< ត្រឡប់ទៅធនធានទាំងអស់
ប្រៀបធៀប ធ្ងន់ និងស្រាល
-
ចិត្តចលភាព -
បុរេគណិត
សកម្មភាព ៖ ប្រៀបធៀប ធ្ងន់ និងស្រាល
ចិត្តចលភាព
បំណិនចលកតូច (ការហ្វឹកហាត់បង្កើនកម្លាំង សម្របសម្រួលសាច់ដុំដៃ
និងភ្នែកសាច់ដុំភ្នែក)។
បុរេគណិត
រង្វាស់រង្វាល់ (បញ្ញត្តិស្តីពីរង្វាស់រង្វាល់)
គោលបំណង ៖
(ចិត្តចលភាព) ប្រាប់ពីររបៀបធ្វើចលនាដៃតាមទម្រង់ផ្សេងៗដោយការធ្វើអ្វីមួយ ឬ លេងល្បែង។
(បុរេគណិត) ប្រាប់បានពីបញ្ញត្តិ ធ្ងន់ និងស្រាល
កម្រិត ៖ មធ្យម ទាប ខ្ពស់
រយៈពេល ៖ ៣០នាទី
ឧបករណ៍ ៖ សម្រាប់ជញ្ជីងគឺទំពក់ព្យួរអាវមានគន្លាក់ (បើមិនមានគន្លាក់ ចូរបិទខ្សែនៅលើទំពក់) ខ្សែ
ឬអំបោះ ប្រដាប់ចោះ ឬ ម្ជុលសម្រាប់ចោះខ្សែតាមកំប៉ុង កំប៉ុងក្រដាសដូចគ្នាពីរ កន្ត្រៃ ស្កុត។
ការរៀបចំ ៖ ប្រមូលវត្ថុសម្រាប់ថ្លឹងដូចជា អំបិល សណ្ដែកដែលមានទំហំខុសគ្នា ម្សៅ
គម្របដបក្រដាស។
-រៀបចំវត្ថុសម្រាប់ថ្លឹង ដែលឱ្យកុមារៗយកមកពីផ្ទះ។
-វត្ថុខ្លះអាចដាក់ក្នុងកំប៉ុងក្រដាសតូចបាន ដោយពុំចាំបាច់ដាក់ឱ្យពេញពេកទេ។
សូមអនុវត្តតាមជំហានទាំងនេះ ដើម្បីធ្វើជញ្ជីង៖
- ចូរវាស់នឹងកាត់ខ្សែពីរដែលមានប្រវែង ៦០សម។
- ចូរដៅចំណុចពីរ នៅខាងក្រោមមាត់កំប៉ុងខាងក្រៅ ធានាថាចំណុចទាំង
ពីរមានទីតាំងផ្ទុយគ្នា។
- ចោះប្រហោងត្រង់ចំណុចដៅនីមួយៗ ហើយដាក់ខ្សែចូល។
អ្នកអាចដេរខ្សែនៅលើចំណុចដៅកំប៉ុង។
- ចូរព្យួរជញ្ជីងនៅទីតាំងណាដែលកុមារៗអាចឈោងដល់។
- ចូរចងខ្សែកំប៉ុងនីមួយៗ ហើយដាក់វាលើគន្លាក់ទំពក់។
- ប្រសិនបើទំពក់មិនមាន/គន្លាក់ បិទស្កុតខ្សែនៅលើទំពក់ដោយដាក់ឱ្យមានចម្ងាយស្មើគ្នាពីខាងចុង។
ខ្សែគួរតែអាចគាំទ្រកំប៉ុងបាន ដូចដៃធុង។ - ចូរពិនិត្យកំប៉ុងឱ្យស្មើគ្នាមុនប្រើប្រាស់។
សេចក្ដីណែនាំ៖
- និយាយ៖ថ្ងៃនេះអ្នកគ្រូនឹងលេងល្បែងប្រៀបធៀប ធ្ងន់ និងស្រាល ជាមួយកូនៗទាំងអស់គ្នា។
- និយាយអំពីលោកគ្រូសុខ ដែលមានកម្លាំងខ្លាំង ហើយមនុស្សខ្លាំងអាចលើកវត្ថុធ្ងន់ៗបាន។
- សួរក្មេងៗ៖ តើកូនៗស្គាល់ពាក្យ “ធ្ងន់” ដែរឬទេ? បាទ/ចាស ស្គាល់។
តើពាក្យផ្ទុយពីពាក្យធ្ងន់ជាពាក្យអ្វី? បាទ/ចាស ស្រាល។
- ចូរឱ្យក្មេងៗផ្ដល់ឧទាហរណ៍មួយចំនួន អំពីវត្ថុធ្ងន់ និងវត្ថុស្រាល។
សូមកូនៗឧទាហរណ៍វត្ថុមួយណាដែលធ្ងន់ឱ្យអ្នកគ្រូម្នាក់មួយ?
