< ត្រឡប់ទៅធនធានទាំងអស់
ល្បែងបីងហ្គូសមាជិកគ្រួសារ
-
សិក្សាសង្គម
សកម្មភាព ៖ ល្បែងបីងហ្គូសមាជិកគ្រួសារ
សិក្សាសង្គម៖ បំណិនទំនាក់ទំនង៖ បំណិងរស់នៅក្នុងសង្គមនិងទំនាក់ទំនងវិជ្ជមានជាមួយមនុស្សជុំវិញខ្លួន៖
គោលបំណង៖
បំណិនសម្បទា៖ រៀបរាប់និងប្រាប់បានពីឈ្មោះមនុស្សជុំវិញខ្លួនឱ្យជួយនៅពេលដែលខ្លួនមានបញ្ហា
រយៈពេល ៖ ៣០ នាទី
ឧបករណ៍ ៖ ក្រដាសមួយដែលមានរូបភាពសមាជិកគ្រួសារ (អ្នកអាចទាញយកនៅក្នុងគេហទំព័របស់អង្គការរ៉ឺម៉កកង់បីសម្រាប់កុមារបាន👉https://rermork.org)
(សមាជិកគ្រួសារទៅតាមការចង់បានរបស់អ្នក អាចមានដល់មីងពូអ៊ំឬអ្នកផ្សេងទៀតប្រសិនបើមាន) ក្រដាសដែលមានសមាជិកគ្រួសារដែលត្រូវកាត់សម្រាប់លេងមួយឈុតទៀត សម្ភារមួយចំនួនសម្រាប់ដាក់កាតដែលកាត់រួច។ គ្រប់កាតទាំងអស់ ទាំងសម្រាប់កាត់ និងការទំហំA5 គឺត្រូវអ៊ុតឱ្យបានរឹងមាំ ព្រោះវាអាចលេងបានយូរអង្វែងផងដែរនិងសម្ភារសម្រាប់ដាក់នៅលើក្រដាសទំហំA5ម្នាក់មួយឈុតដែរ (ប្រសិនបើនៅលើក្រដាសនោះមានរូបភាពសមាជិក៦នាក់ ត្រូវមានសម្ភារនោះចំនួន៦ដែរ)
បញ្ជាក់៖ សម្ភារនេះអាចជាគម្របដប កំណាត់ឈើតូចៗ ឬជាអ្វីក៏បានដែរ ឱ្យតែមិនមានគ្រោះថ្នាក់ដល់កុមារ។
កម្រិតសិក្សា ៖ មធ្យម និង ខ្ពស់
ការរៀបចំ ៖ រៀបចំសម្ភារឱ្យបានរួចរាល់សម្រាប់លេងល្បែងសកម្មភាពនេះ និងទុកសម្រាប់បង្ហាញកុមារផងដែរ។ សម្រាប់សម្ភារ អ្នកគួរតែធ្វើឱ្យរួចរាល់សម្រាប់កុមារងាយស្រួលជាងឱ្យកុមារជាអ្នកធ្វើ។
សេក្ដីណែនាំ៖
- ប្រាប់កុមារថាថ្ងៃនេះពួកគេនឹងបានលេងល្បែងសកម្មភាពដែលមានឈ្មោះថា៖ ល្បែងបីងហ្គូសមាជិកគ្រួសារ។
- សួរសំណួរខ្លះៗដែលទាក់ទងទៅនឹងសមាជិកគ្រួសារទៅកាន់កុមារជាមុនសិនបាន ដូចជា៖ តើកូនមានប៉ាម៉ាក់អត់? តើប៉ាម៉ាក់ជាសមាជិកគ្រួសាររបស់កូនៗអត់? តើលោកតាលោកយាយជាសមាជិកគ្រួសាររបស់កូនៗដែរឬទេ? ជាដើម…។
- បែងចែកកុមារទៅជាក្រុមៗ ដែលក្នុងមួយក្រុមអាចមានសមាជិក ២ទៅ៦នាក់ ក្នុងនោះត្រូវមានម្នាក់ដែលធ្វើជាមេក្រុមផងដែរ។
- ឱ្យកុមារក្នុងក្រុមនីមួយៗអង្គុយជារង្វង់និងមានសម្ភារដែលត្រៀមសម្រាប់លេងល្បែងនេះឱ្យបានគ្រប់គ្រាន់ផងដែរ។
- បន្ទាប់មកត្រូវប្រាប់កុមារពីរបៀបលេងល្បែងនេះឱ្យបានច្បាស់ជាមុនសិន។
- ដំបូងចែកក្រដាសទំហំA5 ដែលមានរូបភាពសមាជិកគ្រួសារដែលបានរៀបចំនោះ ទៅកាន់សមាជិកក្រុមម្នាក់មួយសន្លឹកៗ និងសម្ភារសម្រាប់ដាក់លើក្រដាស
បីងហ្គូនោះឱ្យគ្រប់ចំនួននិងកុមារនីមួយៗ។ - ក្រដាសកាតតូចៗត្រូវដាក់ចូលក្នុងចាន ឬកែវ មួយសម្រាប់ឱ្យមេក្រុម ក្រឡុកនិង
ចាប់វាចេញក្រៅម្ដងមួយសន្លឹកៗ។ - នៅពេលដែលចាប់ផ្ដើមលេង មេក្រុមត្រូវដកកាតរូបសមាជិកគ្រួសារមួយសន្លឹក។
- កុមារនីមួយៗក្នុងក្រុមត្រូវពិនិត្យមើលថាខ្លួនមានកាតដូចកាតដែលមេក្រុមលើកឡើងមកហ្នឹងអត់។
- ប្រសិនបើមានត្រូវយកសម្ភារដែលបាននិយាយខាងលើដាក់ទៅលើរូភាពមួយដែលនៅក្នុង
ក្រដាសល្បែងបានមួយ និងប្រសិនបើគ្មានទេ គឺមិនត្រូវយកសម្ភារទៅដាក់
លើក្រដាសនោះទេ។ - នៅពេលដែលរួចហើយ មេក្រុមត្រូវចាប់កាតមួយទៀតនិងធ្វើដូចគ្នាដដែល បើមានដូចដាក់ បើគ្មានទេ មិនបាច់ដាក់ទេ។
- ធ្វើបែបនេះរហូតដល់នរណាម្នាក់ដែលបានដាក់អស់មុនគេនឹងក្លាយជាអ្នកឈ្នះទី១ ទី២ ទី៣… ជាការស្រេចតែម្ដង។
- នៅពេលដែលលេងចប់អស់ហើយ អាចឱ្យមេក្រុមលេងល្បែងនេះម្ដងបាន ដើម្បីឱ្យមានការសប្បាយទាំងអស់គ្នា។
ការប្រែប្រួល៖
- ល្បែងនេះអាចបង្កើតកាតដែលមានសមាជិកគ្រួសារកាន់តែច្រើនកាន់តែសប្បាយ
ឧ. សមាជិកគ្រួសារអាចមានដូចជា៖ ពូ មីង អ៊ំប្រុសស្រី ជាដើម…។ - អាចបង្កើតជាកាតបន្លែ ផ្លែឈើ របស់របរប្រើប្រាស់ផ្សេងៗ ដូចជា៖ សម្ភារក្នុងថ្នាក់ សាលារៀន វត្តអារាម ផ្ទះ បង្គន់ បន្ទប់ដេក បន្ទប់ទទួលភ្ញៀវ ផ្ទះបាយជាដើមបានផងដែរ។