ្សេងៗ ដោយការធ្វើអ្វីមួយឬលេងល្បែងមួយ។
ចរិយាសម្បទា ៖ មានអំណត់ ការតស៊ូនិងសប្បាយរីករាយក្នុងពេលធ្វើអ្វីមួយ ឬលេងល្បែងអ្វីមួយបានរឹងមាំល្អនិងជោគជ័យ។
វិទ្យាសាស្រ្ត ៖ វិជ្ជាសម្បទា៖ ប្រាប់បានពីរបៀបនៃការពិសោធន៍និងស្វែងយល់បរិស្ថាន។
បំណិនសម្បទា៖ ពិសោធន៍និងស្វែងយល់ដោយប្រើប្រាស់សម្ភារផ្សេងៗក្នុងការលេងដូចជា៖ ការលិច អណ្ដែត ជ្រាបទឹក មិនជ្រាបទឹក វត្ថុរលាយ និងមិនរលាយ ការលាយពណ៌ បណ្ដុះគ្រាប់ធញ្ញជាតិនិងខ្យល់ជាដើម។
សិក្សាសង្គម ៖ វិជ្ជាសម្បទា៖ បត់ក្រដាសបានជារូបភាពផ្សេងៗ៖ យន្តហោះ ទុក អាវ ភ្នែក…
ចរិយាសម្បទា៖ រហ័សរហួន និងប្រុងប្រយ័ត្នក្នុងការការចាប់កាន់ បត់ សូន គូស ហែក កាត់ និងផាត់ពណ៌។
កម្រិតសិក្សា ៖ទាប មធ្យមនិង ខ្ពស់
រយៈពេល ៖ ៣០ នាទី
ឧបករណ៍ ៖ ក្រដាស កន្ត្រៃ ទុយោរ រូបច្រមុះ រូបមាត់ កាវ ស្គុត ដីខ្មៅ ហ្វឺត
ការរៀបចំ ៖ រៀបចំសម្ភារដែលត្រូវត្រៀមក្នុងការលេងធ្វើ ឬធ្វើវាឱ្យរួច
សេចក្ដីណែនាំ ៖
- សួរកុមារថា តើកូនៗចេះហែលទឹកអត់? មានអ្នកណាដែលបង្រៀនកូនៗឱ្យចេះហែលទឹកអត់? កូនៗដែលលង់ទឹកអត់?
- ថ្ងៃនេះគ្រូនឹងមកប្រាប់កូនៗថា ហេតុអ្វីបានជាយើងលង់ទឹក?
(ពេលយើងមិនចេះហែលទឹក នៅពេលដែលយើងលិចចូលទៅក្នុងទឹក យើងត្រូវការដកដង្ហើមដែរ តែពេលដែលយើងដកដង្ហើមក្នុងទឹក ទឹកនឹងចូលទៅដល់សួតរបស់យើង វាធ្វើឱ្យយើងពិបាកដកដង្ហើមបន្តទៀត ហើយនៅពេលដែលយើងមិនអាចដកដង្ហើមបន្តទៀតបានយើងអាចនឹងស្លាប់នៅក្នុងទឹកនោះតែម្ដង) គ្រប់យ៉ាងបណ្ដាលមកពីយើងមិនចេះហែលទឹកហ្នឹងឯង។
- បន្ទាប់មកបង្ហាញកុមារពីដំណើរការសួតដែលអ្នកបានធ្វើរួច ជាការពិសោធន៍ផងដែរ។
- ប្រាប់កុមារពីរបៀបធ្វើរូបសួតនិងការពិសោធន៍ថាពេលយើងដកបង្ហើមទៅ សួតរបស់យើងនឹងមានសភាពបែបណា ជាមុនសិន៖
- កាត់ក្រដាសធ្វើជារាងសួតចំនួន២បន្ទះ (គូរជារាងសួតដោយខ្លួនឯងបាន)
- គូរធ្វើរូបរាងដូចជាសួត
- លាបកាវជុំវិញ (ដោយមិនចាំបាច់លាបត្រង់ចំណុចកណ្តាលនិងត្រង់ផ្នែកខាងលើនៃ
ទងសួត។ - ហើយចាប់ផ្តើមបិទភ្ជាប់គ្នា(ទុកឱ្យស្ងួត)
- បិទទុយោរផ្អោបភ្ជាប់គ្នា២ស៊កចូលទៅក្នុងសួតត្រង់ចំណុចទងសួតនិង
ញែកទុយោរជាពីរ។ - បិទទុយោរឱ្យទៅនឹងសួតកុំឱ្យមានខ្យល់ចេញនៅពេលផ្លុំ។
- បន្ទាប់មកបិទមាត់និងច្រមុះ ជាការស្រេច។