មានដូចជាកំប៉ុងដែក កៅអីឈើ ដែកកឹប ត្រី អង្ករ …។
សូមកូនៗឧទាហរណ៍វត្ថុមួយណាដែលស្រាលឱ្យអ្នកគ្រូម្នាក់មួយ?
មានដូចជាក្រដាស ថង់ កៅអីជ័រ …។
- ចូរឱ្យក្មេងៗផ្ដល់ឧទាហរណ៍ប្រៀបធៀបមួយចំនួនអំពីវត្ថុធ្ងន់ជាង និងវត្ថុស្រាលជាង។
ឧទាហរណ៍៖ ថង់នេះស្រាលជាងក្រដាសនេះ។
កៅអីដែកនេះធ្ងន់ជាងកៅអីជ័រនេះ។ - ចាប់ផ្តើមលេងដោយឱ្យក្មេងៗជ្រើសរើសដាក់វត្ថុសម្រាប់ថ្លឹងទៅក្នុងកំប៉ុងរបស់ជញ្ជីង។
- ឱ្យក្មេងម្នាក់ជ្រើសរើសវត្ថុមួយដែលស្រាលដាក់ចូលទៅ។
- បន្ទាប់មកឱ្យក្មេងម្នាក់ទៀតជ្រើសរើសវត្ថុដែលធ្ងន់ចូលទៅទៀត។
- ចូរពិភាក្សាថា៖តើវត្ថុមួយណាដែលកូនៗគិតថាស្រាល?
តើវត្ថុមួយណាដែលកូនៗគិតថាធ្ងន់? ហេតុអ្វី? ឆ្លើយប្រាប់តាមស្ថានភាពវត្ថុ។ - ឱ្យក្មេងម្នាក់ជ្រើសរើសវត្ថុមួយដែលស្រាលជាងដាក់ចូលទៅ។
- បន្ទាប់មកឱ្យក្មេងម្នាក់ទៀតជ្រើសរើសវត្ថុដែលធ្ងន់ជាងចូលទៅទៀត។
- តើវត្ថុមួយណាដែលកូនៗគិតថាស្រាលជាង?
តើវត្ថុមួយណាដែលកូនៗគិតថាធ្ងន់ជាង? ហេតុអ្វី? ឆ្លើយប្រាប់តាមស្ថានភាពវត្ថុ។ - ចូរអនុវត្តជំហានទាំងនេះម្ដងទៀតសម្រាប់វត្ថុផ្សេងៗដែលអ្នកបានប្រមូល។
បម្រែបម្រួល៖ ចូរឱ្យក្មេងៗថ្លឹងវត្ថុផ្សេងៗនៅក្នុងថ្នាក់រៀន និងប្រៀបធៀបទម្ងន់របស់វត្ថុទាំងនោះ ដំបូងទាយ
សិនថាវត្ថុណាធ្ងន់បំផុត ហើយវត្ថុណាស្រាលបំផុត។